အကောင်းဆုံးယတြာ

၁။ဝင်ငွေမ ကောင်းတဲ့အခါချွေတာသုံးစွဲတာအ ကောင်းဆုံး ယတြာ

၂။ လမ်းသွားတဲ့အခါ ကြီးမားတဲ့ဝီရိယထားခြင်းဟာ
အန္တရာယ်ကင်းဖို့ အတွက် အ ကောင်းဆုံးယတြာ

၃။ ရန်လိုနေတဲ့လူနဲ့ဖက်ပြိုင်ပြီးမငြင်းတာအ ကောင်းဆုံး ယတြာ

၎။ ဒေါသထွက်စရာ ကြုံတဲ့အခါစိတ်ဖြေသာတဲ့နေရာကို
ရှောင် ထွက်သွား ခြင်းဟာ အ ကောင်းဆုံးယတြာ

၅။ မနာလိုဝန်တိုစိတ်ကိုမ မွေးအောင်ကံ ကံရဲ့အကျိုး ကို လက်ခံနိူင်အောင် ကြိုးစားတာ အ ကောင်းဆုံးယတြာ

၆။ စိတ်ကောင်းထားခြင်း ရိုးသားမှုရှိခြင်းဟာကြီးပွား ရာ ကြီးပွားကြောင်း အတွက် အ ကောင်းဆုံးယတြာ

၇။ အားလပ်ချိန်မှာ စာဖတ်တဲ့အကျင့်ကို မွေးမြူခြင်းဟာ
အသိအလိမ္မာတိုး တက်စေဖို့အတွက် အ ကောင်းဆုံး ယတြာ

၈။ကံဆိုးချိန်မှာရတနာသုံးပါးကိုအထူးတလည်ဆည်းကပ် ကိုးကွယ်တာသည် ကံကောင်းတွေရောက်စေဖို့ အတွက် အ ကောင်းဆုံးယတြာ

၉။ တစ်စုံတရာ ကျွေးမွေးပေးအပ်သူကို ကျေးဇူးရှင်
တစ်ဦးအဖြစ် မ မေ့အပ်တာ အ ကောင်းဆုံးယတြာ

၁၀။ သူ့တာဝန် ကိုယ့်တာဝန်ကို တိတိကျကျ ခွဲခြားပြီး
တာဝန်ကျေပွန်စွာ လုပ်တာ အ ကောင်းဆုံးယတြာ

၁၁။ ရှေ့နောက်မြော်မြင် တတ်တဲ့ပညာရှိ လူကြီးမိဘရဲ့
ဆိုဆုံးမမှုကို လိုက်နာတာ အ ကောင်းဆုံးယတြာ

၁၂။ မရ သေးတဲ့ဥစ္စာကိုအပူတပြင်းမ တောင့်တ မလိုချင် တာစိတ် ချမ်း သာစေဖို့ အတွက် အ ကောင်းဆုံးယတြာ

၁၃။ တတ်နိုင် သ လောက်စုဆောင်းသွားတာဟာ
အနာဂတ်ခရီးအတွက် အ ကောင်းဆုံးယတြာ

၁၄။ ဘဝအ ရေးနိမ့်တဲ့ကာလမှာစိတ်ဓါတ်ကိုကြံ့ကြံ့ခံ နိူင် အောင်သတိထားမွေးမြူခြင်းဟာမိမိ မပျက်စီးဖို့ အတွက်အ ကောင်းဆုံးယတြာ

၁၅။ စီးပွားဖြစ်တဲ့အခါအောက်ခြေမလွတ်အောင်သတိ တရားနဲ့နေထိုင် တာ အ ကောင်းဆုံးယတြာ

၁၆။ ငယ်စဉ်အခါ ပညာသင် ချိန်မှာပညာတတ်ရေး တစ်ခုတည်းကိုရှေ့ရှု့ပြီးတစိုက် မတ်မတ် ကြိုးစားခြင်း ဟာနောင် ရေးအတွက် အ ကောင်းဆုံး ယတြာ

၁၇။ အခွင့်အလမ်းပေါ်လာတဲ့အခါလုံ့လဝီရီယကို ရှေ့ တန်း တင်ပြီးအမိအရဆုပ်ကိုင် လိုက်ခြင်း ဟာအောင်မြင်ကြီး ပွားဖို့အတွက်အ ကောင်းဆုံး ယတြာ

၁၈။ ဘာကိုမှမစဉ်းစားပဲ မလုပ်တာမ ပြောတာ နောင်
မှနောင် တ ရ တယ်ဆိုတဲ့အဖြစ်မျိုးကို မ ရောက်ဖို့
အတွက်အ ကောင်းဆုံးယတြာ

၁၉။ သုံးနိူင် တဲ့အ ခြေအ နေရှိရက်နဲ့စိတ်ကိုလွှတ်ပေးပြီး
အရမ်းမဲ့မသုံးစွဲတာဟာနောင် စိတ်ဆင်းရဲစရာ
မကြုံဖို့အတွက်အ ကောင်းဆုံးယတြာ

၂၀။ ဘေးရှိတဲ့စကား ကြမ်းတမ်းတဲ့စကားကိုမဆိုခြင်းဟာ
နောင် အခါပြဿနာအရှုပ်အရှင်းနဲ့ ရင်မဆိုင်ရဖို့ အတွက် အ ကောင်းဆုံးယတြာ

၂၁။ သူ့ဘက် ကိုယ့်ဘက်မျှမျှတတကြည့်တာ စဉ်းစားတာ
လုပ်ကိုင် တာသည်ရေရှည်လက်တွဲဖို့အတွက် အ ကောင်းဆုံးယတြာ

၂၂။ မနိူင် တဲ့ဝန်ကို မထမ်းတာဟာအသက်ရှည်ဖို့ အတွက် အ ကောင်း ဆုံးယတြာ

၂၃။ မိမိကိုယ်ကိုအမှန် ရှု့ထောင့်မှဝေဖန်သုံးသပ် တာဟာရှေ့လျှောက်ရမယ့်ဘဝခရီးမှာပန်းခင်းလမ်းဖြစ်ဖို့ အတွက်အ ကောင်းဆုံးယတြာ

၂၄။ ဒေါသကိုအပြင် မထွက်အောင်ထိန်းနိုင် တာဟာ
အစစအရာရာ ပြဿနာနည်းပါးစေဖို့အတွက်အ ကောင်းဆုံး ယတြာ

၂၅။ ကျော်ဖြတ် ရတဲ့ဘဝခရီးမှအမှားများကိုဆင်ခြင်
သုံးသပ်ပြီးချက်ချင်းပြုပြင် သွားတာ ရှေ့ ခရီး ချောမော ဖို့အတွက်အ ကောင်းဆုံးယတြာ

၂၆။ အတိတ်ကို ပြန်တွေးပြီးလဲမပူဆွေး အနာဂတ် အ ရေးကိုလှမ်းမျှော်ပြီးလည်းမပူပန် ပစ္စုပ္ပန်တည့်တည့် မှာသာရပ်ပြီးလုပ်သင့်လုပ်ထိုက်တာတွေကို လုပ်ကိုင် သွားတာဟာတိုးတတ် ဖို့အတွက်အ ကောင်းဆုံးယတြာ

၂၇။ အ ကောင်းမြင် ဝါဒနဲ့ဘဝခရီးကိုဆက်ခြင်းဟာ
အ ကောင်းဆုံးယတြာ

၂၈။ ကျန်းမာရေးယိုယွင်းစေတဲ့အပျော်အပါး လိုက်စားမှု
မူးယစ်ဆေးဝါးနဲ့အရက် သေစာကို ရှောင် ရှားတာဟာ
အသက် ရှည် ကျန်းမာစေ ဖို့အတွက် အ ကောင်းဆုံး ယတြာပါ။

နေ့စဉ်ဒီအချက်က လေးတွေနဲ့အညီကျင့်ကြံနေထိုင်
သွားကြမယ်ဆိုရင်တော့ယတြာဆိုတာအထူးချေစရာမလိုပါဘူး
လို့ပြောချင် ပါတယ် သူငယ်ချင်းတို့

ဒါ့ကြောင့်—-

”အဖိုးတန်တဲ့လူသားတစ်ယောက်ဘဝကိုရဖို့ နေ့စဉ် ယတြာချေကြစို့”

ကိုးဘွဲ့ ရဆရာတော် အရှင်အာစာရာလင်္ကာရ

မွန်ပြည်နယ် သမိုင်းဝင်စေတီပုထိုးများ လွှတ်တော်နာယကဖူးမြော်၊
ရဟန်းရှင်လူပြည်သူများအား ရင်းရင်းနှီးနှီးတွေ့ဆုံနှုတ်ဆက်

၂၅.၄.၂၀၁၄ရက်နေ့တွင် ပြည်ထောင်စုလွှတ်တော်နာ ယက ပြည်သူ့လွှတ်တော်ဥက္ကဋ္ဌသူရဦးရွှေမန်းနှင့်ဇနီးဒေါ် ခင်လေးသက်တို့ နှင့်အတူ မွန်ပြည်နယ်ဝန်ကြီးချုပ် ဦးအုန်းမြင့်၊ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ အထွေထွေအတွင်းရေးမှူး ဦးမောင်မောင်သိမ်းတို့သည် ကျိုက္ခမီရေလည်ဘုရား၌ ရွှေသင်္ကန်းဆက်ကပ်ခြင်း၊ အလှူငွေပေးအပ်ခြင်းတို့ကို ဆောင်ရွက်ခဲ့ပြီးနောက် ဧည့်သည်တော်မှတ်တမ်းတွင်လက်မှတ်ရေးထိုးခဲ့သည်။ ထို့နောက် ဂေါပကအဖွဲ့က စေတီတော်ပုံပါ ဓာတ်ပုံ ပန်းချီကားများကို ပြန်လည်ပေးအပ်သည်။
 ပြည်ထောင်စုလွှတ်တော်နာယကနှင့်အဖွဲ့သည် ယမန်နေ့ညနေပိုင်းတွင်မွန်ပြည်နယ် ကျိုက်ထိုမြို့နယ် ကျိုက်ထီးရိုးဆံတော်ရှင်စေတီသို့ သွားရောက်ဖူးမြော် ခဲ့ပြီး ရွှေသင်္ကန်းဆက်ကပ်ခြင်း၊ လှူဒါန်းငွေပေး အပ် ခြင်းများပြုလုပ်ကာ ဧည့်သည်တော် မှတ်တမ်း တွင်လက်မှတ်ရေးထိုးခဲ့သည်။ ထို့နောက် ပြည်ထောင်စုလွှတ်တော်နာယကသည် ကျိုက်ထိုးရိုးဆံတော်ရှင်စေတီတော်သို့ လာရောက် ဖူးမြော်ကြသော ရဟန်းရှင်လူ ပြည်သူများအား ရင်းရင်းနှီးနှီးတွေ့ဆုံနှုတ်ဆက်ကြောင်းသိရှိရသည်။

ပြည်ထောင်စုလွှတ်တော်နာယက သူရဦးရွှေမန်း ရန်ကုန်တောင်ပိုင်း ခရိုင် မြို့နယ်များမှ စီမံကော်မတီများ ဖွံ့ဖြိုးတိုးတက်ရေးအထောက် အကူပြုကော်မတီများ၊ စည်ပင် သာယာရေးကော်မတီများ ၊နိုင်ငံရေး ပါတီများ၊ မြို့ မိမြို့ဖများနှင့်ရင်း ရင်းနှီးနှီးတွေ့ဆုံ၊ မြန်မာ့နိုင်ငံရေြး ဖစ်ပေါ်ပြောင်းလဲတိုးတက်မှုများ ရှင်းလင်းပြောကြား

ပြည်ထောင်စုလွှတ်တော်နာယက

သူရဦးရွှေမန်း ရန်ကုန်တောင်ပိုင်း ခရိုင် မြို့နယ်များမှ စီမံကော်မတီများ ဖွံ့ဖြိုးတိုးတက်ရေးအထောက် အကူပြုကော်မတီများ၊ စည်ပင် သာယာရေးကော်မတီများ ၊နိုင်ငံရေး ပါတီများ၊ မြို့ မိမြို့ဖများနှင့်ရင်း ရင်းနှီးနှီးတွေ့ဆုံ၊ မြန်မာ့နိုင်ငံရေြး ဖစ်ပေါ်ပြောင်းလဲတိုးတက်မှုများ ရှင်းလင်းပြောကြား

ပြည်ထောင်စုလွှတ်တော်နာယက သူရဦးရွှေမန်း သည်ယနေ့နံနက်ပိုင်းတွင်ရန်ကုန်တိုင်းဒေသကြီး တောင်ပိုင်း ခရိုင် အထွေထွေအုပ်ချုပ်ရေးဦးစီးဌာနရုံး၊ ရှင်စောပုခန်းမ ၌ရန်ကုန်တောင်ပိုင်းခရိုင်အတွင်းရှိမြို့နယ်များမှ စီမံခန့် ခွဲရေးကော်မတီများ၊ဖွံ့ဖြိုးတိုးတက်ရေးအထောက်အ ကူပြုကော်မတီများ၊စည်ပင်သာယာရေးကော်မတီများ၊ နိုင် ငံရေးပါတီများနှင့်မြို့မိမြို့ဖများအားတွေ့ဆုံအမှာစကားပြော ကြားသည်။

    အဆိုပါတွေ့ဆုံပွဲသို့ အမျိုးသားလွှတ်တော် ဒုတိယဥက္ကဋ္ဌဦးမြငြိမ်း၊ ရန်ကုန်တိုင်းဒေသကြီးဝန်ကြီးချုပ် ဦးမြင့်ဆွေ၊ ပြည်ထောင်စုလွှတ်တော်ကိုယ်စားလှယ်များ၊ ရန်ကုန်တိုင်းဒေသကြီးလွှတ်တော်ကိုယ်စားလှယ်များ၊ ခရိုင်အဆင့်ဌာနဆိုင်ရာတာဝန်ရှိသူများ၊ ပြည်ထောင်စုလွှတ်တော်ရုံးနှင့် ပြည်သူ့လွှတ်တော်ရုံးတို့မှ တာဝန်ရှိသူ များတက်ရောက်ကြသည်။

     ရှေးဦးစွာ ပြည်ထောင်စုလွှတ်တော်နာယကက အမှာ စကားပြောကြားရာတွင်…မြန်မာနိုင်ငံ၌ ပါတီစုံဒီမိုကရေ စီနှင့် ဈေးကွက်စီးပွားရေးစနစ်ကျင့်သုံးပြီးခေတ်မီဖွံ့ဖြိုးတိုး တက်သည့်နိုင်ငံတော်ဖြစ်ပေါ်လာရေးဝိုင်းဝန်းကြိုးပမ်းဆောင် ရွက်လျက်ရှိကြောင်းယင်းသို့အကောင်အထည်ဖော်ဆောင် ရွက်နိုင်ခြင်းသည် ၂၀၀၈ခုနှစ်ဖွဲ့စည်းပုံအခြေခံဥပဒေကို အတည်ပြုပြဌာန်းနိုင်ခဲ့၍ဖြစ်ပါကြောင်း၊၂၀၁၀ပြည့်နှစ်   နိုဝင်ဘာလ၌ ပါတီစုံဒီမိုကရေစီအထွေထွေရွေးကောက် ပွဲ ကျင်းပပြီး  ရွေးကောက်ပွဲရလာဒ်များအရ လွှတ်တော် များပေါ်ပေါက်ခဲ့ကာ  ၂၀၁၁မတ်လတွင် အစိုးရအဖွဲ့ကို ဖွဲ့စည်းနိုင်ခဲ့ပါကြောင်း။

၂၀၁၁ခုနှစ်အောက်တိုဘာလ၌  ပြည်ထောင်စုရွေးကောက်ပွဲဥပဒေကိုပြင်ဆင်ခဲ့ပြီး  ကြားဖြတ်ရွေးကောက်ပွဲကျင်းပနိုင်ခဲ့ဲ့၍အမျိုးသားဒီမိုကရေစီ အဖွဲ့ချုပ်အပါအ၀င် ရွေးချယ်ခံခဲ့ရသည်ကို အားလုံးအသိ ပင်ဖြစ်ကြောင်း၊၂၀၁၂ခုနှစ်နောက်ပိုင်း၌မိမိတို့၏ ရည်မှန်း ချက်ဖြစ်သော ပါတီစုံဒီမိုကရေစီနှင့် 

