ရေကြီးနစ်မြုပ်မှုကြောင့် ရခိုင်ပြည်နယ်အတွင်း ကျောင်းများ ပြိုကျပျက်စီးခဲ့၍ ကျောင်းသား၊ ကျောင်းသူများ
ပညာဆက်လက်သင်ကြားနိုင်ရန် ယာယီစာသင်ကျောင်း ခြောက်ဆယ်ကျော်ကို ပွင့်လင်းရာသီ အမီ ဆောက်လုပ်ပေးသွားမည်ဟု သတင်းရရှိ
သည်။
‘‘ရေနစ်မြုပ်မှုကြောင့် ပျက်စီးသွားတဲ့ ကျောင်းတွေကကျောင်းသား၊ ကျောင်းသူတွေ ယာယီစာသင်နိုင်ဖို့ အတွက် ယာယီစာသင်ကျောင်းဆောက်ဖို့ စီစဉ်ရတာ ဖြစ်ပါတယ်။ တချို့ ကျေးရွာတွေမှာတော့ ဘုန်းကြီး ကျောင်းတွေမှာ ပြောင်းရွှေ့သင်ကြားပေးနေပါတယ်။ ပျက်စီးကျောင်းတွေ ပြန်ဆောက်ဖို့က အချိန်နည်းနည်းယူရဦးမှာ ဖြစ်ပါတယ်’’ဟု ရခိုင်ပြည်နယ် ပညာရေးညွှန်ကြားရေးမှူးရုံးမှ တာဝန်ရှိသူ တစ်ဦးက ပြောသည်။
ပြန်လည်တည်ဆောက်မည့် ယာယီကျောင်း ခြောက်ဆယ်ကျော်ကို အစိုးရ၊ ယူနီဆက်နှင့် ပြည်တွင်း၊ ပြည်ပ အင်န်ဂျီအို အဖွဲ့အစည်းတို့က ပူးပေါင်းဆောက်လုပ်သွားမည် ဖြစ်သည်။
ရေနစ်မြုပ်မှုကြောင့် ရခိုင်ပြည်နယ်အတွင်း ကျောင်းပေါင်း ခုနစ်ရာကျော် ပိတ်ထားခဲ့ရပြီး ၎င်းတို့အနက် အခြေခံပညာ ကျောင်းပေါင်း ခုနစ်ဆယ်ကျော် ပျက်စီးကာ ပြန်လည်ပြုပြင်ရမည့် ကျောင်းလေးဆယ်ကျော် ရှိနေသည်။ ယခုအခါ မပျက်မစီးဘဲ ကျန်ရစ်သည့် စာသင်ကျောင်းအချို့ကို ပြန်လည်ဖွင့်လှစ်၍ ပညာ သင်ကြားခြင်း လုပ်ငန်းများ ပုံမှန်ဆောင်ရွက်နေကြောင်း သတင်း ရရှိသည်။
7Day Daily
No comments:
Post a Comment