မကြာခင်ကျင်းပဖို့ ပြင်နေတဲ့ မြန်မာနိုင်ငံကရွေးကောက်ပွဲနဲ့ ပါတ်သက်ပြီး နိုင်ငံရေးလှုပ်ရှားခွင့် ပြောဆိုဆွေးနွေးခွင့်တွေကို ပိုဖွင့်ပေးဖို့နဲ့ ပွင့်လင်းမြင်သာမှုရှိဖို့ အပါအဝင် အဓိကစိန်ခေါ်မှုတွေကို ဖြေရှင်းပေးဖို့ လိုအပ်နေတယ်လို့ Carter Center လေ့လာရေး အဖွဲ့က မနေ့ကထုတ်ပြန်တဲ့ ဒုတိယ အစီရင်ခံစာ မှာ ဖေါ်ပြထားပါတယ်။
ကာတာစင်တာဟာ မြန်မာနိုင်ငံရွေးကောက်ပွဲကို စောင့်ကြည့်လေ့လာဖို့ မြန်မာအစိုးရက ခွင့်ပြုထားတဲ့ အဖွဲ့တဖွဲ့ဖြစ်ပြီး မြန်မာနိုင်ငံတွင်း ရွေးကောက်ပွဲဆိုင်ရာ သင်တန်းပေးမှုတွေနဲ့ ကူညီပံ့ပိုးမှုတွေကိုလည်း လုပ်ဆောင်ပေးနေတဲ့ အဖွဲ့ပါ။
မြန်မာအာဏာပိုင်တွေဟာ ရွေးကောက်ပွဲစောင့်ကြည့်သူတွေကို အသိမှတ်ပြုတဲ့ လုပ်ထုံးလုပ်နည်းတွေကို အပြီးသတ် လုပ်ဆောင်ပေးခဲ့သလို ရွေးကောက်ပွဲဝင်မယ့် နိုင်ငံရေးပါတီ အများအပြားကလည်း လိုက်နာရ မယ့် ကျင့်ဝတ်စည်းကမ်းတွေနဲ့ အညီ ဝင်ရောက်ယှဉ်ပြိုင်မယ်လို့ ကြေညာခဲ့တာမို့ နိုဝင်ဘာမှာ ကျင်းပမယ့် ရွေးကောက်ပွဲနဲ့ ပါတ်သက်တဲ့ အရေးပါတဲ့ လုပ်ရပ်တွေ လုပ်နိုင်ခဲ့တာတွေ့ရကြောင်း ဖေါ်ပြထားပါတယ်။
မဲစာရင်းအပေါ် လူထုယုံကြည်မှုရှိစေဖို့ အတွက် ရွေးကောက်ပွဲကော်မရှင်ကနေ ဆန္ဒမဲပေးခွင့်ကို အတည်ပြုပေးတဲ့နည်းတွေကို တသမတ်ထဲ ကျင့်သုံးဖို့နဲ့မဲစာရင်းမှာပါတဲ့ မှားတတ်တဲ့ သဘောသဘာဝနဲ့ ပါတ်သက်ပြီး ပြည်သူတွေ နားလည်အောင် ပိုပြီးရှင်းလင်းပြောဆိုဖို့ အကြံပေးထားပါတယ်။ ကြိုတင်မဲ ပေးမှု၊ မဲရုံမှာ မဲပေးမှု၊ မဲရေတွက်မှု၊ မဲစာရင်းပေးမှုတွေလို အငြင်းပွါးနိုင်တဲ့ လုပ်ငန်းစဉ်တွေနဲ့ တခြား လုပ်ထုံးလုပ်နည်းတွေအတွက်လည်း ကော်မရှင်က ဆုံးဖြတ်ချက် အမြန်ချပေးသင့်ကြောင်း ပြောပါတယ်။
နိုင်ငံပေါင်း ၃၈ နိုင်ငံက ရွေးကောက်ပွဲပေါင်း တစ်ရာလောက်ကို စောင့်ကြည့်လေ့လာခဲ့တဲ့ ကာတာစင်တာကို မြန်မာနိုင်ငံရွေးကောက်ပွဲကော်မရှင်က ဖိတ်ကြားခဲ့တာဖြစ်ပြီးမတ်လထဲမှာတော့ ပထမ အကြိမ်အစီရင်ခံစာကို ထုတ်ပြန်ခဲ့ပါတယ်။ အခု ချင်း၊ ကချင်၊ ရခိုင် ပြည်နယ်တွေအပါအဝင် ပြည်နယ်နဲ့ တိုင်း အတော်များများကို သွားရောက်ကွင်းဆင်းလေ့လာပြီးတဲ့နောက်မှာ ဒုတိယအကြိမ်အစီရင်ခံစာ ထုတ်ပြန်လိုက်တာ ဖြစ်ပါတယ်။
ဗွီအိုအေ - မြန်မာ
No comments:
Post a Comment