ဈေးကွက် စီးပွားရေး စနစ်လမ်းကြောင်းပေါ်ရောက် ရှိနေပြီဟု  နိုင်ငံတကာကအသိအမှတ်ပြုလာခဲ့ကြောင်း၊ ပိတ်ဆို့အရေးယူမှုများကိုလည်း ဖြေလျှော့ပေးလာခဲ့ကြောင်း၊ နိုင်ငံတကာနှင့် ပုံမှန်ဆက်သွယ်ဆက်ဆံလာနိုင်ခဲ့ကြောင်း၊ အဆိုပါအချက်များကို ပြန်လည်သုံးသပ်ပါက နိုင်ငံတော်အေးခမ်း သာယာရေးနှင့်ဖွံ့ဖြိုးရေးကောင်စီအစိုးရအနေဖြင့် ပါတီစုံ ဒီမိုကရေစီနှင့် ဈေးကွက်စီးပွားရေးစနစ်ကျင့်သုံးနိုင်ရန်   ဆောင်ရွက်ပေးခဲ့ခြင်းဖြစ်သည်ကို မည်သူ မျှငြင်း ပယ်၍ မရနိုင်ပါကြောင်း။

မိမိတို့လွှတ်တော် အပါအ၀င် အစိုးရအဖွဲ့အနေဖြင့် အပြောင်းအလဲများလုပ်ဆောင်ရာတွင်လွယ်လွယ်နှင့်မရနိုင် ဘဲအခက်အခဲများကြုံတွေ့နိုင်သည်ကိုသိရှိထားပါကြောင်း။ သို့သော်လည်း နိုင်ငံတကာနှင့် ရင်ပေါင်တန်းနိုင်ရန်ဆို လျှင် ပါတီစုံဒီမိုကရေစီနှင့်ဈေးကွက်စီးပွားရေး စနစ်ကျင့် သုံးနိုင်မှသာ  ဖြစ်မည်ဆိုသောအသိဖြင့် မဖြစ်ဖြစ်အောင်ဆောင် ရွက်နိုင် ခဲ့ခြင်းဖြစ်ပါကြောင်း၊ နိုင်ငံတကာကိုကြည့်မည်ဆိုပါက  အာဏာရအဖွဲ့အစည်းအနေဖြင့်  အာဏာကိုချောမောပြေပြစ်စွာလွှဲပြောင်းပေးခြင်းမှာခဲယဉ်းပြီးမရှိသလောက် ပင်ဖြစ်ကြောင်း ကမ္ဘာ့နိုင်ငံအချို့တွင် အာဏာရှိသူနှင့်ပြည်သူများအကြား ပဋိပက္ခများဖြစ် ပွားပြီး ပြည်သူအများ အတိဒုက္ခရောက်လျက်ရှိသည် ကို တွေ့ရမည်ဖြစ်ကြောင်း။

 မိမိတို့နိုင်ငံတွင် ယင်းသို့မဖြစ်ပေါ်စေရန် ၂၀၁၀ရွေးကောက်ပွဲတွင်အနိုင်ရရှိသည့်ပါတီက ဖွဲ့ စည်းပေးလိုက်သည့်  အစိုးရသစ်တက်လာပြီးနောက်  တစ်ပါတီစနစ်မဟုတ်ဘဲ ပါတီစုံစနစ်ကျင့်သုံးခဲ့ကြောင်း  ပါတီများအားလုံးသည် အမျိုးသားအကျိုးစီးပွားကို အခြေခံ ၍ ပါတီမူဝါဒချမှတ်ဆောင်ရွက်နေခြင်းဖြစ် ပါကြောင်း၊ မိမိတို့လွှတ်တော်များအတွင်း၌  ပါတီစွဲ ပုဂ္ဂိုလ်စွဲ လူမျိုးစွဲ အယူဝါဒစွဲမထားဘဲ နိုင်ငံတော်နှင့်နိုင်ငံသားအကျိုးဖြစ် ထွန်းစေရန်အတွက်အားလုံးပါဝင်ဆောင်ရွက်မည်ဆိုသည့် ခံယူချက်ထားရှိဆောင်ရွက်နေပါကြောင်း၊ ယခုဆိုလျှင် မိမိတို့နိုင်ငံ၌ ပါတီပေါင်း ၆၅ပါတီရှိလာပြီဖြစ်ကြောင်း။

          မိမိတို့နိုင်ငံ၌ အမှန်တကယ်လိုအပ်နေသည်မှာ တိုင်းရင်းသားစည်းလုံးညီညွတ်ရေးနှင့်  အမျိုးသားပြန် လည်သင့်မြတ်ရေးပင်ဖြစ်ကြောင်း၊ သို့မှသာ ငြိမ်းချမ်းရေး ရ ရှိနိုင်မည်ဖြစ်ပြီး  တရားဥပဒေစိုးမိုးရေး ရရှိအောင် ဆောင်ရွက်နိုင်မည်ဖြစ်ကြောင်း၊ဖွဲ့စည်းထားသည့် ပါတီအသီးသီးအနေဖြင့် တစ်ပါတီနှင့်တစ်ပါတီ ရန်သူလို သ ဘောမထားဘဲ လုပ်ဖော်ကိုင်ဖက်လိုသဘောထား ရန်လိုကြောင်း၊ မိမိတို့အနေဖြင့်  အားလုံးပါဝင်ကြရန် ဖိတ်ခေါ်လျက်ရှိပါကြောင်း၊အတိတ်သမိုင်းကြောင်းကိုကြည့် ပါက ကြွေးကြော်သံများဖြင့်လုပ်ခဲ့ကြသော် လည်း အောင် မြင်မှုမရခဲ့ကြောင်း၊ အစွဲအလမ်း ကြီးပြီးခေတ် အဆက်ဆက် တစ်ဦးနှင့်တစ်ဦး၊ တစ်ဖွဲ့နှင့် တစ်ဖွဲ့ရန်ဖြစ်နေကြ၍ ဒုက္ခရောက်ရသည်မှာ ပြည်သူ များပင်ဖြစ်ကြောင်း။

          တစ်ပါတီနှင့်တစ်ပါတီ တစ်ဖွဲ့နှင့်တစ်ဖွဲ့ အပြုတ်တိုက် ၍မရပါကြောင်း၊ ရုပ်ပိုင်းဆိုင်ရာအရကျဆုံး သွားသော်လည်း စိတ်ပိုင်းဆိုင်ရာအရကျန်နေ ဦး မည်ဖြစ်ကြောင်း၊ တစ်ပါတီနှင့်တစ်ပါတီတစ်ဖွဲ့နှင့်တစ်ဖွဲ့ အပြတ်ရှင်း၊ အပြုတ် တိုက်ဆိုသည်မျိုးလက်ခံကျင့်သုံး ၍မရပါကြောင်း၊ ယင်းသို့ဖြစ်နေလျှင် အခြားနိုင်ငံများ ထက် ဖွံ့ဖြိုးမှုနောက်ကျကျန်နေဦးမည်ဖြစ်ကြောင်း၊ အမျိုးသားရေးကိုအခြေခံဖွဲ့စည်းထားသည့် ပါတီတိုင်း တွင်ကောင်းမွန်သောရည်ရွယ်ချက်ရည်မှန်းချက်များရှိကြကြောင်း ပါတီတစ်ခုနှင့်တစ်ခုအပြောနှင့်ပြိုင် အလုပ်နှင့်ပြိုင်ကြရ မည်ဖြစ်ပြီးမည်သူကအမှန်တကယ်လုပ်ပေးနိုင် မည် ကို ပြည်သူများက စဉ်းစားဆုံးဖြတ်ရွေး ချယ်ရမည် သာဖြစ်ကြောင်း

          ဖွဲ့စည်းပုံအခြေခံဥပဒေပြင်ဆင်ရေးနှင့်ပတ်သက် ၍  ပြင်ဆင်ခြင်းကိုလိုလားပြီး အသစ်ရေးဆွဲခြင်းကို မလိုလားပါကြောင်း၊ အတည်ပြုပြဌာန်းလိုက်သည့်  ဖွဲ့စည်းပုံကိုလောလောဆည်အားဖြင့်မိမိတို့လိုက်နာရမည် သာဖြစ်ကြောင်း၊ဖွဲ့စည်းပုံတစ်ခုအသစ်ရေးဆွဲမည်ဆိုပါက မလိုလားအပ်သောကိစ္စများများစွာကြုံတွေ့ရ မည်ဖြစ်ကြောင်း၊  ပြင်စရာရှိကပြင်ရန်၊ ပြောင်းစရာရှိကပြောင်းရန်သာလိုကြောင်း ၊အခြားနိုင်ငံများကိုကြည့်ပါကလည်းပြင်ခဲ့ပြောင်းခဲ့သည် များ ရှိပါကြောင်း၊ဖွဲ့စည်းပုံအခြေခံဥပဒေပြင် ဆင်ရေးနှင့် ပတ်သက်၍ မူဘောင်အတွင်းမှဆောင်ရွက်သွားရန် လိုလားပါကြောင်း၊ တိုင်းပြည်ကောင်းစားရေး၊တိုင်းပြည်တည်ငြိမ်အေးချမ်းရေးအတွက်ဆို လျှင် ထောက်ခံရမည်ဖြစ်ကြောင်း၊ ပြုပြင်ပြောင်းလဲရေးဖော်ဆောင်ရာတွင် ဖွဲ့စည်းပုံအခြေခံဥပဒေပြင်ဆင်ရေးသည် ခေါင်းစဉ် တစ်ခုပင်ဖြစ်ကြောင်း၊ ပြုပြင်ပြောင်းလဲရေးကိုတစ်ရက်တည်း တစ်ကြိမ်တည်းလုပ်၍မရနိုင် ကြောင်း၊အစဉ်တစိုက် လုပ်ဆောင်ရ မှာဖြစ်ကြောင်း၊ပြုပြင်ပြောင်းလဲရေးကို အဓိကလုပ်ဆောင်ခဲ့ ၍ထိုက်သင့် သလောက်ခရီးရောက် ခဲ့ပြီဖြစ်ကြောင်း၊ အခုရေတွင်းတူး အခုရေကြည်သောက် ၍မရနိုင်ပါကြောင်း။

          လွှတ်တော်များ၏တာဝန်သည် ဥပဒေပြဌာန်းရန် အဓိကဖြစ်ကြောင်း၊ ပြုပြင်ပြောင်းလဲရေးလုပ်ဆောင်ရာ တွင်ဥပဒေများပြင်ဆင်ခြင်းပြဌာန်းခြင်းများ ကို ဆောင်ရွက် ရန်လိုကြောင်း ၊ ပြုပြင်ပြောင်းလဲရေး လုပ်ငန်းစဉ်များ သည် ခက်ခဲသော်လည်း ကြောက်ရွံ့နေ ၍မရဘဲဆက်လုပ်သွားရမည်ဖြစ်ကြောင်း၊ လွှတ်တော်အစိုးရ သာမက  ပြည်သူများကပါပြောင်း လဲရာတွင် ပါဝင်ကြရမည်ဖြစ်ကြောင်း၊ ပြောင်းလဲ ရာတွင် Mind est များပြောင်းလဲရန်လိုအပ်ပါကြောင်း၊ ဆန့်ကျင် ဘက်ပြောတိုင်း အကောင်းဘက်သို့ဦးတည်ခြင်း မဟုတ်ပါကြောင်း သတင်းမီဒီယာများအပိုင်းကလည်း မှန်မှန်ကန်ကန် ပါဝင်ရန်လိုကြောင်း။

          နိုင်ငံတော်သမ္မတကြီးက ကောင်းမွန်သောအစိုးရ ၊သန့်ရှင်းသောအစိုးရဖြစ်အောင် ဆောင်ရွက်ရမည်။ ပြည်သူကိုဗဟိုပြုဆောင်ရွက်ရမည်ဟု ပြောကြားခဲ့ကြောင်း၊ ပြည်သူကိုဗဟိုပြု ဆောင်ရွက်ရာတွင် အထောက်အကူဖြစ်စေရေးအတွက် မြို့နယ်များ၌ စီမံခန့် ခွဲရေးကော်မတီ၊ဖွံ့ဖြိုးတိုးတက်ရေးအထောက် အကူပြု ကော်မတီနှင့် စည်ပင်သာယာရေးကော်မတီတို့ ကို ဖွဲ့စည်းပေးထားကြောင်း၊ ကျေးရွာအဆင့်၌  ဖွံ့ဖြိုးတိုးတက် ရေးအထောက်အကူပြုအဖွဲ့များရှိကြောင်း ၊ယင်းအဖွဲ့များသည် မိမိဒေသဖွံ့ဖြိုးတိုးတက်ရေးအတွက် အရေးပါ သောအဖွဲ့များဖြစ်ကြောင်း၊ ကော်တီများ၏အခန်း ကဏ္ဍသည် အရေးပါသည့်အလျောက်စေတနာထားလျှင် ထားသလောက် အရည်အချင်းရှိလျှင်ရှိသလောက် ဒေသ တိုးတက်မည်ဖြစ်ကြောင်း၊ ၄င်းတို့သည်အခကြေးငွေ တစ်စုံတရာမရဘဲ ဆောင်ရွက်သူများဖြစ် ၍ ဂုဏ်ပြုခံထိုက် သူများဖြစ် ပါကြောင်း၊ ရပ်ကွက်ကျေးရွာမှ မြို့နယ်၊ မြို့နယ်မှခရိုင်၊ ခရိုင်မှ တိုင်းဒေသကြီး/ပြည်နယ် များ၊၄င်းမှပြည်ထောင်စုတစ်ခုလုံးပီပြင်တိုးတက်စေသော လုပ်ငန်းစနစ်ဖြစ်ကြောင်း၊ အောက်မှအထက်သို့ (Bottom Up) စနစ်ဖြစ်ကြောင်း။

          ကော်မတီများ၏လုပ်ငန်းကိုသက်ဆိုင်ရာအုပ်ချုပ်ရေးအဖွဲ့က ထိုက်သင့်သလို အကူအညီပေးသကဲ့သို့ လွှတ်တော်က လည်းအကူအညီများပေးလျက်ရှိပါကြောင်း၊  ပြည်ထောင်စု လွှတ်တော်ကပြဌာန်းလိုက်သည့်ဖွံ့ဖြိုးရေးရန်ပုံငွေကျပ်သိန်း တစ်ထောင်ကိစ္စတွင်သက်ဆိုင်ရာလွှတ်တော်ကိုယ်စားလှယ်လေး ဦးအပြင် ကော် မတီများကပါဝင်ဆောင်ရွက်ပေးကြလျှင် များစွာအကျိုးရှိမည်ဖြစ်ကြောင်း၊ စိတ်ပါလက်ပါဆောင် ရွက်ပေးသည်ကိုကြားသိရသဖြင့်ဝမ်းမြောက်ကျေးဇူး တင်ရှိပါကြောင်း၊ယခုကဲ့သို့ကြုံကြိုက်တုန်း၌မိမိဒေသဖွံ့ ဖြိုးရေးအတွက်ဝိုင်းဝန်းအကြံပြုဆွေးနွေးပေးကြရန်ဖိတ်ခေါ် ပါကြောင်းဖြင့် ပြောကြားခဲ့သည်။

 ထို့နောက် ရန်ကုန်တောင်ပိုင်းခရိုင်အထွေထွေ အုပ်ချုပ်ရေးမှူးဦးစိုင်းသော်ဝင်းကခရိုင်နှင့်ပတ်သက် သည့် ဒေသဆိုင်ရာ အချက်အလက်များကိုရှင်းလင်း တင်ပြသည်။

ထို့နောက်ရန်ကုန်အတွင်းရှိ သန်လျင်မြို့နယ်၊ ကျောက် တန်းမြို့နယ်၊သုံးခွမြို့နယ်၊ခရမ်းမြို့နယ်၊တွံ တေးမြို့ နယ်၊ကော့မှူးမြို့နယ်၊ ကွမ်းခြံကုန်းမြို့နယ်၊ဒလမြို့နယ်၊ ဆိပ်ကြီးခနောင် တိုမြို့နယ်နှင့် ကိုကိုးကျွန်းမြို့ နယ်တို့မှ လွှတ်တော်ကိုယ်စားလှယ်များ၊ မြို့နယ်ဖွံ့ဖြိုးတိုးတက်ရေး အထောက်အကူပြုအဖွဲ့များနှင့်စည်ပင်သာယာရေးကော် မတီများမှတာဝန်ရှိသူများက ဒေသဖွံ့ဖြိုးတိုးတက်ရေးဆောင် ရွက်ချက်များကို ရှင်းလင်းတင်ပြကြသည်။

