(၁၉)ကြိမ်မြောက် ဗုဒ္ဓသာသနာတော်လုံးဆိုင်ရာ ရွှေကျင်နိကာယ သံဃာ့အစည်းအဝေးကို ဇန်န၀ါရီ ၂၇ ရက်မှ ဇန်န၀ါရီ ၂၉ ရက်အထိ ရန်ကုန်တိုင်းဒေသကြီး မှော်ဘီမြို့နယ်ရှိ ဓမ္မဒူတဇေတ၀န်တောရ ဆေကိန္ဒာရာမကျောင်းတိုက်တွင်ကျင်းပခဲ့ရာ အဆိုပါအစည်းအဝေးမှ ရွှေကျင်နိကာယသာသနာပြန့်ပွားရေးကို ပိုမိုထိရောက်စွာဆောင်ရွက်နိုင်ရေးအတွက် "အပြည်ပြည်ဆိုင်ရာ ရွှေကျင်နိကာယသာသနာပြုဌာန" ကို ရန်ကုန်မြို့၌တည်ထောင်ရန်အပါအ၀င် ဆုံးဖြတ်ချက်ငါးရပ်ချမှတ်ခဲ့ကြောင်း သိရသည်။
ကျန်ဆုံးဖြတ်ချက်များမှာ "အပြည်ပြည်ဆိုင်ရာ ရွှေကျင်နိကာယသာသနာပြုဌာန" တည်ထောင်ရန်ကိစ္စကိုဆောင်ရွက်ရန်အတွက် သီတဂူဆရာတော် အရှင်ဥာဏိဿရ၊ အပြည်ပြည်ဆိုင်ရာ ထေရ၀ါဒဗုဒ္ဓသာသနာပြုတက္ကသိုလ် (ရန်ကုန်) ပါမောက္ခချုပ်ဆရာတော် ဒေါက်တာဘဒ္ဒန္တနန္ဒမာလာဘိဝံသနှင့် ဓမ္မဒူတဆရာတော် အရှင်ဆေကိန္ဒတို့ကိုတာဝန်ပေးအပ်ရန်၊ "အပြည်ပြည်ဆိုင်ရာ ရွှေကျင်နိကာယသာသနာပြုဌာန" တည်ထောင်ရန်ကိစ္စနှင့်ပတ်သက်၍ လုပ်ငန်းစီမံချက်ရေးဆွဲပြီး (၁၉) ကြိမ်မြောက် ရွှေကျင်နိကာယ သံဃာ့အစည်းအဝေးကြီး၏ ဒုတိယအကြိမ် ရွှေကျင်နိကာယ ဂိုဏ်းလုံးဝန်ဆောင် နာယကအစည်းအဝေးသို့တင်ပြရန်၊ ခေတ်ပေါ်နည်းပညာသုံးပစ္စည်းများအသုံးပြုရေးနှင့်ပတ်သက်၍ ရွှေကျင်ဂိုဏ်းသံဃာတော်များလိုက်နာရန် ညွှန်ကြားချက်ကို ဗဟိုဌာနမှထုတ်ပြန်ရန်နှင့် အကြိမ် (၂၀) မြောက် ရွှေကျင်နိကာယသံဃာ့အစည်းအဝေးကြီးကို ၁၃၇၉ခု နှစ် (၂၀၁၈ ခုနှစ်)တွင် မှော်ဘီမြို့နယ်ရှိ ဓမ္မဒူတဇေတ၀န်တောရ ဆေကိန္ဒာရာမကျောင်းတိုက်၌ကျင်းပရန်တို့ဖြစ်ကြောင်း သိရသည်။
(၁၉) ကြိမ်မြောက် ရွှေကျင်နိကာယ သံဃာ့အစည်းအဝေးက ရန်ကုန်တိုင်း၊ မရမ်းကုန်းမြို့နယ် ၀ိဇ္ဇောတာရုံကျောင်းတိုက်ဆရာတော် ဘဒ္ဒန္တ၀ိဇ္ဇောတ၊ မန္တလေးတိုင်း မဟာအောင်မြေမြို့နယ် မဟာဝိသုဒ္ဓါရုံတိုက်သစ်၊ မတ္တရာသူဌေးကျောင်းဆရာတော် ဘဒ္ဒန္တမာနိတသိရီဘိဝံသနှင့် စစ်ကိုင်းတိုင်း၊ စစ်ကိုင်းတောင်ရိုး၊ သီတဂူကမ္ဘာ့ဗုဒ္ဓတက္ကသိုလ်မှ သီတဂူဆရာတော် ဒေါက်တာဘဒ္ဒန္တဥာဏိဿရ တို့ကို ရွှေကျင်နိကာယဥပဥက္ကဋ္ဌ မဟာနာယကတွဲဖက်သာသနာပိုင် ဆရာတော်သုံးပါးကိုခန့်အပ်ခဲ့သည်။
ထို့ပြင် အစည်းအဝေးကြီးက ရွှေကျင်နိကာယဂိုဏ်းလုံးဝန်ဆောင် နာယကအဖွဲ့အကျိုးတော်ဆောင်အဖြစ် ရှမ်းပြည်နယ်မြောက်ပိုင်း ကျောက်မဲမြို့ သီဟိုဠ်ပရိယတ္တိ ရွှေကျင်ကျောင်းတိုက်ဆရာတော် ဒေါက်တာဘဒ္ဒန္တစန္ဒနသာရကိုခန့်အပ်ခြင်း၊ ရွှေကျင်နိကာယ ရတ္တညူ မဟာနာယက ဆရာတော် ၇၉ ပါးခန့်အပ်ခြင်း၊ ရွှေကျင်နိကာယဂိုဏ်းလုံးဝန်ဆောင်နာယက ဆရာတော်အပါး ၂၀၀ ခန့်အပ်ခြင်း၊ ရွှေကျင်နိကာယဂိုဏ်းလုံးဝန်ဆောင် နာယကအဖွဲ့၏အလုပ်အမှုဆောင်ဆရာတော် အပါး ၂၀ ခန့်အပ်ခြင်းတို့ကိုပြုလုပ်ခဲ့သည်။
(၁၉) ကြိမ်မြောက် ရွှေကျင်နိကာယသံဃာ့အစည်းအဝေးကြီးအပြီး ဇန်န၀ါရီ ၂၉ ရက် ညနေပိုင်းတွင် (၁၉) ကြိမ်မြောက် ရွှေကျင်နိကာယသံဃာ့အစည်းအဝေးကြီး၏ ပထမအကြိမ် ဂိုဏ်းလုံးဝန်ဆောင်နာယကအဖွဲ့အစည်းအဝေးကို ဆက်လက်ပြုလုပ်ခဲ့ကြောင်း သိရသည်။ (၁၉) ကြိမ်မြောက် ရွှေကျင်နိကာယသံဃာ့အစည်းအဝေးကြီးဖြစ်မြောက်ရေးအတွက် ပစ္စည်းလေးပါးထောက်ပံ့ကူညီမှုပြုလုပ်ခဲ့သည့် နိုင်ငံတော်သမ္မတဦးသိန်းစိန်၏ မိသားစုအပါအ၀င် သာသနာပြု ဒါယကာ ဒါယိကာမများအား ဆရာတော်ကြီးများက ဂုဏ်ပြုလွှာများချီးမြှင့်ခြင်းကို ဇန်န၀ါရီ ၂၉ ရက်ကကျင်းပသည့် သံဃာ့အစည်းအဝေး တတိယနေ့ မွန်းလွဲပိုင်းတွင်ပြုလုပ်ခဲ့သည်။
eleven media
No comments:
Post a Comment