အမျိုးသားလွှတ်တော် တွင် အချိုးကျကိုယ်စားပြု ရွေး ကောက်ပွဲစနစ် (ပီအာရ်)တင်သွင်းခဲ့သူ အမျိုးသားဒီမိုကရေစီအင်အားစုပါတီ (NDF)မှ အမျိုး သားလွှတ်တော်ကိုယ်စားလှယ် ဒေါ်ခင်ဝိုင်းကြည်ကို
ပြည်သူ့လှုပ်ရှားမှုမြှင့်တင်ရေး ကွန်ရက်မှ ဦးဆောင်ကာ ဆန္ဒထုတ်ဖော်သွား မည်ဖြစ်ကြောင်း သတင်းရရှိ သည်။
အောက်တိုဘာလအတွင်း အမျိုးသားလွှတ်တော် ကိုယ်စားလှယ် ဒေါ်ခင်ဝိုင်းကြည်ကို ဆန္ဒထုတ်ဖော်ရန် စီစဉ်ထားပြီး ၎င်းမဲဆန္ဒနယ်အတွင်းတွင်လည်း ပီအာရ်စနစ်ကို မကြိုက်နှစ်သက် သော မဲဆန္ဒရှင်ပြည်သူများရှိနေ ကြောင်း ပြည်သူ့လှုပ်ရှားမှုမြှင့် တင်ရေးကွန်ရက်မှ သိရသည်။
‘‘ပီအာရ်ကို လွှတ်တော်ကို တင်တာ ပြည်သူတွေရဲ့ သဘော တူညီချက်ကို တောင်းတာမပါ ဘူး။ ပီအာရ်ကို မကြိုက်တဲ့ ပြည် သူတွေအများကြီးရှိနေတယ်’’ဟု ပြည်သူ့လှုပ်ရှားမှု မြှင့်တင်ရေး ကွန်ရက်မှ ပြောရေးဆိုခွင့်ရှိသူ ကိုမြတ်ကျော်က ဆိုသည်။
စက်တင်ဘာလ ၂၈ ရက်တွင်လည်း အမျိုးသားဒီမိုကရေစီအင်အားစုပါတီ (NDF) မှ ပြည်သူ့လွှတ်တော်ကိုယ်စားလှယ် ဦးအောင်ဇင်ကို ပြည်သူ့လွှတ်တော်သို့ ပီအာရ်စနစ် အဆိုတင်သွင်းသည့်အတွက် ပုဇွန်တောင်မြို့နယ် မဲဆန္ဒရှင်များက ဆန္ဒထုတ်ဖော်ရာတွင် ပြည်သူ့လှုပ်ရှားမှုမြှင့်တင်ရေးကွန်ရက်က ပါဝင်ခဲ့သည်။
‘‘အန်တီ့ကို ဆန္ဒပြမယ်ဆိုရင်လည်း ပြလို့ရပါတယ်။ အဲဒါသူတို့ရဲ့ အခွင့်အရေးပဲလေ။ ဒါပေမဲ့လုပ်ရပ်တစ်ခုက တိုင်းပြည်နဲ့ လူမျိုးအတွက် အကျိုးဖြစ်ဖို့တော့ လိုပါတယ်’’ဟု အမျိုးသားလွှတ်တော် ကိုယ်စားလှယ် ဒေါ်ခင်ဝိုင်းကြည်က ပြောသည်။
အမျိုးသားဒီမိုကရေစီအင် အားစုပါတီ (NDF) မှ အမျိုးသား လွှတ်တော်ကိုယ်စားလှယ် ဒေါ်ခင်ဝိုင်းကြည်သည် ပြီးခဲ့သည့် ဇွန်လအတွင်း ကျင်းပခဲ့သည့် အမျိုးသားလွှတ်တော်အစည်းအ ဝေးသို့ လာမည့်ရွေး ကောက်ပွဲများတွင် ပီအာရ်စနစ် ပြောင်းလဲကျင့်သုံးရန် တိုက်တွန်းကြောင်းအဆိုကို တင်သွင်းခဲ့ခြင်း ဖြစ်သည်။
ပြည်သူ့လှုပ်ရှားမှုမြှင့်တင် ရေးကွန်ရက်ကို ယခုနှစ်မေလအ တွင်း စတင်တည်ထောင်ခဲ့ခြင်း ဖြစ်ပြီး ဖွဲ့စည်းပုံအခြေခံဥပဒေ ပြင်ဆင်ရေးနှင့် ပီအာရ်စနစ်ကန့် ကွက်သည့် ဆန္ဒထုတ်ဖော်မှုများ တွင် ပါဝင်ခဲ့သည်။
7Day Daily
No comments:
Post a Comment