          ယင်းနောက် တက်ရောက်လာကြသူများက အထွေထွေဆွေးနွေးတင်ပြကြပြီး ရန်ကုန်တိုင်းဒေသကြီး ၀န်ကြီးချုပ် ဦးမြင့်ဆွေက ဖြည့်စွက်ရှင်းလင်းတင်ပြသည်။

          တင်ပြချက်များအပေါ် ပြည်ထောင်စုလွှတ်တော်နာယက ကပြန်လည်သုံးသပ်ဆွေးနွေးပြီးနိဂုံးချုပ်အမှာစကားပြော ကြားကာတွေ့ဆုံပွဲသို့တက်ရောက်လာကြသူများကို ရင်းရင်းနှီးနှီးလိုက်လံနှုတ်ဆက်သည်။

ဖြေဖြေဖြစ်ဖြစ် ခြေခြေမြစ်မြစ်

ဖြေဖြေဖြစ်ဖြစ် ခြေခြေမြစ်မြစ်

စိတ်တူကိုယ်အမျှ သဟဇာတဖြစ်သည့် လုပ်ရပ်နှင့်မြင် ကွင်း သည် လှပတင့်တယ်မွေ့လျော်ဖွယ်ဖြစ်ပြီး ချမ်းမြေ့ဖြစ်စေသည်။ လောက၏ကောင်းကျိုးဆိုးဖြစ်ကို ဖန်တီးကြသည့် လူသားတို့၏စွမ်းပကားသည် မဓာန ကျနေပေ၏။  တစ်ကိုယ်တည်းနေထိုင်၍ မရသောလော ကကြီးတွင် မိသားစု၊အဖွဲ့အစည်း၊ အသင်းအပင်၌ အတ္တ သဘောရော ပရဟိတသဘောကိုပါဆောင်ကြဉ်းရသည်။ ထိုအခါ မျှတညီညွတ်သော စိတ်ဓာတ်လိုအပ်လာ ၏။ လေ့ကျင့်ရသည်။ အကောင်အထည်ဖော်ရသည်က ဓမ္မတာပင်ဖြစ်သည်။ သို့တိုင်အောင်မိမိဆန္ဒနှင့်မကိုက်ညီ အလိုမကျ။ ၀ိရောဓိနှင့် ပဋိပက္ခတွေ့ကြုံရတတ်သည်။ ကြီး သည်ကိုငယ်အောင်ငယ်သည်ကိုပပျောက်အောင်  ဆောင် ရွက်ပါက နေချင့်စဖွယ်လူအဖွဲ့အစည်းအဖြစ်ခိုင်ခိုင်မာမာ  ရပ်တည်ခွင့်ရ မည်ဖြစ်ပါ၏။

သို့သော် စိတ်ချင်းမတူ လူချင်းကွဲပြားကြပေရာ အတွေး နှင့် အမြင် ထပ်တူကျဖို့ ခဲယဉ်းသည့်အလျောက် အနီးစပ် ဆုံးဖြစ်အောင်သာ အားထုပ်ရမည်သာဖြစ်ပါ၏။ တစ်ဖက်ကတင်းလျှင်တစ်ဖက်ကလျော့။ အလေးအပေါ့ ညီအောင်၊ ချိန်ခွင်လျှာမျှညီအောင်၊ ချိန်ခွင်လျှာမျှအောင်ပြု ဖို့ သာရှိ၏။ လွန်ခဲ့သည့်ဆယ်စုနှစ်တစ်စုလောက် က ဖြစ်၏၊ တိုင်းရင်းဆေးဝါးသမားတော်များ ညီလာခံ ကျင်းပရေး လှုံ့ဆော်မူစာတည်းလေး န၀င်းဦးငွေစိုး ကလေ့လာ ဖူး၏။ ဆောင်ပုဒ်သဖွယ်စာစုကလေးပါ၏။ “ညီစေချင်လျှင်ညွတ်ပေးဖို့” ဟူ၍ ဖြစ်လေသည်။ သဘောကျမိ ပေသည်။ ညီညွတ်ရေး သီးတည်စေမူရှေး ရူသည့် အသိပေးစာတည်းလေးဖြစ်ရာ အဓိပ္ပာယ်ရှိ လှပေသည်။မိမိ ဘက်ကမှန်သည်ထင်သည်အတိုင်း တင်း မာနေ ၍မဖြစ်။ အလျှော့ပေးတန်ပေးရပေလိမ့်မည်း။ထိုအခါ ပြေပြေ  ပြစ်ပြစ်ရှိလာသည်နှင့်အမျှ ခြေခြေမြစ်မြစ် နှစ်နှစ်ကာကာ ချမ်းသာသူခနှလုံးလှသည့် လူ့အဖွဲ့ အစည်း ဖြည့်ဆည်း ဆောင်ကြဉ်းပြီးဖြစ်သည်ဟုယူဆပါ ၏။

စိတ်ချင်းနီးစပ် ညီညွတ်သောမိသားစုအ၀န်းအ၀ိုင်းနှင့် ထိတွေ့သူတိုင်း ကူးစပ်ပီတိခံစားကြရမည်ထင်၏ အပျော် ကူး စက်ခြင်းဖြစ်၏။ စိတ်ဝမ်းလက်ညီမူကိုလိုလားကြ သည့် ခောတ်တလျှောက်တွင် ထုံးမီစံ၍ သာဓက ပညာပေး ကြ၊ အသိအမြင်ဖွံ့ဖြိုးအောင်ပြုကြရာ၌ စာပေနှင့်ဂီတ အနုပညာအတွေတွေရောယှက်ဂဟေ ဆက်တွင် ကျယ်စွာဆောင်ရွက်ခဲ့ကြဖူးပေပြီ။

မကြာခဏကြားရခံစားရလေ့ရှိသော နန်းတော်ရှေ့ ဆရာ တင်၏ ဇာတိနွယ်သီချင်းလေးကို သတိရခြင်း နှင့်အတူ မှတ်လောက်သားလောက် ဖြစ်ရပေသောအပိုဒ်လေးကို စွဲမြဲခဲ့ရပေသည်။ ညီညွတ်ရေးနဲ့ ”အသက် ရှည်ရှည် ခင်ခင်မင်မင် လက်ရည်တစ်ပြင်တည်းရှေးကတော့ ပိုချစ်ကြတယ်”ဆိုသည့် တေးသွားလေးဖြစ်ပါ၏။  ရှေးမြန် မာကြီးများ၏ညီညွတ်ရေးစိတ်ဓာတ်သည်စားဓလေ့၊
 သောက်ဓလေ့၌ပင်ပေါ်လွင်ခဲ့၏။ မြန်မာဇာတိနွယ် ဖြစ်၏။ ရိုးရာအစဉ်အလာကောင်းဖြစ်သည်။ မိသားစု ထမင်းဝိုင်း တွင် ပန်းကန်ခွက်ယောက်အစုံအလင်မပါ။ ဇွန်း၊ ခက်ရင်း မရှိ တစ်ကိုယ်ကောင်းမဆန်ကြ၊  ဒေါင်းလန်းကြီးတွင် ထမင်းဟင်းထည့်ကာ ၀ိုင်းဖွဲ့စားသောက်ကြသည်။ ညီညွတ်ရေးကိုအလေးထားချစ်ခင်မူကိုဦးစားပေး။ စိတ်ဝမ်းညီမျှနှစ်ဖက်မျှအောင် အလေ့အကျင့်ပေးထား သည့်အသွင်ဖြစ်၏။အသက်ရှည်ရာအနာမဲ့ကြောင်း
 ကောင်းမြတ်သောအသွင်၊ စိတ်ကြည်လင်စေသည့် လက်ရည် တစ်ပြင်တည်းစိတ်ထားဖြစ်ပါ၏။ ကောင်းကျိုး ဆိုးဖြစ်ကို ခွဲခြားခြင်းမရှိ၊ မျှဝေခံစားသည့်စိတ်ဓာတ်ကို လှု့ံဆော် ခြင်းဖြစ်သည်။ မြန်မာ့သမိုင်းတွင် တိုင်းရင်း သားများ၊လူမူအဖွဲ့အစည်းဝင်များသည်အစဉ်အလာကောင်း  သည့် လက်ရည်တစ်ပြင်တည်း စိတ်ဓာတ်ကို ပြန့်ပွားစေ ခဲ့၏။ မိသားစုဝင်အချင်းချင်း ညီညွတ်အောင်သွင်သင်ပေး ကြသည်။ လက်ရည်တစ်ပြင်တည်းစိတ်ဓာတ်ကို မိသားစု ကတစ်ဆင့် အချင်းချင်းလက်တို့ပတ်ဝန်းကျင်အထိလွှမ်း မိုးစေ၏။ ရပ်ရွာအကျိုးနှင့် တိုင်းနိုင်ငံ၊ လူမျိုးရေး အထိ လက်ဆင့်ကမ်းစေမူဖြစ်၏။ ညီစေချင်လျှင် ညွတ်ပေး ပါဆို သည့်အတိုင်းနိဝါတတရားကိုကျင့်သုံး။မာန်မာနတွေ ချသင့်ကချ၊ အပေါင်းအစုရေးအတွက် အတ္တကိုခ၀်ချ၊သူ့ ကဏ္ဍနှင့်သူဆောင်ရွက်ပါက အောင်မြင်စရာချည်းဖြစ်လေ သည်။ လူတစ်ကိုယ်စိတ်တစ်ခု ဖြစ်ကြရာ အမြဲပင် ညီ ညွတ်ကြသည်မဟုတ်။ မင်းဘူးဦးသြဘာသ၏ မဟော် သဓာဇာတ်တော်ကြီးထဲက စကားလုံးဝေါဟာရတစ်ခုကို သတိရမိ၏။ ကဖျင့်သုန် ဟုဖြစ်၏။ မဟော်သဓာ၏ ပြော စကားဖြစ်၏။ မညီမညွတ်ဖြစ်လျှင် မသင့်ဟုဆိုခြင်းဖြစ်ပြီး စိုးရိမ်စိတ်ဖြစ်ပေါ်လာမူကိုမလိုလားခြင်းဖြစ်သည်စိတ်ချင်း အခန့်မသင့်ခြင်းဖြစ်သည်။စိတ်အခန့်မသင့်လျှင်  ပြေပြစ် နိုင်ဟုအဖြေတွေရှိပေမည်။နည်းလမ်းရှာဖို့သာဖြစ်၏။
  မြန်မာ ဆိုရိုးစကားတစ်ခုရှိ၏။ ”နာစရာရှိရင် လွမ်းစရာ နဲ့ဖြေ” ဟူ၍ဖြစ်၏။ ရှင်းပါသည်။ တစ်ဦးနှင့် တစ်ဦး နာကြည်း စရာတွေကြုံလာရပါကတစ်ဖက်သား၏ကောင်း ကွက်ကို တွေးဆဆင်ခြင်ခြင်းဖြစ်၏။ ထိုအခါ ဒေါသတွေ မာန်မာနတွေ ပြေလျော့လာမည်ဖြစ်၏။သတိထားမိသော  အချက်များတွင် လူချစ်လူခင်မျုားသူတို့ သည်သူတစ်ပါး၏ စိတ်ကိုနားကြည်းအောင်မလုပ်တတ်ခြင်းနှင့်နာကြည်းစရာ ကြုံလာပါက ခွင့်လွှတ်တတ်သော စိတ်ဖြင့် ဖြေသိမ့်စရာ ရှာတတ်ခြင်းကြောင့်ဖြစ်ပေသည်။ နှလုံးသွင်းတတ်ပါက
 ပြေပြစ်သွားမည်ဖြစ်ပါသည်။ ယခု ကာလပြောလေ့ဆို ထ ရှိသော”နာကျင်သည်ထက်နာကြည်းခြင်းက ပိုပြီး ဆိုးရွားသည်” ဆိုသော စကားအမှတ် အသားလေးက အဓိပ္ပာယ်ရှိလွန်းသည်။အခန့်မသင့်စိတ်ကိုနာကြည်းအောင် ချဲ့ထွင်ခြင်းမရှိဖြစ်သည်။ စာသံ ပေသံနှင့်ပြောရပါက ၀ိရောဓိမှပဋိမက္ခမဆောင်ရေးပင်ဖြစ်လေသည်။

ငြိုငြင်စရာ စိတ်အခန့်မသင့်စရာကြုံတွေ့ရပါက ကာယကံ ရှင်များ ဖြေရှင်းရသကဲ့သို့ ကြားဝင်စေ့စပ် ညိုနှိုင်းအဖြေ ရှာ ရလဒ်ကောင်းရအောင်ရွကဆောင်ရသူများ လည်းရှိ ၏။ ဆိုထုံးဥပမာပြရုပ်သရုပ်သကန်များစွာ ရှိပေရာ စာပေ အရာဝင်ဂ န္တ၀င်အရာမြောက်သောအကြောင်းအရာများစွာ ရှိပေသည်။

ကုန်းဘောင်ခောတ်ဘိုးတော်လက်ထက်ကဖြစ်လေသည်။ ဘိုးတော်မင်းလက်ထက်နန်းသက်ရှည်ကြာ သည်နှင့်အမျှ နိုင်ငံရေးအရာနှင့် လူမူစီးပွားရေး၊ယဉ်ကျေးမူအဖြာဖြာကို  ဘက်စုံဆောင်ရွက်သည်။ ၀န်းရံနေ သောပညာ ရှိကြီးများလဲပြည့်စုံသည်။ ယင်းတို့တွင်တွင်းသင်မင်းကြီး ဦးထွန်းညိုလည်းပါဝင်သည်။ ဦးထွန်းညို သည်လည်း ရဟန်းဘ၀ရှင်လင်္ကာသာရမှ လူထွက်ခဲ့သူ နာမည်းကျော် မုဒုလက္ခဏာပျို့ကိုရေးဖွဲ့ခဲ့သူ၊ တွင်းသင်း ရာဇ၀င်ပြုစုခဲ့သူ အဖြစ်ကျော်ကြားပြီး စာပေအလင်္ကာမျိုးစုံရေးဖွဲ့ခဲ့သူဖြစ်၏။

တစ်ခါတွင် ဘိုးတော်ဘုရားသည် မိဖုရားကြီှးနှင့် စိတ် အခန့် မသင့်ဖြစ်သည်ဆို၏။ စိတ်မသက်မသာရှိ ရ သော အခြေ အနေတွင် တွင်းသင်းမင်းကြီး မနေ သာတော့ ဘလ္လတိယပျို့သည် တစ်ညတာခွဲခွာရသော ကိန္နရီ ကိန္နရာမောင်နှံတို့ နှစ်ခုနှစ်ရာတိုင်တိုင်ငိုကြွေးရသည့် အလွမ်းအဆွေးဇာတ်လမ်းမေတ္တာတရား၊သံရောဇဉ် တရားအကြောင်းဖြစ်၏။ အများသိသောအကြောင်းရပ်ကို ဂ န္တ၀င်မြောက်စွာဖြင့် ဂုဏ်အင်္လာရသဘက်စုံ ပြည့်ဝစေ ဖို့ကြိုးစားရေးသားလေသည်။ ပြီးလျှင်မင်းမိဖရားကြီးထံ ဆက်သ၏။ ထိုအခါ မိဖုရားကြီးစိတ်ငြိုငြင် အခန့်မသင့် သည့်အခြေအနေကရွှင်လန်းဝမ်းမြောက်အဆင်ပြေတော့ သည်။ ဘိုးတော်ဘုရားကကျေနပ်၏။ သို့ဖြင့် တွင်းသင်း မင်းကြီးအား ဆုလာဘ်များချီးမြင့်ရန်စီစဉ်သည်။ မင်းကြီး ၏ရှေ့၌ ငွေပုံကြီးချပေးကာကျုံး၍ ယူနိုင်သလောက် ယူစေ ၏။ တွင်းသင်မင်းကြီးက ရနိုင်သမျှကျုံးယူပါ၏။ သူသည် ထိုငွေများကိုကိုယ်အကျိုး အတွက်မသုံး။ မိမိ ၏မွေးဖွား ခဲ့ရာ မောင်းထောင်ရွာ၌သုံး၏။ ရွာ၏ အရှေ့ ဘက်တွင်ကန်ကြီးတစ်ခုတူး၏။ ကြီးမားပေ၏။ အမည် အရည်ကိုဘလ္လတိယပျို့ကိုရေးဖွဲ့သည်ကိုအကြောင်းပြု၍ ဘလ္လတိယကန်ဟုခေါ်တွင် ပေသည်။ ယခုတိုင်တည်တံ့ စွာသုံးစွဲကြရသည်။ ခြေခြေမြစ်မြစ်ဖြစ်စေသည့် ပြေပြစ် မူလမ်းကြောင်းမှန်ဖြစ် လေသည်။

