ကော့သောင်းမြို့နယ်နှင့် ဆက်စပ်နေသည့် ပင်လယ်ပြင်အတွင်း ကျွန်းတစ်ကျွန်းပေါ်တွင် ဘင်္ဂါလီလူမျိုး ၁၀၂ ဦးကို တပ်မတော်(ရေ)က ဖမ်းဆီးနိုင်ခဲ့သည်ဟု သတင်းရရှိသည်။
မြန်မာ့ပင်လယ်ပြင်အတွင်းမှ စောင်းကောက်ကျွန်းနှင့်အနီး ၀န်းကျင်ရှိကျွန်းများပေါ်မှ ဇွန်လ ၁၁ နှင့် ၁၂ ရက်တွင် ရှာဖွေတွေ့ရှိခဲ့ခြင်းဖြစ်သည်ဟု ကော့သောင်းခရိုင်ရဲတပ်ဖွဲ့မှ ရဲအရာရှိတစ်ဦးက ပြောသည်။
‘‘ဘင်္ဂါလီတစ်ယောက်ကို အရင်ဖမ်းမိတာ။ သူ့ကိုတပ်မတော်(ရေ)က မေးတော့ နောက်ထပ်လူတွေ ကျွန်းပေါ်မှာ ရှိနေသေးတယ်ဆိုတာသိလို့ ထပ်ရှာတာ။စုစုပေါင်း ၁၀၂ ယောက်ပါ’’ ဟု အဆိုပါ ရဲအရာရှိက ပြောသည်။
၎င်းတို့ကိုစစ်ဆေးရာ ဘင်္ဂလားဒေ့ရ်ှနိုင်ငံသား လူကုန်ကူးသူများက စောင်းကောက်ကျွန်းတွင် ထားကာ ထိုမှ တစ်ဆင့် မလေးရှားနိုင်ငံသို့ ပို့ဆောင်ရန် စီစဉ်ထားခြင်းဖြစ်သည်ဟုဆိုသည်။ စောင်းကောက် ကျွန်းဝန်းကျင်လှိုင်းရောလေပါ ကြမ်းတမ်းပြီး ခက်ခက်ခဲခဲသွားရသည့်နေရာ ဖြစ်သည်ဟု ကော့သောင်းတွင် နေဖူးသည့် တပ်မတော်အရာရှိတစ်ဦးက ပြောသည်။
ပြီးခဲ့သည့်ဇွန်လမှစ၍ ဖျာပုံနှင့်မောင်တောမြို့နယ်များရှိ မြန်မာ့ပင်လယ်ပြင်ပိုင်နက်အတွင်း ဘင်္ဂါလီကိုးရာ ကျော် ဖမ်းမိခဲ့ကာ ၎င်းတို့ကို ဘင်္ဂလားဒေ့ရ်ှနိုင်ငံသို့ ပြန်လည်လွှဲပြောင်းခြင်း များရှိခဲ့သော်လည်း အပြီးသတ် မလုပ်ဆောင်နိုင်သေးပေ။
7Day Daily
No comments:
Post a Comment