ရေတက် လို့ မယ်ဆိုင်မြို့၊ ကမ်းနားလမ်းက အိမ်တွေထဲ ရေတွေ ဝင်တဲ့အထိဖြစ်နေပါတယ်။
အခုရက်ပိုင်းမှာ မြန်မာနိုင်ငံ ရှမ်းပြည်နယ် အရှေ့ပိုင်းနဲ့ ထိုင်းနိုင်ငံ မြောက်ပိုင်း ဒေသတွေမှာ မိုးသည်း ထန် စွာ ရက်ဆက် ရွာသွန်းမှုတွေ ဖြစ်နေတာပါ။
မယ်ဆိုင်ချောင်းရေကြီးမှုကတော့ တာချီလိတ်နဲ့ မယ်ဆိုင်မြို့ ကမ်းနားဘက်က အိမ်တွေထဲထိ ရေဝင်နေ တယ် လို့ ဒေသခံတွေက ပြောပါတယ်။
“ညက တညလုံး မိုးရွာတယ်၊ မယ်ဆိုင်ချောင်းရေက တက်လာပြီး အိမ်ထဲထိ ရေတွေ ဝင်လာတာ မသိ လိုက် ဘူး၊ ဒီမနက် ကျ မြင်ရတဲ့ အတိုင်းပဲ၊ လမ်းထဲလဲ ရေတွေ ဖွေး၊ အိမ်အောက်ထပ် ဒူးဆစ်မြုတ်တဲ့ အထိ ရေတွေက ရောက်လာတာ” လို့ မယ်ဆိုင်မြို့ခံတဦးက ပြောပါတယ်။
မယ်ဆိုင်ချောင်း ရေကြီးမှုက မကြာခဏလို ဖြစ်တတ်ပေမယ့် အခု မိုးကြီး ရေလျှံမှုက အရင်ကထက် နည်းနည်း ပိုတယ်လို့လည်း သိရပါတယ်။
သဲအိတ်တွေနဲ့ ကာရံတား ထားတဲ့ ကြားက ချောင်းရေက များလွန်းတော့ ကျော်ဝင်လာကြတာပါတဲ့။
အခုလို ချောင်းရေကြီးလို့ ကား၊ အိမ်၊ ဆိုင်တွေလည်း ရွှံ့တွေ၊ သဲတွေ ဝင်တော့ ပျက်စီးကြတယ်လို့လည်း ဆိုပါတယ်။
မဖိတ်ခေါ်ပဲ မကြာခဏ အလည်လာလေ့ ရှိတဲ့ ရေဧည့်သည် ပါဘဲလို့ လည်း ဒေသခံ တချို့ ပြောကြပါ တယ်။
ဧရာဝတီ
No comments:
Post a Comment