ယနေ့ကမ္ဘာတွင် လူမူအနိဌာနရုံသွေးထွက်သံယိုပဋိပက္ခတွေ၊ စစ်ရေး၊ စီးပွားရေး၊ဘာသာရေးပဋိပက္ခ တွေ မကြားချင်လောက်အောင် ကြုံကြရသည်။ ညှိနှိုင်း အဖြေရှာကြဆဲဖြစ်သည်။ အတ္တတွေ၊ မာန်မာနတွေ ကြီးမားလျက်ကိုယ်အကျိုးစီးပွားကာကွယ်ရေးဝါဒတွေ စွဲကိုင်လျက်စွဲကြသည်။အလျော့အတင်းတွင်အလျော့  ပေး လိုစိတ်ကင်းကြဆဲဖြစ်သည်။ ကြားဝင်ကြသော်လည်း အရာမထင်၊ အိမ်နီးချင်း နိုင်ငံများတွင်လည်း ထိုသဘော ကိုတွေ့ရသည်။ မည်သည့်အခါမျှ ပြီးဆုံးမည်မသ်ိရ။ ခက်လှပါဘိ၏။

ဆရာကြီးပီမိုးနှင်းရေးသားသကဲ့သို့ အဆင် မပြေသောလောကကြီးပင်ဖြစ်စေ၏။ လောကကြီးသည် အဆင်ပြေလှသည်မဟုတ်။ မ်ိမိကသာလောကကြီးနှင့်အဆင်ပြေသင့်မြတ်အောင် အလိုက်သင့်အလျားသင့် ကျင့်သုံးဖို့ဖြစ်ကြောင်း ညွန်ပြခြင်းဖြစ်ပေသည်။ ကျွန်တော်တို့တွင် ရင်တွင်း ပဋိပက္ခတွေ၊ ဘ၀င်မကျစရာတွေ၊ စိတ်အလိုမပြည့်နိုင် တာတွေ အများအပြားရှိ၏။ ရှိတိုင်းသာစိတ်နောက်ကိုယ် ပါပြုနေလျှင်စိတ်ထောင်းကိုယ်ကြေဖို့သာရှိ၏။  ရောက်ဆဲ ကာလ လှပသောဘ၀၊ ခိုင်မာသောအလုပ်၊ နေသာ ထိုင်သာရှိဖို့အရေးတွင် မြန်မာဇာတိနွယ်လက်ရည်တစ်ပြင် တည်း ညီညွတ်ရေးစိတ်ထားဖြင့် ခင်ခင်မင်မင်စိတ် ထားဖြင့် ခင်ခင်မင်မင် ကြင်ကြင်နာနာအသက်ရှည်စွာ ရပါတည်ခွင့်အတွက် အားထည့်ဖို့သာရှိပေသည်။
ညွန့်ဟံ(ကြူတော)

တရားဥပဒေစိုးမိုးရေးဗဟိုဌာန(Rule of Law Centres)များအတွက် လုပ်ငန်းညှိနှိုင်းအစည်းအဝေး

တရားဥပဒေစိုးမိုးရေးဗဟိုဌာန(Rule of Law Centres)များအတွက် လုပ်ငန်းညှိနှိုင်းအစည်းအဝေး
Thu, 24/04/2014

တရားဥပဒေစိုးမိုးရေးဗဟိုဌာန(Rule of Law Centres) များအတွက် လုပ်ငန်း ညှိနှိုင်းအစည်းအဝေးကို ဧပြီလ ၂၂ ရက်နေ့ မွန်းလွဲပိုင်းတွင် ရန်ကုန်မြို့ ကမာရွတ်မြို့နယ် အင်းလျားလမ်း အမှတ်(၅၉)ရှိ လွှတ်တော်ရုံး ခွဲအစည်း အဝေး ခန်းမ၌ကျင်းပရာ ပြည်ထောင်စု လွှတ်တော် နာယက ပြည်သူ့လွှတ်တော် ဥက္ကဋ္ဌ သူရဦးရွှေမန်း တက်ရောက် အမှာ စကား ပြောကြားသည်။
အဆိုပါ ညှိနှိုင်းအစည်းအဝေး သို့ ပြည်ထောင်စု လွှတ်တော် ဒုတိယနာယက၊ ပြည်သူ့လွှတ်တော် ဒုတိယ ဥက္ကဋ္ဌ ဦးနန္ဒကျော်စွာ၊ အမျိုးသားလွှတ်တော် ဒုတိယဥက္ကဋ္ဌ ဦးမြညိမ်း၊ ပြည်သူ့လွှတ်တော် တရား ဥပဒေ စိုးမိုးရေးနှင့်‌ တည်ငြိမ် အေးချမ်းရေးကော်မတီ ဥက္ကဋ္ဌ ဒေါ်အောင်ဆန်းစုကြည်နှင့်‌ ကော်မတီ အဖွဲ့ဝင် များ၊ တရားစီရင်ရေး၊ ဥပဒေရေးရာနှင့်‌ တိုင်ကြားစာများ၊ အသနားခံစာများ စိစစ်ဆောင်ရွက်ရေး ကော်မတီဥက္ကဋ္ဌ သူရဦးအောင်ကိုနှင့်‌ ကော်မတီအဖွဲ့ဝင်များ၊ ပြည်သူ့လွှတ်တော်ဥပဒရေးရာနှင့်‌အထူးကိစ္စရပ်များ လေ့လာဆန်းစစ်သုံးသပ်ရေးကော်မရှင်နှင့်‌ အမျိုးသား လွှတ်တော် နိုင်ငံရေး၊ စီးပွားရေးနှင့်‌ ဥပဒေရေး ရာကော်မရှင်တို့မှအဖွဲ့ဝင်များ၊ ကုလသမဂ္ဂဖွံ့ဖြိုးရေး အစီ အစဉ် (UNDP)မှ တာဝန်ရှိ သူများ၊ ပြည်ထောင်စုတရား လွှတ်တော် ချုပ်ရုံး၊ ပြည်ထောင်စုရှေ့နေ ချုပ်ရုံး၊ ပြည်ထဲေ
ရး ဝန်ကြီးဌာန၊ အမျိုးသား စီမံကိန်းနှင့်‌ စီးပွားရေးဖွံ့ဖြိုး တိုးတက်ရေး ဝန်ကြီးဌာနတို့မှ တာဝန်ရှိသူ များ၊ ပြည်ထောင်စု လွှတ်တော် ရုံး နှင့်‌ ပြည်သူ့ လွှတ်တော်ရုံးတို့မှ တာဝန်ရှိသူများ တက်ရောက်ကြ သည်။

ရှေးဦးစွာ ပြည်ထောင်စုလွှတ်တော်နာယက ပြည်သူ့လွှတ်တော်ဥက္ကဋ္ဌ သူရဦးရွှေမန်း က အမှာစကား ပြောကြားရာတွင် တရား ဥပဒေစိုးမိုးရေးသည် နိုင်ငံတစ်နိုင်ငံအတွက်၊ လူ့အဖွဲ့ အစည်းအတွက် မဖြစ်မနေ ဆောင်ရွက်ရမည့် ကိစ္စဖြစ် ပါကြောင်း၊ တရားဥပဒေ စိုးမိုးမှုရှိမှသာ တိုင်းပြည် တည်ငြိမ်အေး ချမ်းမှုရှိမှသာ နိုင်ငံတော် ဖွံ့ဖြိုးတိုး တက်အောင် ဆောင်ရွက်နိုင်မည်ဖြစ်ကြောင်း၊ တစ်နည်း အားဖြင့်‌ နိုင်ငံတော်ဖွံ့ဖြိုး တိုးတက်မှ တရားဥပဒေစိုးမိုးမှု ရှိမည်ဖြစ်ကြောင်း၊ တစ်ခုနှင့်တစ်ခု ယှဉ်တွဲ၍ အထောက် အကူပြုနေသည့် ကိစ္စများ ပင်ဖြစ် ကြောင်း၊ ခေတ်ပြောင်း စနစ်ပြောင်း ကာလတွင် တရားဥပဒေစိုးမိုးရေးသည် အရေးကြီး ပါကြောင်း၊ တရားဥပဒေ စိုးမိုးမှုမရှိဘဲ ဒိမိုကရေစီရရှိရန် ခက်ခဲနိုင်ပါကြောင်း၊ သို့ဖြစ်၍ တရား ဥပဒေစိုးမိုးရေးကိုလိုလိုလားလား ဆောင်ရွက်
 နေခြင်းဖြစ်ပါကြောင်း၊အားသွန်ခွန်စိုက်  ဆောင်ရွက်နေ သကဲ့သို့ အကူအညီများလည်း ပေးနေ ပါကြောင်း၊ ယနေ့ အစည်း အဝေးတွင် တရားဥပဒေစိုးမိုးရေးနှင့်‌စပ်လျဉ်း၍ အတွေ့အကြုံရှိသည့် ပုဂ္ဂိုလ်များကို ဖိတ်ခေါ်ထားပြီး ဝိုင်းဝန်းဆွေးနွေးကြမည်ဖြစ်၍ များစွာအကျိုး ဖြစ်ထွန်း မည် ဖြစ်ပါကြောင်းဖြင့်‌ ပြောကြားသည်။

ထို့နောက် တရားဥပဒေစိုးမိုးရေးနှင့်‌ တည်ငြိမ်အေး ချမ်းရေးကော်မတီဥက္ကဋ္ဌ ဒေါ်အောင်ဆန်းစုကြည်၊ တရား စီရင်ရေး၊ ဥပ‌ဒေ‌ရေးရာနှင့်‌ တိုင်ကြားစာများ၊ အသနားခံ စာများ စိစစ်ဆောင်ရွက်ရေးကော်မတီ ဥက္ကဋ္ဌသူရ ဦးအောင်ကိုတို့က တရားဥပဒေ စိုးမိုးရေး ဗဟိုဌာနနှင့် စပ်လျဉ်း၍ ဆွေးနွေးတင်ပြကြသည်။

ယင်းနောက်ကုလသမဂ္ဂဖွံ့ဖြိုးရေးအစီအစဉ်(UNDP)၊
 ပြည်ထောင်စုတရားလွှတ်တော်ချုပ်ရုံး၊ ပြည်ထောင်စု
 ရှေ့နေချုပ်ရုံး၊ ပြည်ထဲရေးဝန်ကြီးဌာနနှင့်‌ အမျိုးသားစီမံ ကိန်းနှင့်‌ စီးပွားရေးဖွံ့ဖြိုးတိုးတက်မှု ဝန်ကြီးဌာနတို့မှ တာဝန်ရှိသူများကတရားဥပဒေစိုးမိုးရေးဗဟိုဌာန  ဖြစ်ပေါ် လာရေးအတွက် ဝိုင်းဝန်း အကြံပြုဆွေးနွေးကြသည်။

ဆက်လက်၍ တက်ရောက်လာကြသူများက အထွေေ ထွဆွေးနွေးကြပြီး ပြည်ထောင်စု လွှတ်တော်နာယက က တင်ပြချက်များအပေါ် ပြန်လည် သုံးသပ်ဆွေးနွေးသည်။

ထို့နောက် ပြည်ထောင်စုလွှတ်တော်နာယက က နိဂုံးချုပ် အမှာစကားပွောကြား ရာတွင် တင်ပြချက်များ၌ ဥပ‌ဒေနှင့်‌ ညီညွတ်သည်ဟု ပြောကြားမှုများ ရှိသကဲ့သို့ အချို့က မခိုင်လုံဟုတင်ပြမှုများရှိကြောင်း၊ ပြည်ထောင်စုလွှတ်တော် ကအမိန့်ကြော်ငြာစာထုတ်ပေးရန်တာဝန်ရှိပါကထုတ်ပေး ရန်အသင့်‌ရှိကြောင်း၊ သို့မဟုတ်ပါက တာဝန်ရှိ သည့် ဌာနကအမိန့်ကြော်ငြာစာထုတ်ပေးရန် ဖြစ်ပါကြောင်း၊
 လေ့ကျင့်‌ပေးသင့် သူများကို လေ့ကျင့်‌ပေးရန်နှင့်‌ ပါသင့်‌ သူများကို ရွေးချယ်ပေးရန်လိုအပ်ပါကြောင်း၊ Centre များမှ တရားဥပဒေ စိုးမိုးမှုမရှိခြင်းမှာ မည်သည့် အတွက်ကြောင့့် ဖြစ်ရသည်ကို စဉ်းစားသုံးသပ်၍ သုတေသန လုပ်ပေးရန် လိုအပ်ပါကြောင်း။ တရားဥပ‌ဒေစိုးမိုးရေးသည် ပြည်သူတစ်ရပ်လုံးနှင့်‌လည်း ပတ်သက်ဆက်စပ်နေပါကြောင်း၊ ပြည်သူအားလုံး သိထား သင့်‌ပါကြောင်း၊ ပြည်သူအားလုံးပါဝင် ရမည်ဖြစ်ကြောင်း၊ ပြည်သူ့ကိုယ်စားဥပဒေပြုလွှတ်တော် များပါဝင်ရမည် ဖြစ်ကြောင်း၊ ပြည်သူ့ကိုယ်စားအုပ်ချုပ်ရေး  အဖွဲ့မှ သက်ဆိုင်သော တာဝန်ရှိ အဖွဲ့ အစည်း များနှင့်‌ တာဝန်ရှိသူများ ပါဝင် ရမည်ဖြစ်ကြောင်း၊  ပြည်သူ့ ကိုယ်စား တရားရေးအဖွဲ့အစည်းများသည် ကဏ္ဍ အလိုက်ပါဝင်ရမည်ဖြစ်ကြောင်း၊ တရားဥပဒေစိုးမိုးရေး အတွက် ဥပဒေပြုရေးအပိုင်းက စပြီး ဆောင်ရွက်ရ မှာဖြစ်ကြောင်း၊ တရားမျှတသောဥပဒေ၊ အများပြည်သူ လိုက်နာနိုင်သောဥပဒေ၊ ၎င်းဥပဒေများနှင့်‌ ရှေ့နောက်ညီညွတ်သော Rule & Regulationများ ထုတ်ပြန်ရမှာဖြစ်ပါကြောင်း၊ အုပ်ချုပ်ရေး အပိုင်းကဥပဒေအတိုင်းလိုက်နာပြုကျင့်‌ဖို့အတွက်
 ပြည်ထောင်စု အစိုးရက ကြီးကြပ် အကောင် အထည် ဖော်ရ မည်ဖြစ်ကြောင်း၊ ပြည်သူအားလုံး ကလည်း လိုက်နာရမည် ဖြစ်ကြောင်း၊ လိုက်နာမှုမရှိသူ အား ဥပဒေနှင့်‌အညီအရေးယူသလို ကြီးကြပ် အကောင်အထည် ဖော်သူများအပိုင်းက ပျက်ကွက် ခဲ့လျင်လည်းဥပဒေနှင့်အညီအရေးယူရမှာ  ဖြစ်ပါကြောင်း။

