ရန်ကုန်ရှိ အမေရိကန်သံရုံးက လူ့အဖွဲ့အစည်းများအား အသေးစားထောက်ပံ့မှုပေးအပ်

ရန်ကုန်မြို့ရှိအမေရိကန်သံရုံးက လူ့အခွင့်အရေး ၊ ကျားမတန်းတူရေး၊ မူးယစ်ဆေး တိုက်ဖျက်ရေး၊ ရွေးကောက်ပွဲပညာပေးရေး၊ တောရိုင်းတရိစ္ဆာန်ထိန်းသိမ်းရေးတို့ကို ပိုမိုဆောင်ရွက်စေရန် အဖွဲ့အစည်း ခုနှစ်ခုအား အသေးစားထောက်ပံ့မှုများ ပေးအပ်လိုက်သည်။

အကူအညီ ရရှိသည့်အဖွဲ့များမှာ မွန်ပြည်နယ်၊ ကချင်ပြည်နယ်၊ တနင်္သာရီ၊ စစ်ကိုင်းနှင့် မကွေးတိုင်းတို့တွင် အကောင်အထည်ဖော်သွားကြမည်ဟု အမေရိကန်သံရုံးက သြဂုတ် ၁၄ တွင် ထုတ်ပြန်သည်။

Mon Youth Association က ကန်ဒေါ်လာ ၁၁,၉၀၅ ရရှိခဲ့ပြီး မွန်ပြည်နယ် မုဒုံမြို့နယ်၌ ရွေးကောက်ပွဲ အသိပညာပေးရေး၊ လူ့အခွင့်အရေး၊ မူးယစ်ဆေးဝါးအန္တရာယ် ပညာရေးရေးတို့ တိုးမြင့်ဆောင်ရွက်ရန်ဖြစ် သည်။

Treasure Land Development Association က ကန်ဒေါ်လာ ၁၉,၉၅၀ ရရှိခဲ့ပြီး လူ့အခွင့်အရေးနှင့် ကျားမတန်းတူအခွင့်အရေးဆိုင်ရာ အသိပညာပေးရေးကို မွန်ပြည်နယ်အတွင်း အကောင်အထည်ဖော်မည် ဖြစ်သည်။

BusinessKind Myanmar အဖွဲ့က ကန်ဒေါ်လာ ၁၇,၆၀၀ ရရှိပြီး ကချင်ပြည်နယ်အတွင်း ယက်ကန်းယက် သူ အမျိုးသမီးများအတွက် နည်းပညာအထောက်အကူပေးရာတွင် အသုံးပြုသွားရမည်။

Colors Rainbow အဖွဲ့က ၄င်းတို့ရရှိသည့် ကန်ဒေါ်လာ ၂၀,၀၀၀ ကို တနင်္သာရီတိုင်းအတွင်း လိင်တူချစ်သူများ အခွင့်အရေးဆိုင်ရာများ အသိပညာပေးရေး မြှင့်တင်ရန်အတွက် သုံးရမည်။

Friends of Wildlife (FOW) အနေဖြင့် ကချင်ပြည်နယ်၊ အင်းတော်ကြီးကန်ချိုင့်ဝှမ်း ပတ်ဝန်းကျင်ထိန်း သိမ်းရေးအတွက် ကန်ဒေါ်လာ ၂၀,၀၀၀ ရရှိသည်။

Kalyana Mitta Development Foundation က နိုင်ငံတ၀န်း နိုင်ငံသားနှင့် ရွေးကောက်ပွဲဆိုင်ရာ ပညာ ပေးရေးသင်တန်းများဆောင်ရွက်ရန် ကန်ဒေါ်လာ ၂၀,၃၅၀ ရရှိသည်။

Sisterhood အဖွဲ့က စစ်ကိုင်းနှင့် မကွေးတိုင်းအတွင်း နိုင်ငံသားနှင့် ရွေးကောက်ပွဲဆိုင်ရာ ပညာပေးရေး သင်တန်းများဆောင်ရွက်ရန် ကန်ဒေါ်လာ ၉,၅၀၀ ရရှိသည်။

၂၀၀၆ ခု မှစတင်ခဲ့သည့် အမေရိကန်သံရုံး၏ အသေးစားထောက်ပံ့ရေးအစီအစဉ်မှ စုစုပေါင်း ကန်ဒေါ်လာ ၂ ဒဿမ ၅ သန်းကို မြန်မာနိုင်ငံမှ လူမှုအဖွဲ့အစည်း အသီးသီးအားပေးအပ် ခဲ့ပြီးဖြစ်သည်ဟု သိရသည်။

mizzima