သမ္မတ ဘာရတ်အိုဘားမားကို တရားစွဲဆိုရန် အဆိုတစ်ရပ်ကို အမေရိကန် အောက်လွှတ်တော်တွင် မဲခွဲဆုံးဖြတ်ရာ အောင်မြင်မှု ရရှိသွားခဲ့ကြောင်း သတင်းရရှိသည်။
အိုဘားမား အနေဖြင့် ၎င်း၏ လုပ်ပိုင်ခွင့် အာဏာများကို ဘောင်ကျော် အသုံးချခဲ့ကြောင်း စွဲချက်တင်ရန် အဆိုပြုခဲ့ပြီး အောက်လွှတ်တော်တွင် မဲခွဲရာ (၂၂၅)မဲ၊ (၂၀၁)မဲဖြင့် အနိုင်ရရှိခဲ့သည်။ အိုဘားမား၏ ဒီမိုကရက်တစ် မဟာမိတ်များက ကန့်ကွက်နေသည့်တိုင် အောက်လွှတ်တော် ရှေ့နေများသည် အဆိုပါ စွဲချက်နှင့် ပတ်သက်သည့် မှတ်တမ်းမှတ်ရာများကို စုစည်းပြီး စွဲချက်အတွက် မူကြမ်းရေးသား ပြင်ဆင်နိုင်တော့မည် ဖြစ်သည်။
အိုဘားမားသည် ကျန်းမာရေး စောင့်ရှောက်မှု ဥပဒေသစ် ပြဋ္ဌာန်းရေးအတွက် အားထုတ်ခဲ့ရာတွင် အာမခံဆိုင်ရာ အချိန်သတ်မှတ်ချက် တစ်ခုကို နှောင့်နှေးသွားစေရန်အတွက် လုပ်ပိုင်ခွင့်များကို ဘောင်ကျော် အသုံးချခဲ့ကြောင်း အဆိုတင်သွင်းသူများက စွပ်စွဲခဲ့သည်။ သမ္မတကမူ အဆိုပါ အားထုတ်မှုသည် အချိန်ဖြုန်းခြင်းသာ ဖြစ်ကြောင်း ဝေဖန်ခဲ့သည်။
“ဒါက နိုင်ငံရေး စတန့်ထွင်မှုတစ်ခုဆိုတာ လူတိုင်းသိတယ်။ တကယ်လို့ သူတို့ဘက်က ဘာမှမလုပ်ဘူးဆိုရင် ကျွန်တော်တို့က ကိုယ့်အလုပ်ကိုယ် ဆက်လုပ်မှာပဲ။ တကယ်တမ်း အလုပ်ကြိုးစားတဲ့ မိသားစုတွေကို အကူအညီ ပေးနိုင်မယ့် စီမံလုပ်ဆောင်မှု (၄၀)ကျော်ကို ကျွန်တော်တို့ လုပ်ခဲ့ပြီးပြီ။ အဲဒါတွေက ခင်ဗျားတို့ ကွန်ဂရက် ဘာမှမလုပ်တဲ့အချိန်မှာ ကျွန်တော်တို့ လုပ်ခဲ့တာ ဖြစ်တယ်”ဟု အိုဘားမားက ပြောကြားခဲ့သည်။
အမေရိကန် နိုင်ငံရေး သမိုင်းကြောင်းတွင် အောက်လွှတ်တော်က လက်ရှိ အာဏာရ သမ္မတကို အာဏာအသုံးပြုမှုဆိုင်ရာ တရားစွဲဆိုမှုတစ်ရပ် အကောင်အထည် ဖော်ခြင်းသည် ယခုတစ်ကြိမ် ပထမဆုံး ဖြစ်သည်။ အတိုက်အခံ ရီပတ်ဘလစ်ကန်တို့က အိုဘားမားသည် သမ္မတ တစ်ဦး၏ လုပ်ပိုင်ခွင့်ကို တစ်ကြိမ်ထက်မက ဘောင်ကျော် အသုံးချခဲ့ကြောင်း စွပ်စွဲခဲ့ကြသည်။
အိုဘားမားသည် ၎င်းတာဝန်ယူခဲ့သည့် သမ္မတသက်တမ်း (၆)နှစ်အတွင်း စီမံခန့်ခွဲရေးဆိုင်ရာ အမိန့်ထုတ်ပြန်မှု (၁၈၃)ကြိမ် ပြုလုပ်ခဲ့ပြီး ဖြစ်သည်။ ဂျော့ဘုရှ် သမ္မတအဖြစ် တာဝန်ယူခဲ့သည့် (၈)နှစ်အတွင်း ယင်းအမိန့်မျိုး ထုတ်ပြန်မှု (၂၉၁)ကြိမ် ရှိခဲ့ဖူးပြီး ရော်နယ်လ်ရေဂင် လက်ထက်ကမူ (၃၇၁)ကြိမ်ထိ ရှိခဲ့ဖူးကြောင်း သိရှိရသည်။
7Day
No comments:
Post a Comment