ထို့သို့ဆောင်ရွက်ရာတွင် တရားသူကြီးများ၊ Law Enforcement အဖွဲ့များ၊ ရှေ့နေရှေ့ရပ်များ၊ ရုံးအဖွဲ့ဝင် များ၊ သက်သေများ၊ တရားခံ/တရားလို၊ တရားလို/ တရားပြိုင်များ၊ ပြည်သူလူထုများ၊ သတင်းမီဒီယာများ အားလုံးပူးပေါင်း ပါဝင်ရန် လိုအပ်ကြောင်း၊ ပြည်သူ လူထု၏ စိတ်ပိုင်းဆိုင်ရာ Mindset များ ပြုပြင်ပြောင်းလဲ ရန်အတွက် စာတမ်းဖတ်ပွဲများ၊ အလုပ်ရုံဆွေးနွေးပွဲများ၊ လက်ငင်း ရေတို/ ရေရှည် လုပ်ငန်းစဉ်များချမှတ်ခြင်း တို့ကို ဆောင်ရွက်ရမည်ဖြစ်ပါကြောင်း၊ တရားဥပဒေ စိုးမိုးရေး အတွက် လိုအပ်ပါက ဘတ်ဂျက်ရေးဆွဲ ၍ ဆောင်ရွက် ရမည်ဖြစ်ကြောင်း၊ အနှစ်ချုပ်ရမည်ဆို ပါက တရားဥပ‌ဒေစိုးမိုးမှ တည်ငြိမ်အေးချမ်းမယ်၊ တည်ငြိမ်အေးချမ်းမှ ဖွံ့ဖြိုးတိုးတက်အောင် ဆောင် ရွက်နိုင် မည် ဖြစ်ပါကြောင်း၊ အဲဒီလိုပဲ ဖွံ့ဖြိုးတိုးတက်မှ တရားဥပ‌ဒေစိုးမိုးမှု ရှိမယ်ဆိုပြီး သံသရာလည်နေ သလို ကြောင်လိမ် လှေကားပမာ ပို၍ ပို၍ တိုးတက်လာ မှာ ဖြစ်ပါကြောင်း၊ ဒီမိုကရေစီ နည်းကျကျ အမျိုးသား အကျိုးစီးပွားကို ဖော်ဆောင်နိုင်မှာ ဖြစ်ပါကြောင်း။ တည်ငြိမ်အေးချမ်းရေးရရှိရန် ပြည်တွင်းလက်နက်ကိုင်ပဋိပက္ခများနှင့်‌ လူတစ်ဦးချင်း၊ လူ့အဖွဲ့အစည်း အချင်းချင်း ရန်လိုသော စကားနှင့်‌ အပြုအမူ၊အထင်သေးအမြင်သေးစသော ပြော ဆိုပြုမူမှု၊ ခွဲခြားပြောဆို ပြုမူမှုများ၊ စိတ်ဝမ်း ကွဲစေသော ပြော ဆိုပြုမူမှုများ မဆောင်ရွက်ကြရန် အထူးလိုအပ်ပါကြောင်း၊ ထို့အတူ ပြည်တွင်းငြိမ်းချမ်းရေး ရရှိရေးအတွက် တိုင်းရင်းသားစည်းလုံးညီညွတ်ရေး ရရှိဖို့လိုပါကြောင်း၊ အမျိုးသား ပြန်လည် သွေးစည်း ညီညွတ်ဖို့လိုပါကြောင်း၊ ဒါကြောင့်‌မိမိတို့ နိုင်ငံသား များသည်ပါတီစွဲ၊ဝါဒစွဲ၊  ဒေသစွဲ၊ လူမျိုးစွဲ၊ ကိုးကွယ်သည့်‌ ဘာသာအစွဲများ မထားရှိ ဘဲ နိုင်ငံတော်အတွက် အများပြည်သူ အတွက်ဆိုလျင် ပါဝင်ပူးပေါင်းဆောင် ရွက်ရေးကို တိုက်တွန်း အားပေး ဆောင်ရွက်လျက် ရှိပါကြောင်း၊ ထိုက် သင့်‌သော အောင်မြင်အဆင်ပြေမှု များရရှိထားသော်လည်း လွှတ်တော်အတွင်းနှင့်‌ လွှတ်တော်ပြင် ပ တွင် ယခု ထက် ပိုမိုဆောင် ရွက်ပေးရေး အတွက် နိုင်ငံသား များနှင့်‌စွမ်းဆောင်နိုင်ကြ သူများမှပါဝင်ပေးကြ စေ လိုကြောင်း၊ နိုင်ငံအတွက် တိုင်းပြည် အတွက် မိမိတို့ အတွက် ဝိုင်းဝန်းပါဝင်ပေး ကြပါလို့တိုက်တွန်းပြောကြားလိုပါကြောင်းဖြင့်‌  ပြောကြား သည်။

ပြည်ထောင်စုလွှတ်တော်တွင် ဆောင်ရွက်ဆဲဥပဒေများနှင့်‌ ပြင်ဆင်၊ ပယ်ဖျက် အသစ်ရေးဆွဲသင့်သော ဥပဒေများဆိုင်ရာ လုပ်ငန်းညှိနှိုင်းအစည်းအဝေးကျင်းပ

ပြည်ထောင်စုလွှတ်တော်တွင် ဆောင်ရွက်ဆဲဥပဒေများနှင့်‌ ပြင်ဆင်၊ ပယ်ဖျက် အသစ်ရေးဆွဲသင့်သော ဥပဒေများဆိုင်ရာ လုပ်ငန်းညှိနှိုင်းအစည်းအဝေးကျင်းပ

Tue, 22/04/2014

ပြည်ထောင်စုလွှတ်တော်တွင် ဆောင်ရွက်ဆဲဥပဒေများနှင့်‌ ပြင်ဆင်၊ ပယ်ဖျက်၊ အသစ်ရေးဆွဲ သင့်‌သော ဥပဒေများ ဆိုင်ရာ လုပ်ငန်းညှိနှိုင်းအစည်းအဝေးကိုယနေ့မွန်းတည့်(၁၂)နာရီ တွင် ရန်ကုန်မြို့ ကမာရွတ်မြို့နယ်၊အင်းလျားလမ်း အမှတ်(၅၉) ရှိ လွှတ်တော်ရုံးခွဲ အစည်းအဝေးခန်းမ၌ ကျင်းပရာ ပြည်ထောင်စုလွှတ်တော် နာယက၊ ပြည်သူ့ လွှတ်တော်ဥက္ကဋ္ဌ သူရဦးရွှေမန်း တက်ရောက် အမှာစကား ပြောကြားသည်။

အဆိုပါ ညှိနှိုင်းအစည်းအဝေးသို့ ပြည်ထောင်စု လွှတ်တော် ဒုတိယနာယက၊ ပြည်သူ့လွှတ်တော် ဒုတိယဥက္ကဋ္ဌ ဦးနန္ဒကျော်စွာ၊ အမျိုးသားလွှတ်တော် ဒုတိယဥက္ကဋ္ဌ ဦးမြညိမ်း၊ ပြည်သူ့လွှတ်တော် ဥပဒေရေး ရာနှင့်‌ အထူး ကိစ္စရပ် များ လေ့လာဆန်းစစ်သုံးသပ်ရေး   ကော်မရှင်နှင့်‌ အမျိုးသားလွှတ်တော် နိုင်ငံရေး၊ စီးပွားရေးနှင့်‌ ဥပဒေရေးရာ   ကော်မရှင်တို့မှ အဖွဲ့ဝင် များ၊ ပြည်ထောင်စုလွှတ်တော်ရုံးနှင့့် ပြည်သူ့လွှတ်တော်ရုံး တို့မှ တာဝန်ရှိသူ များ တက်ရောက်ကြသည်။ 

ရှေးဦးစွာ ပြည်ထောင်စုလွှတ်တော်နာယက၊ ပြည်သူ့ လွှတ်တော်ဥက္ကဋ္ဌ သူရဦးရွှေမန်း က အမှာစကား   ပြောကြား ရာတွင် နှစ်သစ်တွင် ပထမဆုံးကျင်းပသည့် အစည်းအဝေး ဖြစ်ပါကြောင်း၊ လွှတ်တော်များက တာဝန် ယူ   ဆောင်ရွက်သည့် ဥပဒေပြုရေး ကိစ္စများနှင့်‌ စပ်လျဉ်း ၍ တည်ဆဲ ဥပဒေများထဲမှ ပြင်ဆင်၊ ပယ်ဖျက်ရန်လိုအပ် သည့် ကိစ္စရပ်များကို ပထမအကြိမ် ပြည်ထောင်စု လွှတ်တော်အစည်းအဝေး၌ ပြီးပြတ်အောင် လုပ်ဆောင် ရမည်ဖြစ် ကြောင်း၊ ၂၀၁၁ ခုနှစ်၊ ဇန်နဝါရီလ(၃၁)ရက် တွင် လွှတ်တော်များ စတင်ဖွဲ့စည်းခဲ့ခြင်းဖြစ်၍ သက်တမ်းအားဖြင့်‌ (၃)နှစ်နှင့် (၂)လကျော် ခဲ့ပြီဖြစ်ကြောင်း၊ ယင်းသက်တမ်း ကာလအတွင်း ဥပဒေပေါင်း (၉၈)ခု ပြဋ္ဌာန်း နိုင်ခဲ့ပြီ   ဖြစ်ကြောင်း၊ပြည်သူ့ လွှတ်တော်နှင့်‌ အမျိုးသားလွှတ်တော် တို့၌ ဥပဒေပေါင်း(၅၄)ခုကို   ဆွေးနွေးဆဲ   ဖြစ်ပါ ကြောင်း။ 

လွှတ်တော်ကော်မတီ /ကော်မရှင်များနှင့်‌ ညှိနှိုင်းပြီး တည်ဆဲဥပဒေများ ပြင်ဆင်၊ အတည်ပြုရန် အတွက် အစိုးရအဖွဲ့သို့ ပေးပို့ထားသည့်ဥပဒေ(၁၃၄)ခု၊

 ပြည်ထောင်စုတရား လွှတ်တော်ချုပ်သို့ ပေးပို့ထားသည့် ဥပဒေ(၂)ခု၊ ဖွဲ့စည်းပုံ အခြေခံဥပဒေဆိုင်ရာခုံရုံးသို့ ပေးပို့ထားသည့်ဥပဒေ(၁)ခု ရှိ ပါကြောင်း၊ သို့ဖြစ်၍ အကြမ်းအားဖြင့်‌ ဥပဒေပေါင်း (၂၀၀)ခန့် ပြင်ဆင်၊ ပြဋ္ဌာန်း  အတည်ပြုပေးရန် ရှိ ပါကြောင်း၊ ၂၀၁၅ ခုနှစ်၊ နိုဝင်ဘာလ မတိုင်မီ   ဆောင်ရွက်နိုင် မှသာ အဆင်ပြေမည်ဖြစ်ကြောင်း၊ လာမည့် ၂၀၁၄-၂၀၁၅ အောက်တိုဘာအထိဆိုလျင် (၁)နှစ်နှင့်‌ (၆)လ အချိန်ကြာမြင့်‌မည် ဖြစ်ကြောင်း၊ အဆိုပါ ကာလအတွင်း ဥပဒေပေါင်း(၂၀၀)ခန့် အတည်ပြုပေး ရန်မှာ များပြား   သောကိစ္စ ဖြစ်ကြောင်း၊ မိမိတို့ လွှတ်တော် သက်တမ်း(၅)နှစ်အတွင်း၌ ဥပဒေများကို ပြင်ဆင်၊ ပယ်ဖျက်ခြင်း မပြုနိုင်လျင် တာဝန်ကျေမည် မဟုတ်ပါကြောင်း၊ ဥပဒေများ ပြင်ဆင်၊ ပယ်ဖျက်၊ ပြဋ္ဌာန်းနိုင်မှသာ   ခေတ်ပြောင်း စနစ်ပြောင်းနှင့် လိုက်လျောညီထွေ ဆောင် ရွက်နိုင် မှာ ဖြစ်ပါကြောင်း။ 

ပြီးခဲ့သည့်‌ လွှတ်တော် သက်တမ်းအတွင်း ဥပဒေပေါင်း(၉၈)ခု ပြဋ္ဌာန်းနိုင်ခဲ့ခြင်း အတွက်အခြားနိုင်ငံ များ မှ လွှတ်တော်များကပင် အသိ အမှတ်ပြုခြင်း ခံရပါကြောင်း၊ မိမိတို့ မည်မျှကြိုးပမ်း စွမ်းဆောင်ခဲ့ သည်ကို မိမိတို့ အသိဆုံး ပင်ဖြစ်ကြောင်း၊ မိမိတို့ လွှတ်တော်များ၏ ဥပဒေပြုရေးဆိုင်ရာ လုပ်ထုံးလုပ် နည်းများအရ ပြည်သူ့လွှတ်တော်၊ အမျိုးသားလွှတ်တော် များ၌ စတင်ဆွေးနွေးကြပြီး သဘောထားကွဲလွဲမှုရှိပါ က ပြည်ထောင်စု လွှတ်တော်သို့   ပေးပို့၍   ဆွေးနွေးရ သဖြင့်‌ အချိန်များစွာ ယူရပါကြောင်း၊ မိမိတို့အနေဖြင့်‌ Procedure အရ မည်သည့် အချက်များ   ပြင်ဆင်ရန် လိုအပ်မည်ကို ပြန်လည်သုံးသပ်ရန် လိုပါကြောင်း၊ မိမိ တို့ ဆောင်ရွက်နေသောProcedureများသည်ဥပဒေပြုရေး ၌ နှောင့်‌နှေးမှုများ ဖြစ်နေပါက ပြင်ဆင်သွားရန်လိုအပ် မည် ဖြစ်ကြောင်း။ယနေ့ တက်ရောက် လာ ကြသူများ သည် ပညာရှင်များ၊ အတွေ့အကြံ ရှိသူများဖြစ်၍ အကြံ ဉာဏ် ကောင်းများ  ပေးနိုင်သူ များဖြစ် ပါကြောင်း၊ ယနေ့ အစည်းအဝေးမှ ပေါ်ထွက်လာမည့် သုံးသပ်ချက်များအရ လက်တွေ့အကောင် အထည်ဖော် လုပ်ဆောင်ရမည်ဖြစ် ၍ဝိုင်းဝန်းအကြံပြု ဆွေးနွေးပေးရန်လိုပါကြောင်း ဖြင့်‌ ပြော

ကြားသည်။

 ထို့နောက် ပြည်ထောင်စုလွှတ်တော်ရုံး ညွှန်ကြားရေးမှူး ချုပ် ဦးကျော်စိုးက ဆောင်ရွက်ဆဲ ဥပဒေဆိုင်ရာ လုပ်ငန်း များနှင့်စပ်လျဉ်း၍ ရှင်းလင်းတင်ပြသည်။

 ယင်းနောက် ပြည်ထောင်စုလွှတ်တော် ဒုတိယနာယက ဦးနန္ဒကျော်စွာ နှင့်‌ အမျိုးသား လွှတ်တော် ဒုတိယဥက္ကဋ္ဌ ဦးမြညိမ်းတို့က ဆောင်ရွက်ဆဲ ဥပဒေများနှင့်‌ ပြင်ဆင်၊ ပယ်ဖျက် အသစ်ရေး ဆွဲခြင်းဆိုင်ရာ ကိစ္စရပ်များနှင့်‌စပ်လျဉ်း၍ အကြံပြုဆွေးနွေးတင်ပြ ကြသည်။

ဆက်လက်၍ ပြည်သူ့လွှတ်တော်၊ ဥပဒေရေးရာနှင့်‌ အထူးကိစ္စရပ်များလေ့လာဆန်းစစ်သုံးသပ်ရေး  ကော်မရှင် ဒုတိယဥက္ကဋ္ဌ ဦးသိန်းဆွေ၊ ပြည်သူ့လွှတ်တော်ကော် မရှင် အဖွဲ့ဝင်များ ဖြစ်ကြသော ဒေါ်သန်းသန်းရီ၊ ဦးညီညီ၊  ဦးထင်ဇော်၊ ဦးဝင်းသိမ်း နှင့် ဦးသန်းမောင်တို့ က အသစ်ရေး ဆွဲမည့် ဥပဒေများအနက် ဦးစားပေးသင့်‌ သည့်ဥပဒေများကိုဦးစားပေးဆောင်ရွက်ရန်၊ ကော်မတီ/ 

