ပြည်သူ့လွှတ်တော်ဥက္ကဋ္ဌ သူရဦးရွှေမန်းသည် တရုတ်ပြည်သူ့သမ္မတနိုင်ငံ
နိုင်ငံရေးအတိုင်ပင်ခံ ကွန်ဖရင့် ဒုတိယဥက္ကဋ္ဌ တရုတ် ကွန်မြူနစ်ပါတီ ဗဟိုကော်မတီ
နိုင်ငံတကာဆက်ဆံရေးဝန်ကြီးဌာန ၀န်ကြီးမစ္စတာဝမ် ကျားလွေ့ ဦးဆောင်သော
ကိုယ်စားလှယ်အဖွဲ့အား ၂၀၁၄ခုနှစ် စက်တင်ဘာ ၁၁ ရက် ညနေ (၄) နာရီ တွင် နေပြည်တော်ရှိ
လွှတ်တော်အဆောက်အအုံ ဇမ္ဗူသီရိဧည့်ခန်းမ၌ လက်ခံတွေ့ဆုံသည်။
ထိုသို့တွေ့ဆုံစဉ် နှစ်နိုင်ငံဖွံ့ဖြိုးတိုးတက်ရေးဆိုင်ရာ
ကိစ္စရပ်များနှင့် စပ်လျဉ်း၍ ရင်းနှီးပွင့်လင်းစွာ ဆွေးနွေးကြသည်။ အဆိုပါ
တွေ့ဆုံပွဲသို့ ပြည်ထောင်စုလွှတ်တော်နာယကနှင့်အတူ ပြည်ထောင်စု လွှတ်တော်ဒုတိယ နာယက
ပြည်သူ့ လွှတ်တော် ဒုတိယဥက္ကဋ္ဌ ဦးနန္ဒကျော်စွာ၊ ပြည်သူ့ လွှတ်တော် တရားစီရင် ရေး၊
ဥပဒေရေးရာနှင့် တိုင်ကြားစာများ၊ အသနားခံစာများ စိစစ်ဆောင်ရွက်ရေး ကော်မတီဥက္ကဋ္ဌ သူရ
ဦးအောင်ကို၊ ပြည်သူ့လွှတ်တော် နိုင်ငံတကာ ဆက်ဆံရေးကော်မတီဥက္ကဋ္ဌ ဦးလှမြင့်ဦး၊
ပြည်သူ့လွှတ်တော် လွှတ်တော် အခွင့်အရေး ကော်မတီအဖွဲ့ဝင် ဦးစိုးဝင်း၊ ပြည်သူ့လွှတ်တော်
နိုင်ငံသားများ၏ မူလအခွင့်အရေး၊ ဒီမိုကရေစီအရေးနှင့် လူ့အခွင့်အရေးဆိုင်ရာ
ကော်မတီအဖွဲ့ဝင် ဦးအောင်ကျော်ခင်၊ ပြည်သူ့ လွှတ်တော် ဥပဒေရေးရာနှင့်
အထူးကိစ္စရပ်များ လေ့လာဆန်းစစ် သုံးသပ်ရေး ကော်မရှင် အဖွဲ့ဝင် ဒေါ်အေးအေးမူ၊
ပြည်ထောင်စု လွှတ်တော်ရုံးနှင့် ပြည်သူ့ လွှတ်တော်ရုံးတို့ မှ တာဝန်ရှိသူများ
တက်ရောက်ခဲ့ကြသည်။
၂၀၁၄ခုနှစ် စက်တင်ဘာ ၁၂ ရက်
ပြည်သူ့လွှတ်တော်
No comments:
Post a Comment