ရခိုင်ပြည်နယ်တွင် ၂၀၁၅ အထွေထွေရွေးကောက်ပွဲဝင်ပြိုင်မည့် ပါတီများနှင့်တစ်သီးပုဂ္ဂလ ကိုယ်စားလှယ် များမှာ ယခုရက်ပိုင်းအတွင်းကနေစပြီး မဲဆွယ်စည်းရုံးရေးလုပ်ငန်းများကို စတင်လှုပ်ရှားနေပြီဖြစ်ကြောင်း သိရသည်။
ရခိုင်ပြည်နယ်က အင်အားကြီးပါတီတစ်ခုဖြစ်သည့် ရခိုင်အမျိုးသားပါတီ(ANP) မှာစစ်တွေမြို့ရှိပါတီ၏ ဗဟိုရုံးချုပ်တွင် “ ရခိုင်ပြည်အေးချမ်းသာယာဖို့ရခိုင်အမျိုးသားပါတီကိုမဲပေးကြပါစို့၊ငါတို့ပြည်ကို ငါတို့ လက် တွေနဲ့ ဝိုင်းဝန်းအလှဆင်ကြမယ်” မဲဆွယ်စည်းရုံး ဆိုင်းဘုတ်ကြီးကို တပ်ဆင်ထားကြောင်း သိရသည်။
ရခိုင်အမျိုးသားပါတီ၏ဗဟိုကော်မတီဝင်ဦးဦးလှစောက “ကျွန်တော်တို့ပါတီရဲ့ရည်ရွယ်ချက်၃ရပ်ပေါ့။ ပါတီရဲ့ ရည်ရွယ်ချက်၃ ရပ်ကတော့ ပါတီတစ်ခုလုံးနဲ့ပတ်သက်တဲ့စစ်မှန်တဲ့ဖက်ဒရယ်ပြည်ထောင်စု ပေါ်ထွန်းလာရေး၊ ရခိုင်တိုင်းရင်းသားမျိုးနွယ်စုအားလုံးပါရခိုင်ပြည်မှာနေထိုင်တဲ့တခြားတိုင်းရင်းသားတွေ အားလုံးရဲ့အကျိုးစီးပွားကိုကာကွယ်စောင့်ရှောက်ရေး၊ နောက်ဒီမိုကရေစီထွန်းကားရေးဆိုတဲ့ရည်ရွယ်ချက် တွေ ပါတီရဲ့ရွေးကောက်ပွဲနဲ့ပတ်သက်တဲ့အဓိကမူဝါဒသုံးခုပေါ့” ဟုရွေးကောက်ပွဲအောင်နိုင်ရေးမူဝါဒကို ပြောကြားသည်။
အလားတူအင်အားကြီးပါတီတစ်ခုဖြစ်သည့် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှာလည်းကျေးရွာ များ တွင်ဗီနိုင်းထောင်ခြင်း၊လက်ကမ်းစာစောင်များကိုမကြာမီရက်အတွင်းမှစတင်အကောင်အထည် ဖော်သွား မည်ဖြစ်ကြောင်းရခိုင်ပြည်နယ်အတွင်းရေးမှူးဒေါက်တာစန်းရွှေကပြောကြားသည်။
ရွေးကောက်ပွဲအောင်နိုင်ရေးမူဝါဒများကိုလည်းသူက “မူဝါဒကတော့ကျွန်တော်တို့မှာနဂိုကတည်းက ပါတီ ဖွဲ့စည်းပုံမှာပါတဲ့မူဝါဒတွေကတော်တော်များများပါ။တောင်သူလယ်သမားရေးရာ၊စက်မှုလယ်ယာ အလုပ် သမားရေးရာ၊ ပညာရေးကဏ္ဍ၊ တိုင်းရင်းသား လူမှုရေးကဏ္ဍ မူဝါဒတွေကတော့များပါတယ်။ ကျနော်တို့ ပြောမယ်ဆိုရင် သိပ်များနေပါမယ်။