 ကော်မရှင်နှင့် လွှတ်တော်တို့၌ ဆွေးနွေးသည့်အခါ   ပြည်ထောင်စုရှေ့နေချုပ်ရုံးမှ တာဝန်ရှိသူများနှင့်‌ ပူးပေါင်း ဆောင်ရွက်ရန်၊ ဥပဒေပြုရေးနှင့်‌ စပ်လျဉ်း၍ Procedure ပြင်သင့်၊ မပြင်သင့်‌ စဉ်းစားသုံးသပ်ရန်၊ လွှတ်တော်အဖွဲ့အစည်းများ၊ ဝန်ကြီးဌာနများနှင့်‌ ရှေ့နေ ချုပ်ရုံးတို့ပူးပေါင်း၍ ပြည်ထောင်စုလွှတ်တော်သို့ ပေးပို့ သည့် ဥပဒေကြမ်းကို ထပ်မံ၍ မှတ်ချက် ပြုစရာ မလိုအောင် ပူးပေါင်းဆောင်ရွက်ရန်၊ ရှေ့နေချုပ်ရုံး၊ ဥပဒေများ ပြဋ္ဌာန်းရာတွင် မြန်ဆန်ပြီးမြောက်နိုင်ရေး အတွက်   ပြည်သူ့ လွှတ်တော်နှင့် အမျိုးသားလွှတ်တော် သို့ အပြန်အလှန်သိရှိ ဆောင်ရွက်နိုင်ရန်၊ အချိန်ကန့် သတ်ချက်အရ ဥပဒေများ   ပြဋ္ဌာန်းရာ တွင် မြန်မြန်ဆန်ဆန် ဆောင်ရွက်နိုင်ရန် ဦးစားပေးလုပ် ငန်း အစီအစဉ်များ ရေးဆွဲရန်၊အတည်ပြု ပြဋ္ဌာန်းပြီးသည့်  ဥပဒေများကို ဖော်ပြရာ၌ စာမူများ ကွဲလွဲမှုမရှိစေရေး စိစစ်ဆောင်ရွက်ရန်နှင့်‌ အင်္ဂလိပ်ဘာသာ ဖြင့်‌   ပြန်ဆိုရန် ကိစ္စရပ်များကို အကြံပြု ဆွေးနွေး တင်ပြကြသည်။

 ထို့အတူ အမျိုးသားလွှတ်တော် ကော်မရှင် အဖွဲ့ဝင် များဖြစ်သော ဦးစိန်လှ၊ ဦးစန်းလွင်နှင့်‌ ဦးကျော်စိန်တို့က လွှတ်တော်တွင် ဆုံးဖြတ်ပြီးသော ဥပဒေများနှင့်‌ ပတ် သက် ၍ သဘောထား ကွဲလွဲမှုများသည် မဖြစ် သင့်‌သော ကိစ္စရပ်ဖြစ်၍ ဥပဒေများ ပြဋ္ဌာန်းရာတွင် နည်းလမ်းများ ရှာဖွေလုပ်ဆောင်သွားရန်၊ လက်ရှိ ဥပဒေများတွင် ရုပ်သိမ်းသင့်သည့် ဥပဒေများရှိပြီး မရှိသေးသော ဥပဒေများကိုအသစ်ရေးဆွဲ ပြဋ္ဌာန်း ပေးရန်၊  ပြင်ဆင်ပြ

ဋ္ဌာန်းမည့် ဥပဒေ(၂၀၀)ခန့်ကို သက်ဆိုင်ရာဝန်ကြီးဌာန များမှ ဝိုင်းဝန်း ပူးပေါင်း ဆောင်ရွက်ရန် လို အပ်ကြောင်း၊ မြန်မာစာ   ရေးထုံးများနှင့်‌ ညီညွတ်စေ ရန်လည်း စိစစ် ဆောင်ရွက်ရန် လိုအပ်ကြောင်း အကြံပြုဆွေးနွေးတင်ပြသည်။

 တင်ပြချက်များအပေါ် ပြည်ထောင်စုလွှတ်တော်နာယက က ပြန်လည်သုံးသပ် ဆွေးနွေးပြီး နိဂုံးချုပ် အမှာစကား   ပြောကြားရာတွင် ယနေ့ ဆွေးနွေးတင်ပြချက်များသည် ဥပဒေများ ပြင်ဆင်၊ ပယ်ဖျက်ရေး   ဆောင်ရွက်ရာတွင် များစွာအထောက်အကူပြုပါကြောင်း၊ လာမည့် (၁၈)လ ကာလအတွင်း၌ ပြဋ္ဌာန်းရမည့် ဥပဒေများအပြီးပြဋ္ဌာန်းနိုင် ရန်ယနေ့ ဆွေးနွေးချက်များသည်အရေးပါပါကြောင်း၊ 

 ကောင်းမွန်သော ဥပဒေများ   ဖြစ်ပေါ်လာရေး အတွက်   ကော်မရှင်၊ ကော်မတီများမှ ပညာရှင်များနှင့်‌ ရှေ့နေချုပ်ရုံးတို့မှ ပညာရှင်များက မှန်မှန်ကန်ကန် အကြံဉာဏ်များ   ပေးရန်လိုအပ်ပါကြောင်း၊ လွှတ်တော်က ဥပဒေများ ရေးဆွဲ   ပြဋ္ဌာန်းပြီးသည့်အခါ   နိုင်ငံတော်သမ္မတက ဂုဏ်သိက္ခာရှိစွာ လက်မှတ် ရေးထိုး နိုင်ရေးအတွက် ဝိုင်းဝန်းကြိုးပမ်းဆောင်ရွက်သွားကြရန် လိုအပ်မည်ဖြစ်ကြောင်း၊ ဥပဒေများကို ပြင်ဆင်၊ ပယ်ဖျက်၊ အသစ်ပြဋ္ဌာန်းရန်ကိစ္စရပ်များတွင် သက်ဆိုင်ရာ ဝန်ကြီးဌာနများက မိမိတို့ လွှတ်တော် ကိုယ်စားလှယ် များနှင့်အတူ ပူးပေါင်းဆောင်ရွက်ရန်လည်း လိုအပ်ကြောင်း၊ ဥပဒေပြဋ္ဌာန်းရေးကိစ္စသည် မိမိတို့ လွှတ်တော်တွင်သာ အဓိကတာဝန်ရှိပါကြောင်း၊ သက်ဆိုင်ရာဝန်ကြီးဌာနများ၊ အဖွဲ့အစည်းများနှင့် လွှတ်တော်ကော်မတီများမှ အားလုံးဝိုင်းဝန်း ပူးပေါင်းဆောင်ရွက်မှသာ အကောင်းဆုံးဥပဒေများ   ဖြစ်ပေါ် လာမည်   ဖြစ်ပြီး လွှတ်တော်အစည်းအဝေး ကျင်းပချိန်တွင် အချိန်ကုန် သက်သာမည်ဖြစ်ကြောင်း၊ ဥပဒေပြုရာတွင် တာထွက် သည်မှ ပန်းဝင်သည်အထိ အားလုံးပူးပေါင်းဆောင်ရွက်ရန် လိုအပ်ကြောင်း၊ သို့မှသာ လွှတ်တော်၊ အစိုးရအဖွဲ့နှင့်‌   နိုင်ငံတော်လည်း ဂုဏ်သိက္ခာ ရှိမည်ဖြစ်ကြောင်း၊ ဥပဒေများ ပြဋ္ဌာန်းပြီးသော်လည်း လုပ်ထုံးလုပ်နည်းများ   ပေါ်ထွက်လာခြင်း မရှိသေးသည့် ကိစ္စရပ်များကိုလည်း ညှိနှိုင်းဆောင်ရွက်သွားကြရမည်   ဖြစ်ကြောင်း၊ မိမိတို့ လွှတ်တော်သက်တမ်း(၅)နှစ်အတွင်း နိုင်ငံတော်နှင့်‌

 နိုင်ငံသားများ အကျိုးဖြစ်ထွန်း   စေမည့်ဥပဒေများ   ပေါ်ထွက် လာရေးအတွက် အားလုံးပူးပေါင်းကြိုး ပမ်း ဆောင်ရွက်ကြရန် တိုက်တွန်းပါကြောင်းဖြင့်   ပြောကြားသည်။

                                           ၂၂- ၄- ၂၀၁၄

ဦးရွှေမန်းဘက်မှရပ်တည်မည်ဟု ဒေါ်အောင်ဆန်းစုကြည်ပြောကြား

ဦးရွှေမန်းဘက်မှရပ်တည်မည်ဟု

               ဒေါ်အောင်ဆန်းစုကြည်ပြောကြား

သမ္မတဦးသိန်းစိန်ဦးဆောင်သော အစိုးရ အုပ်ချုပ်ရေး ယန္တရားနှင့် သူရဦးရွှေမန်းဦးဆောင်သော ဥပဒေပြုရေး လွှတ်တော်အကြား မပြေလည်မှုများရှိနေပြီး ယင်းမပြေ လည်မှုများတွင် လွှတ်တော်နာယက ဦးရွှေမန်းဘက်မှ တရားဝင် ရပ်တည်မည်ဖြစ်ကြောင်း အမျိုးသားဒီမိုကရေစီ အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်က ပြောဆိုလိုက် သည်။

နေပြည်တော်တွင် မတ်လ ၂၆ ရက်နေ့ ကျင်း ပသော  ဒေါ်အောင်ဆန်းစုကြည်နှင့် သူရဦးရွှေမန်းတို့၏ ပူးတွဲ သတင်းစာရှင်းလင်းပွဲတွင် ဒေါ်အောင်ဆန်း စုကြည်က ယင်းသို့ တရားဝင် ထုတ်ဖော်ပြောဆို လိုက်ခြင်းဖြစ်ပြီး ဦးရွှေမန်းကလည်း ဒေါ်အောင်ဆန်း စုကြည်၏ ဖွဲ့စည်းပုံ ပြင်ဆင်ရေး လေးပွင့် ဆိုင် ဆွေးနွေးရေး တောင်းဆိုမှုကို မှန်ကန်သော လုပ်ရပ်ဖြစ်၍ ထောက်ခံ ကြောင်း ပြောဆိုလိုက်သည်။

“ဥပဒေပြုရေး မဏ္ဍိုင်နဲ့ အုပ်ချုပ်ရေး မဏ္ဍိုင် က မပြေလည်တာတွေရှိပါတယ်။ ဒါဟာကြောက်စရာ မဟုတ်ပါဘူး။ ဘယ်လိုဖြေရှင်းမလဲ ဆိုတာပဲ အရေးကြီး တာပါ။ ဒါကြောင့် ကျမကတော့ ပြတ်ပြတ်သားသားကို လွှတ်တော်ဘက်က ပါမှာပါ၊ ကျမအမြင်မှာလည်း နာယကကြီးက ဖြောင်ဖြောင့်မတ်မတ်ပါပဲ´´ ဟု ဒေါ်အောင်ဆန်းစုကြည်က ပြောဆိုသည်။

ဦးရွှေမန်းကလည်း စစ်အာဏာရှင်အစိုးရ ရေးဆွဲခဲ့သော ၂၀၀၈ ဖွဲ့စည်းပုံ ပြင်ဆင်ရေးအတွက် သမ္မတ၊ ကာ ကွယ်ရေး ဦးစီးချုပ်၊ ဦးရွှေမန်း တို့နှင့်အတူ လေးပွင့် ဆိုင်တွေ့ ဆုံဆွေးနွေးရေး ဒေါ်အောင်ဆန်းစုကြည် ၏ တောင်းဆိုမှုကို အပြည့်အ၀ ထောက်ခံကြောင်း တရားဝင်ထုတ်ဖော်ပြော ဆိုသည်။

“လွှတ်တော်ဥက္ကဋ္ဌအနေနဲ့ အလုပ်တခုလုပ်တဲ့နေရာ မှာ တွေ့ဆုံညှိနှိုင်းပူးပေါင်းတာက လုပ်ငန်း ကို အောင်မြင်စေပါတယ်၊
တွေ့ဆုံညှိနှိုင်း မှုတိုင်းကို အားပေးတယ်၊  လေးပွင့် ဆိုင်တွေ့ဆုံဖို့ကိုလည်း အားပေးဖို့ အသင့်ရှိပါ တယ်။ ဖွဲ့စည်းပုံ အခြေခံ ဥပဒေ ပြင်ဆင်ရေးတင်မဟုတ်ဘူး။ ဘယ်ကိစ္စမဆို တာဝန်ရှိသူတွေရဲ့ တွေ့ဆုံမှုက အရေးကြီးပါတယ်၊ စားပွဲဝိုင်းထဲ တွေ့ဆုံ ဆွေးနွေးမှုက အဖြေပေါ်မှာပါ။ ဒါကြောင့်မို့လို့ လေးပွင့်ဆိုင်တွေ့ဆုံဖို့ လိုအပ်တယ်ဆိုတာ မှန်ပါတယ်´´ဟု ဦးရွှေမန်း က ပြောသည်။

ဒေါ်အောင်ဆန်းစုကြည်က သမ္မတဦးသိန်းစိန်သည် ဖွဲ့စည်းပုံအခြေခံဥပဒေ ရေးဆွဲရာတွင် ကိုယ်တိုင်ပါ ၀င်ခဲ့သူဖြစ်ပြီး သမ္မတထံ လေးပွင့်ဆိုင် တွေ့ဆုံရေး တရားဝင်စာပို့တောင်းဆိုရခြင်းမှာ သမ္မတသည် အရေးကြီးဆုံးဖြစ်သည့်အတွက် တိုက်ရိုက် စာပို့တောင်းဆိုရခြင်းဖြစ်ကြောင်း ပြောသည်။

“လေးဦးလုံးဆုံဖို့ တွေ့ဆုံဖို့ကိစ္စမှာ သမ္မတကြီးက အရေးအကြီးဆုံးလို့ ထင်လို့ တိုက်ရိုက်စာပို့တာဖြစ် တယ်။ ၂၀၀၈ အခြေခံ ဥပဒေကို ရေးဆွဲခဲ့တဲ့သူကလည်း သမ္မတကြီးကိုယ်တိုင်ပါတယ်။ ဒါပေမယ့် NLD အနေနဲ့ ဖွဲ့စည်းပုံ စတင်ရေးဆွဲခဲ့ကတည်းက တစိုက်မတ်မတ် ကန့်ကွက်ခဲ့တာပါ။ ဖွဲ့စည်းပုံကို သဘောမတူလို့ တခုလုံးကို ပြောင်းမယ် လို့တော့ ပြောတာမဟုတ်ပါ ဘူး´´ ဟု ဒေါ်အောင်ဆန်းစုကြည်က ပြောသည်။

သမ္မတဦးသိန်းစိန်က ယနေ့ လွှတ်တော်တွင် ပြော ကြားသော မိန့်ခွန်းတွင် ဖွဲ့စည်းပုံ အခြေခံ ဥပဒေ  ပြင်ဆင်ရေး ကို နိုင်ငံရေး အကျပ်အတည်း ဦးတည်အောင် ဆောင်ရွက်ခြင်းမပြုရန် သတိပေး လိုက်မှုအပေါ် ဒေါ်အောင်ဆန်းစုကြည်က တွေ့ဆုံဆွေးနွေးရေး ရှိရန် အရေးကြီးသည်ဟု ထပ်လောင်းပြောဆိုသွားသည်။

“ဖွဲ့စည်းပုံ အခြေခံဥပဒေ ပြင်ဆင်ရေး ကိစ္စက နိုင်ငံရေး အကျပ် အတည်း ကို ဦးတည်စရာမရှိပါဘူး၊ ဘယ်ပြဿနာ မှာဖြစ်ဖြစ် တွေ့ဆုံ ဆွေးနွေးဖို့ဆိုတာကို အမြဲတောင်းဆို ပါတယ်၊ တွေ့ဆုံညှိနှိုင်းရေးသည် အရေးကြီးပါတယ်။ အမျိုးသား ဒီမိုကရေစီလမ်းစဉ်ဆို တာ တွေ့ဆုံဆွေးနွေး မှုပေါ်မှာ မူတည်ပါတယ်။ နိုင်ငံရေးမှာ သဘောမတူ တာတွေ ရှိတာတွေ အကျပ်အတည်းတွေ မဖြစ်စေချင် လို့လေးပွင့် ဆိုင် တွေ့ဆုံရေးကို တောင်းဆိုတာ ပါ။ ပေါ်လာတဲ့အခက်အခဲ ညှိနှိုင်းဖို့ လိုပါတယ်၊ ကျမတို့ အဆင်မပြေတာ ရှိရင် ညှိနှိုင်းဆွေးနွေးဖို့ မလုပ်နိုင် စရာမရှိပါဘူး´´ ဟု ဒေါ်အောင်ဆန်းစုကြည် က ပြောသည်။

ဒေါ်အောင်ဆန်းစုကြည်က တပ်မတော်၏ အခန်း ကဏ္ဍနှင့်ပတ်သက်၍ တပ်မတော် သည် ပြည်သူက အားကိုးသော နိုင်ငံတကာ အဆင့်မီ ဖြစ်စေချင်ကြောင်း၊ ငြိမ်းချမ်းရေးနှင့်ဒီမိုကရေစီအရေးအတွက် တပ်မတော်သည် ပြည်သူဘက်မှ မားမားမတ်မတ်ရပ်တည်ရန်လိုအပ်ကြောင်း ပြောဆိုသည်။

