ရှမ်းပြည်နယ်မြောက်ပိုင်း မူ ဆယ်ခရိုင်၊ နမ့်တောင်းမြို့နယ်၊ ကောင်းခါးကျေးရွာတွင် ဆရာမ နှစ်ဦး အသတ်ခံရမှုနှင့် ပတ်သက် ပြီး ဆရာမတစ် ဦးနှင့် ရည်ငံနေသူလည်းဖြစ်၊ ဖေ့စ်ဘွတ်ခ်စာမျက် နှာပေါ်တွင် ဦးစွာတင်ခဲ့သူလည်း ဖြစ်သူကို စုံစမ်းစစ်ဆေးရေးအဖွဲ့ က စစ်ဆေးနေသည်ဟု သတင်း များထွက်ပေါ်လျက်ရှိသည်။
အဆိုပါဆရာမနှစ်ဦးမှာ KBC ကချင်နှစ်ခြင်း အသင်းတော်မှဒေသ တွင်း ပညာသင်ကြားပေးရန် အဆို ပါဒေသသို့ စေလွှတ်ထားသော ကချင် လူမျိုး ဆရာမများဖြစ်ပြီး ၄င်းတို့နှစ်ဦးမှာ ယခုလ ၁၉ ရက် နေ့ညက အသတ်ခံခဲ့ရသည်။
မြန်မာနိုင်ငံရဲတပ်ဖွဲ့မှ အမည် မဖော်လိုသူ ထိပ်တန်းအရာရှိတစ် ဦးက ”ဒီအန်အေ စစ်ဆေးချက်တွေ မကြာမီရောက်လာတော့မှာပါ။ ဒီ အချိန်ကျ ရင် တိကျတဲ့အဖြေပေး နိုင်ပါလိမ့်မယ်”ဟုပြောသည်။
လက်ရှိတွင် တပ်မတော်ဘက် မှ ၃ဝ ဦးနှင့် အရပ်သား ၁ဝ ဦးတို့ ၏ ဆံပင်နမူနာကို နိုင်ငံခြားပို့၍စစ်ဆေးနေကြောင်း ၄င်းကပြောပြီး အသေးစိတ် ကို မူမထုတ်ဖော်မ ပြောပေ။
”အရှေ့မြောက်တိုင်းစစ်ဌာန ချုပ်တိုင်းမှူးကိုယ်တိုင်ကပါ အမှန် အတိုင်းဖြစ်ရမယ်လို့ ပြောပြီးသား
ဖြစ်တဲ့အတွက် တရားခံအမှန်ကို ဖော် ထုတ်ပေးနိုင်မှာပါ”ဟု ၄င်းက ဆိုသည်။
အသတ်ခံရသူ ဆရာမနှစ်ဦး မှာ မရန်လုရာနှင့်တန်ဘောင်ခေါန် နန်စင်တို့ဖြစ်ပြီး ၄င်းတို့နှင့်အတူ သက်သေခံပစ္စည်းများဖြစ်သည့် အရိုးအသွား ၈ လက်မခန့်ရှိ ဓား ဦးချွန်တစ်ချောင်း၊ အရှည်နှစ်ပေ လုံးပတ် ၁၁ လက်မခန့်ရှိ ထင်း ချောင်းတစ်ချောင်းတို့ကို တွေ့ရှိရ ကြောင်း(ကြူကုတ်)ပန်ဆိုင်း ရဲစခန်း က ပြောသည်။
အဆိုပါ လူသတ်မှုအပေါ် ဒေသခံများက မြန်မာ့တပ်မတော် တပ်မ ၈၈ လက်အောက် ခလရ ၂ဝ၂-၂ဝ၃ မှ တပ်သားများ မုဒိမ်း ကျင့်၍ သတ်ဖြတ်ခြင်းဖြစ်ကြောင်း စွပ်စွဲမှုများလည်း ရှိနေသည်။
ထိုအပေါ် မူဆယ်ခရိုင်ရဲမှူး ကြီးမင်းမင်းဦးက ”သတ်တဲ့သူက ဘယ်သူဘယ်ဝါဆိုတာကို မသိ သေးပါဘူး။ အဲဒီမှာရှိတဲ့ သင်းအုပ် ဆရာတော် ကိုလည်း ပြောလိုက်ပါ တယ်။ ထင်ကြေးနဲ့တော့ မပြောကြ ဖို့ ကျွန်တော်တုိ့က အမှန်တရား ဘက်ကပဲရပ်တည်ပေးမှာပါ”ဟု ပြောသည်။
ထို့ပြင် အဆိုပါဆရာမနှစ်ဦး ၏အလောင်းအား တာဝန်ကျရဲတပ် ဖွဲ့ ဝင်များ သွားရောက်စစ်ဆေး ရာတွင် လှုပ်ရှားမှုအဖွဲ့ တစ်ဖွဲ့က လည်း လာရောက်ကြည့်ကြောင်း ပန်ဆိုင်းရဲစခန်းမှ တာဝန်ရှိသူတစ် ဦးက ပြောသည်။
”ကျွန်တော်တို့ အမှုသွားစစ် တော့ ဘယ်တပ်ကလဲတော့ မသိ ဘူး။ အင်အား ၁ဝ ယောက်လောက် ရှိတဲ့ လှုပ်ရှားမှုတပ်ကလည်း လာ ကြည့်ပြီး ပြန်ထွက်သွားတယ်” ဟု တာဝန်ကျရဲအရာရှိတစ်ဦးက ပြော သည်။
လက်ရှိတွင်(ကြူကုတ်)ပန် ဆိုင်းရဲစခန်းမှ အဆိုပါအမှုကို ပုဒ်မ ၃ဝ၂ ဖြင့် အမှုဖွင့်ထားကြောင်း သိ ရသည်။
P-News
No comments:
Post a Comment