အစ္စလာမ်မစ်နိုင်ငံတော် (အိုင်အက်စ်) စစ်သွေးကြွများကို တိုက်ခိုက်ရန်အတွက် ၎င်းတို့၏ အဓိကလေတပ် အခြေစိုက်စခန်းအား တူရကီက အမေရိကန်ကို အသုံးပြုခွင့် ပေးလိုက်ကြောင်း သိရသည်။လပေါင်းများစွာ ညှိနှိုင်းမှုများအပြီးတွင် ဆီးရီးယားနှင့် နယ်နိမိတ်အနီးရှိ မဟာဗျူဟာကျသော အခြေစိုက် စခန်းကို အမေရိကန် တိုက်လေယာဉ်များ အသုံးပြုရန် တူရကီက ခွင့်ပြုပေးခဲ့ခြင်း ဖြစ်သည်။ တူရကီသည် အမေရိကန် ဦးဆောင်သည့် မဟာမိတ်များက အိုင်အက်စ်တို့ကို လေကြောင်းမှ တိုက်ခိုက်သည့် စစ်ဆင် ရေးများတွင် ထဲထဲဝင်ဝင် မပါဝင်ဘဲ လက်ရှောင်နေခဲ့သည်။
သို့သော်လည်း ဆီးရီးယားနှင့် နယ်နိမိတ်အနီး တူရကီပိုင်နက်တွင် အိုင်အက်စ်တို့နှင့် ဆက်နွှယ်သည့် အကြမ်းဖက် တိုက်ခိုက်မှုများ မြင့်တက်လာသည့်နောက် ယခုသဘောတူညီမှု လျင်လျင်မြန်မြန် ဖြစ်မြောက် လာခြင်းဟု သိရသည်။ ယခုသီတင်းပတ် အစောပိုင်းက ဆီးရီးယားနယ်စပ်ရှိ တူရကီပိုင် မြို့ငယ်တစ်ခုတွင် အသေခံ ဗုံးခွဲတိုက်ခိုက်မှုတစ်ခု ဖြစ်ပွားရာ လူ ၃၂ ဦး သေဆုံးခဲ့သည်။
အမေရိကန် တိုက်လေယာဉ်များကို တူရကီအခြေစိုက်စခန်းမှ ပျံသန်းခွင့်ပေးရေးကို အမေရိကန်သမ္မတ ဘာရတ်အိုဘားမားနှင့် တူရကီသမ္မတ ရီဆက်ပ်တေယစ်ပ် အာဒိုဂန်တို့ ယခုသီတင်းပတ်အတွင်း ဖုန်းဖြင့် ဆွေးနွေးပြီး သဘောတူညီနိုင်ခဲ့ခြင်းဟု အမေရိကန်အစိုးရ၏ အမည်မဖော်လိုသူအရာရှိတစ်ဦးက ပြောကြားခဲ့သည်။
အင်ကာလစ် လေတပ်စခန်းကို အသုံးပြုခွင့် ရခြင်းသည် အိုင်အက်စ်တို့ကို ပစ်မှတ်ထား တိုက်ခိုက်နေသည့် အမေရိကန်၏ စစ်ရေးစွမ်းအင်ကို သိသိသာသာ မြှင့်တင်နိုင်မည် ဖြစ်သည်။ အမေရိကန် စစ်ဘက်တာဝန် ရှိသူတစ်ဦးက ယခုသဘောတူညီမှုသည် ဆီးရီးယားရှိ အိုင်အက်စ်တပ်များအပေါ် ဆင်နွှဲနေသည့် စစ်ဆင် ရေး ချိန်ခွင်လျှာကို အပြောင်းအလဲ ဖြစ်လာစေမည့် ခြေလှမ်းတစ်ရပ်ဟုလည်း မှတ်ချက်ပေးခဲ့သည်။
အိုင်အက်စ်တို့ကို တိုက်ခိုက်နေသည့် အမေရိကန် ဦးဆောင်သော မဟာမိတ် လေတပ်များအတွက် အဓိက ကြုံခဲ့ရသည့် ပထဝီဝင် အနေအထား ပြဿနာကို ယခုအခါ ဖယ်ရှားနိုင်တော့မည် ဖြစ်သည်။ တူရကီသည် အိုင်အက်စ်တို့ကို တိုက်ခိုက်သည့် စစ်ဆင်ရေး အစပြုစဉ်ကတည်းက မဟာမိတ်တပ်ဖွဲ့တွင် ပါဝင်ခဲ့ သော်လည်း အပြည့်အဝပူးပေါင်းပါဝင်မှု မရှိသေးချေ။ ယင်းသည် ဆီးရီးယားပြည်တွင်းရေး ပြဿနာများနှင့် ခပ်ကင်းကင်း ရှိလိုသည့် သဘောထားကြောင်းလည်း ဖြစ်သည်။
တူရကီအစိုးရသည် အိုင်အက်စ်တို့နှင့်ပတ်သက်၍ ထိထိရောက်ရောက် ကိုင်တွယ်ချေမှုန်းမှုမရှိခြင်း အတွက် ဝေဖန်မှုများစွာ ကြုံနေရသည်။ ဇူလိုင် ၂၃ ရက်တွင်မူ ကီလစ်မြို့အနီးတွင် အိုင်အက်စ်တပ်များနှင့် တူရကီအစိုးရတပ်များကြား အပြန်အလှန် တိုက်ခိုက်မှုများလည်း ဖြစ်ပေါ်ခဲ့ကြောင်း သိရှိရသည်။
7Day Daily
No comments:
Post a Comment