“NLD ကတော့ တပ်မတော်ကို လေးစားတယ်။ အားကိုးတယ်။ တကယ့် အဆင့်မြင့်ပြီး  နိုင်ငံတာအဆင့်မီတဲ့ တပ်မတော် ဖြစ်စေ ချင်တယ်။ ငြိမ်းချမ်းရေး ရဖို့ဆိုတဲ့ကိစ္စမှာ ရေရှည် တည်တံ့ခိုင်မြဲရေး ဖြစ်တဲ့ နိုင်ငံရေးဖြစ်အောင်၊ တကယ် ဒီမိုကရေစီ ကို တည်ဆောက် ရမှာ ဖြစ်တယ်။ တပ်မတော် ဆိုတာ ပြည်သူ့လူထုလိုလားတဲ့ နိုင်ငံရေး စနစ်ပေါ်ပေါက်လာအောင် မားမားမတ်မတ်ရပ်တည်ဖို့လို ပါ တယ်။ တပ်မတော်က လွှတ်တော်ကို အများကြီး ပံ့ပိုးဖို့လိုတယ်´´ ဟု ဒေါ်အောင်ဆန်းစုကြည် က ပြောသည်။

အယုဒ္ဓယ သို့မဟုတ် နာကျည်းချက်မြို့တော်

အယုဒ္ဓယ သို့မဟုတ် နာကျည်းချက်မြို့တော်
***************************

ယိုးဒယားလို့ပြောလိုက်ရင်ထိုင်းနိုင်ငံကို ပြောတာပဲဆိုတာကို မြန်မာလူမျိုးအားလုံးနီးပါးသိကြပါတယ်။ ရှေးမြန်မာဘုရင်တွေဘုန်းမီးနေလတောက်ပချိန်၊ မြန်မာဘုရင်ရဲ့ထီးဖြူရိပ်သက်ရောက်တဲ့ကျယ်ပြန့်လွန်းတဲ့အရှေ့တောင်အာရှနယ်မြေတလွှားမှာ အယုဒ္ဓယလို့ခေါ်တဲ့ ထိုင်းနိုင်ငံဟာလည်းလက်အောက်ခံ အဖြစ်ပါဝင်ခဲ့တယ်။ စစ်တိုက်၍မရသောနိုင်ငံ အဓိပ္ပါယ် ရှိတဲ့ အယုဒ္ဓယဆိုတဲ့ထိုင်းနိုင်ငံကို ယုဒ္ဓယ လို့ ခေါ် ခဲ့ကြရာက နောက်ပိုင်းမှာယိုးဒယားအဖြစ်အမည် တွင်ခဲ့ တယ်လို့ယိုးဒယားအမည်ဖြစ်ပေါ်လာပုံနဲ့ပတ်သက်ပြီး ဖတ်ဖူးမှတ်သားခဲ့ဖူးတယ်။

တောင်ငူနန်းဆက်ဘုရင့်နောင်မင်းတရား နန်းတက်တဲ့ အချိန်မှာ အယုဒ္ဓယကိုအနိုင်ယူသိမ်းပိုက်ခဲ့ပြီး ဘုရင့်နောင် နတ်ရွာစံပြီး ၃နှစ်အကြာထိ အယုဒ္ဓယ ဟာ မြန်မာ တို့ရဲ့လက်အောက်ခံအဖြစ် ခရစ်နှစ် ၁၅၆၄ ခုနှစ်ကနေ ၁၅၈၄ခုထိ နှစ်ပေါင်း ၂၀ကျော်နေထိုင် ခဲ့ရတယ်။

ဘုရင့်နောင်နတ်ရွာစံပြီး တောင်ငူနန်းဆက်စည်းလုံးမှုပြိုကွဲကာ စစ်ဘုရင်တွေ သူတစ်လူငါတမင်း ဗိုလ်လု၊ ပြည်တွင်းရေး ရှုတ်ထွေးနေချိန်မှာ အယုဒ္ဓယဟာ မြန်မာဘုရင်ရဲ့ လက်အောက်ခံနယ်မြေအဖြစ်ကနေ ကင်းလွတ်ခွင့် ရခဲ့တယ်။ ဒါပေမယ့် နှစ်ပေါင်း ၂၀၀ခန့်အကြာ ခရစ်နှစ် ၁၇၆၇ခုနှစ်မှာတော့ ကုန်းဘောင်မင်းဆက် အလောင်း ဘုရားရဲ့အရိုက်အရာကိုဆက်ခံသူ ဒုတိယသားတော် ဆင်ဖြူရှင်မင်းလက်ထက်မှာအယုဒ္ဓယနေပြည်တော်ဟာ   မြန်မာဘုရင်ရဲ့အပြီးတိုင်သိမ်းပိုက်မှုကိုခံခဲ့ရပြီး အယုဒ္ဓယနန်းဆက်လည်းပျက်၊ အယုဒ္ဓယမြို့ဟာလည်း ဖျက်ဆီးခံခဲ့ရပါတယ်။

ဆင်ဖြူရှင်မင်းတရားလက်ထက်မှာ မြန်မာနိုင်ငံဟာ သမိုင်းတစ်လျောက် အကျယ်ပြန့်ဆုံး အင်ပါယာကို ထူထောင်နိုင်ခဲ့ပြီး ဆင်ဖြူရှင်မင်းဟာလည်း သမိုင်း တစ်လျှောက်အအောင်မြင်ဆုံး စစ်ဘုရင်တစ်ပါးဖြစ် ခဲ့တယ်။ ဆင်ဖြူရှင်မင်း အယုဒ္ဓယကိုအောင်နိုင်ပြီး ချိန်မှာ မြန်မာနိုင်ငံဟာ တရုတ်နိုင်ငံရဲ့ကျူးကျော်မှုနဲ့ ရင်ဆိုင်ရတယ်။အဲဒီအချိန်မှာဆင်ဖြူရှင်မင်းဟာစစ်မျက်နှာနှစ်ဘက်ဖွင့်ရမယ့်အခြေအနေကို ရှောင်ရှားနိုင်ဖို့အတွက် အယုဒ္ဓယကိုပြန်မထကြွနိုင်တော့အောင် ဖျက်ဆီးခဲ့လိုက် တာကြောင့် အယုဒ္ဓယဟာ မြို့ပျက်ခဲ့ရတယ်။

အယုဒ္ဓယနန်းပျက်ရတဲ့ ကိစ္စနဲ့ပတ်သက်ပြီး ထိုင်းနိုင်ငံ ဟာ မြန်မာနိုင်ငံအပေါ် အတော်လေးနာကျည်းခဲ့ပြီး အယုဒ္ဓယနန်းတော်ပျက်နေရာကို ပြန်လည်ပြုပြင်ခြင်း မပြုတော့ဘဲ မြန်မာတို့ဖျက်ဆီးခဲ့တဲ့အထိမ်းအမှတ်နေရာ အဖြစ်သာ ထားရှိခဲ့ပါတယ်။အခုတော့သမိုင်းမှာမကြာ ခဏကြားဖူးခဲ့တဲ့အယုဒ္ဓယဆိုတဲ့နေရာကို ခြေချခွင့်ရ ခဲ့ပြီဖြစ်ပါတယ်။

အယုဒ္ဓယကို ဘယ်ခုနှစ်မှာ စတည်ထောင်ခဲ့လဲ ဆိုတာနဲ့ပတ်သက်လို့တော့ တိကျရေရာတဲ့ အထောက် အထားတွေမရှိဘူး။ ခန့်မှန်းခြေများအရတော့ အယုဒ္ဓယ ကို ခရစ်နှစ် ၁၃၅၀၀န်းကျင်မှာ စတင်တည်ထောင်ခဲ့ တယ်လို့ ယူဆကြတယ်။ ဘန်ကောက်မြို့ကနေ ကားနဲ့ သွားမယ်ဆိုရင် ၂နာရီခရီးအကွာအဝေးလောက် မှာရှိပါ တယ်။ အယုဒ္ဓယကိုသွားဖို့အတွက် မနက် ၈နာရီ ခွဲလောက် ကနေဘန်ကောက်ကစတင် ထွက်ခွာလာခဲ့ ရာမှာ မနက်ပိုင်း ၁၀နာရီခွဲ အချိန်လောက်မှာ အယုဒ္ဓယမြို့ဟောင်းကိုရောက်ပါတယ်။

နွေရာသီရဲ့နေကတော့ အယုဒ္ဓယမှာ ခြစ်ခြစ်တောက်အောင် ပူပြနေတယ်။ တစ်ချိန်ကအာရှရဲ့အခမ်းနား ဆုံးမြို့တွေထဲမှာပါခဲ့တယ်ဆိုတဲ့အယုဒ္ဓယမြို့ဟောင်းရဲ့ တချို့နေရာတွေမှာ ခမ်းနားခြင်းတွေကျန်ရှိနေသေးပေ မယ့် အပျက်အစီးတွေကသာ ကြီးစိုးလို့နေပါတယ်။

ဒီအယုဒ္ဓယမြို့ဟောင်းဟာ ယူနက်စကိုရဲ့ ကမ္ဘာ့ ယဉ်ကျေးမှုအမွေအနှစ်စာရင်းထဲမှာပါဝင်တဲ့ အကြောင်း ကို သိရှိရတဲ့အခါမှာတော့ အယုဒ္ဓယထက် နှစ်ပေါင်း ၅၀၀ကျော်စောပြီး ပိုခမ်းနားပါသော်လည်း အခုအချိန်ထိ ကမ္ဘာ့ယဉ်ကျေးမှုအမွေအနှစ်စာရင်းထဲ မ၀င်နိုင်သေးတဲ့ ပုဂံမြို့ဟောင်းကို သွားသတိရမိတယ်။

ပုဂံမြို့ဟောင်းလိုပဲ အယုဒ္ဓယမြို့ဟောင်းဟာလည်း ခရီး သွားလာရေးလုပ်ငန်းကနေ၀င်ငွေအဓိကရနေတဲ့နေရာ တစ်ခုဖြစ်ပါတယ်။ စားသောက်ဆိုင်တွေ၊လက်ဆောင်ရောင်းချတဲ့ဆိုင်တွေ၊   ရှေးဟောင်းပစ္စည်းရောင်းချတဲ့ဆိုင်တွေနဲ့ အယုဒ္ဓယရဲ့ ဘုရားကျောင်းပျက်တွေဟာ စည်ကားနေပါတယ်။

ပထမဆုံးရောက်ခဲ့တဲ့နေရာကတော့ ၀က်ရိုင်ချိုင်မွန်ဂောာ (Wat Rai Chai Mongkol) ဆိုတဲ့ဘုရားကျောင်း ပျက်နေရာပါ။ Wat ဆိုတဲ့စကားလုံးဟာ ကျောင်းတော်ကို ရည်ညွှန်းတာဖြစ်တဲ့အတွက်ကြောင့် အယုဒ္ဓယက ဘုရားကျောင်းတွေအားလုံးရဲ့ရှေ့မှာ Wat ဆိုတဲ့စကား လုံးပါဝင်ပါတယ်။ဒီကျောင်းတော်ဟာအယုဒ္ဓယမြို့ဟောင်း ရဲ့ ထင်ရှားတဲ့ဘုရားကျောင်းတော်တွေထဲက တစ်ခုဖြစ်ပါ တယ်။

ကျောင်းတော်ကိုရောက်သွားတဲ့အချိန်က မနက် ၁၀နာရီခွဲ အချိန်လောက်ဖြစ်နေတော့ ကျောင်းတော်ပတ်လည်ဟာ   နေခြစ်ခြစ်တောက်ပူပြင်းလို့နေပါတယ်။ ဒီကျောင်းတော်ဟာ ဘုရင်ကိုးကွယ်တဲ့ ဘုန်းတော်ကြီး သီတင်းသုံးတဲ့ မင်းဆရာကျောင်းတော်ဖြစ် ပါတယ်။

အယုဒ္ဓယကို အုပ်ချုပ်ခဲ့တဲ့ဘုရင်တွေ နဲ့ တော်ဝင်မျိုးနွယ်တွေဟာ ဒီကျောင်းတော်မှာလာပြီး အကြံဥာဏ်တွေတောင်းခံကြလေ့ရှိကြတယ်။

ဒီဘုရားကျောင်းတော်နာမည်ကျော်ကြားရခြင်းမှာ နောက် ထပ်အကြောင်းရင်းတစ်ခုရှိပါသေးတယ်။ ဘုရင့်နောင်ကျွေးမွေးပြုစုခဲ့တဲ့ နရစွမ်ဟာ ဘုရင့်နောင် နတ်ရွာစံပြီးနောက် နန္ဒဘုရင် အုပ်ချုပ် ချိန် တောင် ငူနေပြည်တော်က ယိုးဒယားနွယ်ဝင်တွေအကုန်လုံး ကို ခေါ်ဆောင်ပြီးအယုဒ္ဓယကိုပြန်သွားကာလက်အောက်ခံ နယ်မြေအဖြစ်ကနေ ပုန်ကန်ခြားနားပါတော့တယ်။

ပုန်ကန်ခြားနားတဲ့နရစွမ်ကို နှိမ်နင်းဖို့အတွက် မြန်မာစစ်တပ်ဟာ အယုဒ္ဓယကို ချီတက်တိုက်ခိုက်တဲ့အခါ အယုဒ္ဓယဘက် က နရစွမ်ဘုရင်နဲ့ မြန်မာဘက်က နန္ဒဘုရင်ရဲ့သားတော် မင်းကြီးစွာတို့ရဲ့ ဆင်စီးခြင်းတိုက်ပွဲမှာ နရစွမ်ဘုရင်က မင်းကြီးစွာကို အနိုင်ယူခဲ့တယ်။ ဆက်တိုက်ရင် မြန်မာစစ်တပ်ကို အနိုင်တိုက် ယူနိုင်ချေရှိပေမယ့် နရစွမ်ရဲ့တပ်က အနောက်မှာ အတော်ဝေးဝေးပြတ်ကျန်ခဲ့တဲ့အတွက် နရစွမ်ဘုရင်ဟာ အကြီးအကျယ်ဒေါသထွက်ပြီး သူ့ရဲ့တပ်မှူးတွေ အကုန်လုံးကို သတ်ဖို့အမိန့်ပေးလိုက်ပါတယ်။

ဒါပေမယ့် ၀က်ရိုင်ချိုင်မွန်ကောရဲ့ အကြီးအကဲ ဘုန်းတော်ကြီးက နရစွမ်ဘုရင်ကိုအသနားခံပြီး အပြစ် ကိုချေတဲ့အနေနဲ့ထပ်ပြီးဘုရားတည်ခိုင်းခဲ့ပါတယ်။   မြန်မာတွေအပေါ်အနိုင်တိုက်နိုင်တာနဲ့ပတ်သက်ရင် ထိုင်းနိုင်ငံသားတွေဟာ အလွန်ဂုဏ်ယူလေ့ရှိကြတယ်။ အဲဒီအတွက် မြန်မာဘုရင်ကိုနရစွမ်ဘုရင်အနိုင်တိုက်ခဲ့ခြင်း အထိမ်းအမှတ် ဘုရားကျောင်းတည်ထားတာကြောင့် လည်း ဒီကျောင်းတော်ဟာ နာမည်ကြီးရခြင်းဖြစ်ပါတယ်။ အဲဒီနရစွမ်ဘုရင်ရဲ့ မင်းကြီးစွာကိုအနိုင်ယူခဲ့တဲ့ စစ်ပွဲနေ့ ကို ထိုင်းနိုင်ငံမှာ တပ်မတော်နေ့အဖြစ် သတ်မှတ်ပြီး ဂုဏ်ပြုကျင်းပလေ့ရှိပါတယ်။ နဂိုကျောင်းတော်ဟောင်းကို ယဉ်ကျေးမှုအမွေအနှစ်အဖြစ်သတ်မှတ်ထားပြီး   ကျောင်းတော် ၀င်းထဲမှာပဲ လက်ရှိဘုန်းတော်ကြီးတွေ သီတင်းသုံးနေတဲ့ဘုန်းကြီးကျောင်းလည်းရှိပါသေးတယ်။

နောက်ထပ်ရောက်ဖြစ်ခဲ့တဲ့နေရာကတော့ ၀က်မဟာသက် (Wat Maha That) ကျောင်းတော်နေရာဖြစ်ပါတယ်။ အရှေ့က၀က်ရိုင်ချိုင်မွန်ကော ကျောင်းတော်မှာအပျက်အစီးနည်းပြီး ရှေးဟောင်းအဆောက်အဦးတွေအဖြစ်တည်ရှိပေမယ့်ဝက်မဟာသက်ကျောင်းတော်မှာတော့အပျက်အစီးတွေအတော်လေးကိုများပါတယ်။

