ရခိုင်ပြည်နယ် ရမ်းဗြဲမြို့မှာ အမျိုးသားဒီမိုကရေစီအဖွဲ့ချုပ် NLD ပါတီရဲ့ ရွေးကောက်ပွဲ မဲဆွယ်စည်းရုံးရေး ဗီနိုင်းပိုစတေကာကို ပြီးခဲ့တဲ့နှစ်ရက်လောက်က ဖျက်ဆီးခံလိုက်ရတယ်လို့ ပါတီကိုယ်စားလှယ်လောင်းတွေ က ပြောပါတယ်။
ရမ်းဗြဲမြို့ပေါ်မှာ အမျိုးသားဒီမိုကရေစီအဖွဲ့ချုပ်က မဲဆွယ်စည်းရုံးတဲ့ ဗီနိုင်းပိုစတာကြီးနှစ်ခု ထောင်ထားတဲ့အထဲကတစ်ခုကို ဖျက်ဆီးသွားတာလို့ ရမ်းဗြဲမြို့နယ် အမျိုးသားဒီမိုကရေစီအဖွဲ့ချုပ်ရဲ့ အမျိုးသားလွှတ်တော် ကိုယ်စားလှယ်လောင်း ဦးစံရွှေမောင်က ပြောပါတယ်။
"အကုန်စုတ်ပြတ်သွားတာပေါ့၊ ကျနော်တို့က ခွပ်ဒေါင်းကိုကွပ်ပြီးတော့ လေးထောင့်ကွပ်ပြီးတော့ လုပ်သွား တာရှိတယ်၊ ဘေးနားကထောင့်ကနေပြီးတော့ ကိုယ်စားလှယ်လောင်းတွေက လည်ပင်းပြတ်လိုပြတ် အဲ့ဒီလို ဓါးနဲ့ခြစ်ထားခဲ့တာ၊ အကုန်လုံးနီးပါးပါပဲ ဘာမှသုံးစားလို့မရတော့ဘူး၊ ကျနော်က ဗီနိုင်း ၂ ချပ်ပဲ မြို့ပေါ်မှာ ကပ်ထားတာ၊ စက်ရုံနောက်နားမှာ ၁ ခုရယ် အင်းတောင်တံတားနားမှာ ၁ ခုရယ်၊ မြို့နယ်ရဲစခန်းနား က ကြော်ငြာပိုစတာကြီးကတော့ ဘာမှမဖြစ်ဘူး၊ ဒီဘက်ကကျတော့ လုံခြုံမှုနည်းနည်းကင်းတာပေါ့လေ"
အဲ့ဒီကိစ္စနဲ့ပတ်သက်ပြီး မြို့နယ်ရဲစခန်းမှာ အမှုဖွင့်တိုင်ကြားထားပေမယ့် ဘယ်သူတွေ ဖျက်ဆီးသွားတယ် ဆိုတာကို မသိရသေးဘူးလို့ ဦးစံရွှေမောင်က ပြောပါတယ်။
ဖျက်ဆီးခံရတဲ့ ဗီနိုင်းပိုစတာကြီးဟာ ၈ ပေ၊ ၆ ပေ အကျယ်ရှိပြီး ပြီးခဲ့တဲ့ စက်တင်ဘာလ ၁၁ ရက်နေ့က စတင်စိုက်ထူခဲ့တာလို့သိရပါတယ်။
အဲ့ဒီ ပိုစတာထဲမှာ ဒေါ်အောင်ဆန်းစုကြည်အပါအဝင် ရမ်းဗြဲမြို့နယ်က ယှဉ်ပြိုင်မယ့် လွှတ်တော်ကိုယ်စား လှယ်လောင်းတွေရဲ့ ပုံတွေပါဝင်ပြီး လာမယ့် ရွေးကောက်ပွဲမှာ အန်အယ်လ်ဒီပါတီကို မဲပေးကြဖို့ တိုက်တွန်းထားတဲ့ စာသားတွေ ရေးသားထားတာလို့ သိရပါတယ်။
No comments:
Post a Comment