ဂရိနိုင်ငံဟာ ဥရောပအိမ်နီးချင်းနိုင်ငံတွေဆီကနေ ကြာသပတေးနေ့က ဘဏ္ဍာငွေအကူအညီ ရလိုက်တာ ကြောင့် သီတင်းနှစ်ပတ်ကျော်ကြာ ပိတ်ထားရတဲ့ ဘဏ်တွေ ပြန်ဖွင့်ခွင့်ရတော့မှာဖြစ်ပါတယ်။
ဂရိဘဏ်တွေအတွက် အရေးပေါ်ရန်ပုံငွေကို ဒေါ်လာ ၉၇၈ သန်းအထိ ဥရောပဗဟိုဘဏ် ECB က တိုးမြှင့် ပေးလိုက်တာပါ။ အဲဒါကြောင့် ဘဏ်တွေကို တနင်္လာနေ့မှာ ပြန်ဖွင့်ခွင့်ရစေမယ်လို့ ဂရိအစိုးရက ပြောပါတယ်။ ဘဏ်တွေမှာရှိတဲ့အပ်ငွေတွေကို အပြေးအလွှား လာထုတ်ကြမလားဆိုတဲ့ စိုးရိမ်စိတ်နဲ့ ဇွန်လ နှောင်းပိုင်းမှာ ဘဏ်တွေကို ပိတ်ထားခဲ့တာပါ။
နောက်ထပ် ချေးငွေရဖို့အတွက် ခြိုးခြံချွေတာရေး အစီအစဉ်သစ်တွေအပေါ် ဥရောပအိမ်နီးချင်းနိုင်ငံတွေ၊ နိုင်ငံတကာ မြီရှင်တွေနဲ့ သဘောတူညီချက်တခုရဖို့ အပြင်းအထန်ဆွေးနွေးခဲ့ရတာနဲ့အမျှ ဘဏ်တွေကို ပိတ်ထားခဲ့တာပါ။
လမ်းဘေးတွေမှာရှိတဲ့ ငွေထုတ်စက်ထုတ်တွေကနေ တရက်ကို ယူရိုငွေ ၆၀ ပဲထုတ်ယူဖို့ ငွေအပ်ထားသူ တွေကို ကန့်သတ်ခဲ့ပါတယ်။ ဒါပေမဲ့ ဘဏ်တွေ ပြန်ဖွင့်ခွင့်ရတာနဲ့အမျှ သီတင်းတပတ်မှာ ငွေထုတ်ယူနိုင်တဲ့ ပမာဏ ကန့်သတ်ချက်ကို လျှော့ပေါ့ပေး သွားဖွယ်ရှိတယ်လို့ အစိုးရကပြောပြီး ငွေပမာဏ ဘယ်လောက် ဆိုတာကိုတော့ မပြောပါဘူး။
ဗွီအိုအေ (မြန်မာပိုင်း)
No comments:
Post a Comment