ဘေဂျင်းမြို့တော်မှာ စက်တင်ဘာလ ၃ ရက်နေ့ ကျင်းပမယ့် ဒုတိယကမ္ဘာစစ်ပြီးဆုံးတဲ့ အောင်ပွဲခံ စစ်ရေးပြအခမ်းအနားကို တက်ရောက်ကြမယ့် ဖိတ်ကြားထားတဲ့ ကမ္ဘာ့ခေါင်းဆောင်တွေနဲ့ ဧည့်သည် တော်စာရင်းကို အင်္ဂါနေ့က ကြေညာလိုက်ပါတယ်။
အရင်က လျှို့ဝှက်ထားတဲ့ ဧည့်သည်တော်စာရင်းမှာ ဖိတ်ကြားထားသူ အယောက် ၃၀ စာရင်းမှာ မြန်မာသမ္မတ ဦးသိန်းစိန်၊ ရုရှားသမ္မတ Valdimir Putin နဲ့ တောင်ကိုရီးယားသမ္မတ Park Geun-Hye တောင်အာဖရိကသမ္မတ Jacob Zuma ဗင်နီဇွဲလားနိုင်ငံ သမ္မတ Nicolas Maduro နဲ့ ဗီယက်နမ် သမ္မတ Truong Tan Sang တို့လည်း ပါဝင်တယ်လို့ ဒုတိယနိုင်ငံခြားရေးဝန်ကြီး Zhang Ming က သတင်းစာရှင်းလင်းပွဲမှာ ပြောကြားလိုက်ပါတယ်။
အဲဒီစာရင်းထဲမှာ ဂျပန်နိုင်ငံဝန်ကြီးချုပ် Shinzo Abe ကို ထည့်သွင်းထားတာ မတွေ့ရပါဘူး။ ဘာဖြစ်လို့ Mr. Abe ကို ထည့်သွင်းမထားတာလဲလို့ မေးမြန်းတဲ့အခါမှာတော့ အဲဒီကာလဟာ Mr.Abe ရဲ့ လွှတ်တော် ကိစ္စတွေနဲ့ တိုက်ဆိုင်နေလို့ ဖြစ်ကြောင်းနဲ့ လက်ရှိ တရုတ်-ဂျပန် ဆက်ဆံရေး တင်းမာနေမှုနဲ့ တိုက်ရိုက် မသက်ဆိုင်ကြောင်း Mr. Zhang က ထောက်ပြပြောဆိုခဲ့ပါတယ်။
တခြားမတက်ရောက်မယ့် ခေါင်းဆောင်တွေထဲမှာ Kim Jong Un လည်းပါဝင်ပြီး သူ့ကိုယ်စား တခြားထိပ်တန်းခေါင်းဆောင် တစ်ဦးဖြစ်တဲ့ Choe Ryong-hae တက်ရောက်မှာ ဖြစ်ပါတယ်။ ၁၉ နိုင်ငံ အစိုးရကိုယ်စားလှယ်တွေနဲ့ နိုင်ငံတကာအဖွဲ့အစည်း ၁၀ ဖွဲ့တို့က ကိုယ်စားလှယ်တွေ တက်ရောက်ကြမှာ ဖြစ်ပြီး ဒီအထဲမှာ ကုလသမဂ္ဂအတွင်းရေးမှုချုပ် ဘန်ကီမွန်းလည်း ပါဝင်ပါတယ်။
တရုတ်နိုင်ငံအခြေစိုက် သက်ဆိုင်ရာ တိုင်းပြည်တွေက သံတမန်တွေလည်း အဲဒီအခမ်းအနားကို တက် ရောက် ကြပါလိမ့်မယ်။
ဗွီအိုအေ - မြန်မာ
No comments:
Post a Comment