ဝက်မဟာသက်ကျောင်းတော်ဟာ၁၃၈၀၀န်းကျင်မှာ ဆောက်လုပ်ထားတာဖြစ်ပြီး ဘုရားကျောင်းမြေနေရာဟာ အတော်လေးကို ကျယ်ပြန့် ပါ တယ်။ ဘုရားကျောင်းရဲ့နေရာတိုင်းမှာဘုရား ဆင်းတုတော်ခေါင်းပြတ်တွေ၊  ကျောင်းတော်ရာအပျက် အစီးတွေသာကျန်ရှိတော့တယ်။ ဒီကျောင်းတော်ကြီးဟာ တော်ဝင်အခမ်းအနားတွေ၊ ပွဲတော်တွေကိုကျင်းပတဲ့ကျောင်းတော်ကြီးဖြစ်ပြီး ဘိသိက်ခံပွဲလိုမျိုးအခမ်းအနားတွေကိုပါ ကျင်းပကြပါ တယ်။

ကမ္ဘာ့နာမည်ကြီးဓာတ်ပုံတွေထဲမှာပါဝင်တဲ့ ညောင်ပင်မြစ်တွေအကြား ညပ်နေတဲ့ဘုရားဆင်းတုတော်ခေါင်းပြတ်ပုံဟာ ဒီဝက်မဟာသက်ကျောင်းတော်နေရာမှာရှိတာဖြစ်ပါတယ်။

ညောင်ပင်မြစ်တွေကြားထဲက ဘုရားဆင်း တုတော်ခေါင်းပြတ်နဲ့ မလှမ်းမကမ်းပလ္လင်ပေါ်မှာတော့ ယိုင်နဲ့နေတဲ့ ခေါင်းပြတ်နေတဲ့ကိုယ်လုံးတော်ကိုမြင်တွေ့ခဲ့ ရတယ်။ ကျောင်းတော်ရဲ့အ၀င်ဝနေရာမှာ ထောင်ထားတဲ့  ကျောင်းတော်အကြောင်းအကျဉ်းချုပ်သမိုင်းကြောင်းမှာတော့ ဒီကျောင်းတော်ဟာခရစ်နှစ်၁၇၆၇အတွင်း  နောက်    ဆုံးဖြစ်ပွားခဲ့တဲ့ မြန်မာ-ထိုင်းစစ်ပွဲ အတွင်း မီးရှို့ ဖျက်ဆီးခံခဲ့ရတာဖြစ်တယ်လို့ ရေးသားဖော်ပြထားပါ တယ်။

အယုဒ္ဓယမြို့ဟောင်းကနေပြန်လာတဲ့လမ်းတလျှောက်မှာ အရင်က မြန်မာဘုရင်တွေဘုန်းမီးနေလတောက်ပချိန် အယုဒ္ဓယလို့ခေါ်တဲ့ ထိုင်းနိုင်ငံကိုအကြိမ်ကြိမ်အခါခါ လက်အောက်ခံပြုနိုင်ခဲ့တာကို ပြန်စဉ်းစားမိရင်း ကျေနပ် ဂုဏ်ယူတဲ့စိတ်တွေပေါ်လာတယ်။ ဒါပေမယ့် အခုခေတ် မှာတော့ မြန်မာတွေရဲ့ငယ်နိုင်ပါဆိုတဲ့ထိုင်းနိုင်ငံမှာ မြန်မာ လူမျိုးရွှေ့ပြောင်းအလုပ်သမားအများဆုံး အောက်ကျခံ သွားအလုပ်လုပ်နေရပါရောလားဆိုတဲ့ အတွေးတွေ တဆက်တည်းခေါင်းထဲဝင်လာတဲ့အခါတော့ သက်ပြင်း ရှည်ကြီးသာရှိုက်မိတော့တယ်။

ကမ္ဘာကုလသမဂ္ဂထုတ် သတင်းစာစဉ်မှာပါရှိ တဲ့ နေ့ စဉ်နေတိုင်း လုပ်ကိုင်ရာတွင် အသုံးပြုသင့်သော စကား ၆ လုံး

ကမ္ဘာကုလသမဂ္ဂထုတ် သတင်းစာစဉ်မှာပါရှိ တဲ့ နေ့ စဉ်နေတိုင်း လုပ်ကိုင်ရာတွင်
အသုံးပြုသင့်သော စကား ၆ လုံး

 

 

 1.I think I m a mistake.
ကျွန်တော်မှားသွားတယ်ထင်တယ်။
(မှားလျှင်ဝန်ခံပါ။မမှားသောသူမရှိပါ)
2.You did a good job.
ခင်ဗျားလုပ်ဆောင်ချက်ကောင်းပါတယ်။
(ချီးကျူးထိုက်သူကို ချီးကျူးပါ။)
3.What is your opinion?
ခင်ဗျား ဘယ်လိုသဘောရလဲ။
(မေးပါ။ နားထောင်ပါ။ အကြံဥာဏ်ရယူပါ။ တိုင်ပင်ဆွေးနွေးပါ။)
4.If you please
ကျေးဇူးပြုပါ။
(မေတ္တာရပ်ခံပါ)
5.Thank you.
ကျေးဇူးတင်ပါတယ်။
(ကျေးဇူးကိုသိပါ။ထုတ်ဖော်ပြသပါ။)
6.We(not I)
ငါတို့ တတွေ(ငါမဟုတ်) ဟူသော စုပေါင်း လုပ်ဆောင်သော စိတ် သဘောထားဖြင့်ပြုလုပ်ပါ။
ငါစိတ်ကို ဖျောက်ပါ။

(ချစ်နိုင်(စိတ်ပညာ) ရေးသော အမျိုးသားစာပေဆုရ "ချစ်လို့ ပြောတယ်မှတ်ပါ" ဆိုတဲ့ စာအုပ်ထဲက ကောက်နှုတ်ဖော်ပြချက်)

သေခြင်းတရားဆိုတာ

သေခြင်းတရားဆိုတာ..................

ဗုဒ္ဓဘာသာတွင် လက်ခံထားသော သေခြင်း (၄)မျိုး ရှိ၏။
(၁) အသက်တမ်းကုန်၍ သေခြင်း။
(၂) ကံစွမ်းကုန်၍ သေခြင်း။
(၃) အသက်တမ်း၊ ကံစွမ်း နှစ်ပါးကုန်၍ သေခြင်း။
(၄) ဥပစ္ဆေဒကကံဖြင့် သေခြင်း။

သတ္တဝါတို့မှာ ဤသေခြင်း ၄-မျိုးအနက် တစ်မျိုးမျိုးဖြင့် သေကြရ၏။
ထိုသို့ သေကြသောအခါ သေခါနီး၌ ‘ကံ’၊ ‘ကမ္မနိမိတ်’၊ ‘ဂတိနိမိတ်’ သုံးမျိုးအနက် တစ်ခုခု ပေါ်၏။
(၁)ကံ = နောက်ဘဝမှာ ပဋိသန္ဓေအကျိုးပေးတော့မည့် ရှေးတုန်းက ပြုခဲ့သော
(မသေမီ ယခုဘဝတွင် ပြုခဲ့သော ကံများလည်း ဖြစ်နိုင်၏) ကုသိုလ်ကံ, အကုသိုလ်ကံ။ ဤကံသည် အတိတ်က ဖြစ်ခဲ့သော အာရုံဖြစ်၍ မနောဒွါရ၌ ထင်၏။
(၂)ကမ္မနိမိတ် = ကံပြုစဉ် တွေ့ကြုံရသော အာရုံခြောက်ပါး။
(ဥပမာ – ကျောင်းဆောက်ရာ၌ သင်္ကန်းအလှူ, ဆွမ်းအလှူ စသည်)တို့ ထင်ပေါ်တတ်၏။ အာရုံခြောက်ပါးလုံး၌ ဖြစ်၍ ထိုက်သည့်အားလျော်စွာ ဒွါရခြောက်ပါး၌ ထင်၏။
(၃)ဂတိနိမိတ် = အနာဂတ်ရောက်ရမယ့် ဘဝ တွေ့ကြံရလတံ့သော အာရုံ။
(ဥပမာ – အမိဝမ်းရေ၊ ငရဲဘုံ), “ထိုရောက်မည့်အရပ်တွင် တွေ့ကြုံခံစားရမည့် အရာများ” (ဥပမာ – လင်းတ၊ ခွေး၊ ငရဲမီး၊ ငရဲထိန်း၊ နတ်သား၊ နတ်သမီး)ပေါ်တတ်၏။

ဖက်ဒရယ်စနစ်ကို အစိုးရလက်မခံဟု ဗိုလ်ချုပ်ဂွမ်မော် ပြောကြားချက် မမှန်ကြောင်း ဦးရဲထွဋ်ရှင်း

ဖက်ဒရယ်စနစ်ကို အစိုးရလက်မခံဟု ဗိုလ်ချုပ်ဂွမ်မော် ပြောကြားချက်
မမှန်ကြောင်း ဦးရဲထွဋ်ရှင်း

 

 

ဧပြီလ ၂၄ ရက် ၂၀၁၄ ခုနှစ်

အစိုးရနှင့်တိုင်းရင်းသားလက်နက်ကိုင်အဖွဲ့အစည်းများ   ဆွေးနွေးညှိနှိုင်းရာတွင် အစိုးရက ဖက်ဒရယ်ကို လက် မ ခံသည့် အချက်ကြောင့် ငြိမ်းချမ်းရေး ဆွေးနွေးပွဲများ ကြန့်ကြာနေကြောင်း KIA/KIO ဒုတိယစစ်ဦးစီးချုပ် ဗိုလ်ချုပ်ဂွမ်မော်၏ ပြောကြားချက်မှာ မှား ယွင်းကြောင်း နိုင်ငံတော် သမ္မတ ပြောရေးဆိုခွင့်ရှိသူ ဦးရဲထွဋ်က ပြောကြားသည်။...
အမေရိကန်ပြည်ထောင်စုသို့ ရောက်ရှိနေသော KIA ဒုတိယစစ်ဦးစီးချုပ် ဗိုလ်ချုပ်ဂွမ်မော်ကို VOA သတင်းဌာန တို့ တွေ့ဆုံမေးမြန်းမှု ပြုလုပ်ရာတွင် အစိုးရက ဖက်ဒရယ်ပြည်ထောင်စုကို လက်မခံလိုသောကြောင့် ငြိမ်းချမ်းရေးလုပ်ငန်းစဉ်အချို့ကြန့်ကြာနေကြောင်း ပြောဆို မှုကို နိုင်ငံတော်သမ္မတ၏ ပြောရေးဆိုခွင့်ရှိသူ ဦးရဲထွဋ် က ယင်းသို့ တုံ့ပြန်ပြောကြားခြင်း ဖြစ်သည်။
“ဖက်ဒရယ်ပဲ ပြောပြော၊ယူနီယံပဲ ပြောပြော မြန်မာလိုပြောရင် ပြည်ထောင်စုပါပဲ။ အခုဖွဲ့စည်းပုံ အခြေခံဥပဒေမှာ ပြည်ထောင်စုစနစ်ရဲ့ အခြေခံမူတွေဖြစ်တဲ့ ပြည်နယ်/တိုင်းဒေသကြီးတွေနဲ့ ဗဟိုကြားမှာအာဏာခွဲဝေခြင်းတို့၊ ပြည်ထောင်စုနဲ့ ပြည်နယ်တိုင်းဒေသကြီးတွေရဲ့ ဥပဒေပြုဇယားတို့ပါပြီးသားပဲ။အာဏာခွဲဝေမှုအပိုင်းမှာ   ပြင်စရာရှိတာတွေ ပြန်ပြင်ရမှာတော့ရှိတယ်။ ပြင်မယ်ဆို တာလည်းအားလုံးပြောထားပြီးသား ဖြစ်တော့ ပြည်ထောင်စုစနစ်ကို လက်မခံဘူးဆိုတာ မှားပါတယ်” ဟု ဦးရဲထွဋ်ကဆို သည်။

နိုင်ငံရေး အဓိကပြဿနာအဖြစ် တိုင်းရင်းသားများက ဖက်ဒရယ်စနစ်ကို လိုလားသော်လည်း အစိုးရက လက်မခံလိုသည့်သဘော သက်ရောက်နေကြောင်း၊ အပစ်အခတ်ရပ်စဲရေး စာချုပ်အတွက် ဆွေးနွေးရာတွင် အစိုးရက ဖက်ဒရယ်စကားရပ်ကို လုံးဝ အသုံးပြုထားခြင်း မတွေ့ရကြောင်း ဧပြီလ ၂၂ ရက်နေ့က ဗွီအိုအေ သတင်းဌာနနှင့် တွေ့ဆုံစဉ် ဗိုလ်ချုပ်ဂွမ်မော် က ပြောဆိုခဲ့သည်။
ယင်းသို့ အစိုးရက ဖက်ဒရယ်စနစ်ကို လက်မခံ ဆိုသည် မှာ မဟုတ်မှန်ဘဲ အခြေခံမူနှင့် ဆက်လက်ဆောင် ရွက်ရမည့်လုပ်ငန်းစဉ်များအရကွဲပြားနေခြင်းသာ
  ဖြစ်ကြောင်း၊ဖက်ဒရယ်ကိစ္စရပ်ကို  နိုင်ငံရေး ဆွေးနွေးပွဲ များတွင် ထည့်သွင်းရန် အစိုးရက သဘော ထား ပေးထားကြောင်း၊ ယင်းသို့ မဟုတ်ဘဲ အခြေခံမူများ တွင် ထည့်သွင်းပါက ဖက်ဒရယ်ကို အစိုးရနှင့် တိုင်းရင်းသားအဖွဲ့ နှစ်ခုကြားတွင်သာ သီးသန့် သဘောတူညီချက်အဖြစ်သက်ရောက်စေနိုင်ကြောင်း မြန် မာငြိမ်းချမ်းရေးစင်တာမှ အကြီး တန်း အကြံပေးတစ်ဦး က ရှင်းပြသည်။

ကရင်အမျိုးသားအစည်းအရုံး (KNU) ဗဟိုကော်မတီဝင် ဖဒိုမန်းငြိမ်းမောင်ကမူ အစိုးရက ဖက်ဒရယ်စနစ်ကို လက်ခံသည်ဟု ယူဆကြောင်း၊ သို့သော် အဓိပ္ပါယ် ဖွင့်ဆိုချက်တွင် ကွဲလွဲနိုင်သဖြင့် ညှိနှိုင်းရ မည် ဖြစ်ကြောင်း The Voice သို့ ပြောကြားသည်။
“ဖက်ဒရယ်ကတော့ အများကြီး ညှိနှိုင်းဆွေးနွေးရမှာပါ။ အမြင်မတူတာတွေကလည်း သဘာဝကျပါတယ်” ဟု ၎င်းက သုံးသပ်သည်။
အစိုးရက ပြည်ထောင်စုစနစ်ကို လက်ခံထားသော်လည်း ကွန်ဖက်ဒရေးရှင်းစနစ်ဘက်သို့တိုင်းရင်းသားခေါင်းဆောင် များက ဦးတည်ပါက လက်ခံနိုင်မည် မဟုတ်ကြောင်း ဦးရဲထွဋ်က ထပ်မံပြောဆိုသည်။
အစိုးရနှင့် တိုင်းရင်းသား လက်နက်ကိုင်အဖွဲ့ အသီးသီးအကြား တစ်နိုင်ငံလုံး အပစ်အခတ်ရပ်စဲရေးကို သြဂုတ်လ မတိုင်မီ အပြီးသတ် လုပ်ဆောင်ရန် ကြိုးပမ်းနေသော်လည်း ဧပြီလဆန်းပိုင်းတွင် တပ်မတော်နှင့် ကေအိုင်အေ အဖွဲ့များအကြား တိုက်ပွဲများ ထပ်မံဖြစ်ပွားခဲ့ပြီး တပ်မတော်အရာရှိအချို့ အပါ အဝင် နှစ်ဘက်ကျဆုံးမှုများ ရှိခဲ့ကြောင်း အစိုးရက ထုတ်ပြန်ခဲ့သည်။

Credit To:The Voice Weekly