လွှတ်တော်ကိုယ်စားလှယ်လောင်းတွေကိုတော့ကျနော်တို့ ခန့်မှန်းချက်ကတော့အရင်ကထက်တော့ နည်းနည်းပိုကောင်းလာလိမ့်မယ်လို့တော့ ခန့်မှန်းထားပါတယ်။ ၂၀၁၀ ထက်ပေါ့နော်” ဟုပြောသည်။
တစ်သီးပုဂ္ဂလကိုယ်စားလှယ်များမှာလည်း သက်ဆိုင်ကိုယ့်မဲဆန္ဒနယ်များတွင်လက်ကမ်းစာစောင်များ ဖြန့်ဝေခြင်း၊ ဗီနိုင်းများထောင်ခြင်း၊ကျေးရွာများသို့ ဟောပြောပွဲများပြုလုပ်ခြင်းများစတင်ဆောင်ရွက်နေပြီး ဖြစ်ကြောင်းစစ်တွေမြို့နယ်ကအမျိုးသားလွှတ်တော်သို့ ဝင်ပြိုင်မည့်တစ်သီးပုဂ္ဂလကိုယ်စားလှယ် ဦးဝင်းမောင်(ခ) ဦးဝင်းမောက်က ပြောကြားသည်။
ရခိုင်တိုင်းရင်းသားများနှင့်ဖွဲ့စည်းထားသောပါတီသစ် ရခိုင်မျိုးချစ်ပါတီ(APP) မှာလည်း သူတို့ဝင်ပြိုင်မည့် မြို့နယ်များဖြစ်သောပေါက်တော၊ကျောက်တော်၊မာန်အောင်၊မြေပုံနဲ့ မြောက်ဦးတို့ တွင်ဝင်ပြိုင်မည့် လွှတ်တော်စားလှယ်များ ဗီနိုင်းထောင်ခြင်း၊ လက်ကမ်းစာစောင်များ ဖြန့်ဝေခြင်းများ နှင့် မဲဆွယ်စည်းရုံးရေး စလုပ်နေပြီ ဖြစ်ကြောင်း APP ပါတီ၏ ဒုခေါင်းဆောင် ဦးဇော်ဝင်းထွန်းက ပြောကြားသည်။
“ကျွန်တော်တို့ရဲ့ပါတီရဲ့မူဝါဒကတော့လူမျိုးကိုအခြေခံတဲ့ဖက်ဒရယ်ပြည်ထောင်စုစနစ်ထွန်းကားရေး ပေါ့နော်။ နောက်တစ်ခုကရခိုင်ပြည်နယ်မှာဒေသအားလုံးရဲ့ချွတ်ခြုံကျနေတဲ့ကဏ္ဍအသီးသီး ကိုပြည်သူ လူထုနဲ့ပူးပေါင်းဆောင်ရွက်ရေး။နောက်တစ်ချက်က ဒီမိုကရေစီထွန်းကားရေးပေါ့နော်။အဲဒီအထဲမှာ ကျွန်တော်တို့ပါတီရဲ့မူဝါဒနဲ့ပေါ့၊ လွှတ်တော်ကိုအခြေခံတဲ့လွှတ်တော်ကိုယ်စားလှယ်ဆိုတဲ့အထဲမှာမြို့နယ်၊ ကျေးရွာ၊ဒေသအသီးသီးကတောင်းဆိုလာလို့ရှိရင်ညှိနှိုင်းတိုင်ပင်ပြီးတော့အရွေးချယ်ခံဖို့ အစီအစဉ် ရှိတဲ့အထဲကကျနော်တို့ ရခိုင်မျိုးချစ်ပါတီအနေနဲ့ ၆ မြို့နယ်မှာ၁၆ ခြောက်ယောက်ကျွန်တော်တို့ အရွေး ချယ်ခံဖို့ ရှိပါတယ်” ဟု ပြောသည်။
No comments:
Post a Comment