ပါတီမရွေးကြုံနေရသည့် ခြိမ်းခြောက်နှောင့်ယှက်မှု အန္တရာယ်

ရွေးကောက်ပွဲကျင်းပရန် တစ်လခွဲခန့်သာလိုတော့သည်။

ရွေးကောက်ပွဲနီးလာတိုင်း ဖြစ်လေ့ဖြစ်ထရှိသော မဲမသမာမှုများ၊ မဲပေးရမည့်စာရင်းတွင် မပါဝင်မှုများ အကြောင်း လူအများက စိတ်ဝင်တစား ဝေဖန်နေကြသော်လည်း မြန်မာ့ရွေးကောက်ပွဲ၌ ဖြစ်လေ့ဖြစ်ထရှိသော ကိစ္စတစ်ခုကိုတော့ မေ့နေကြဆဲ ဖြစ်သည်။

ယင်းမှာ နိုင်ငံရေးပြိုင်ဘက်များကို လုပ်ကြံသတ်ဖြတ်မှုပင်။

နိုင်ငံရေးပြိုင်ဘက်များကို အပြတ်ရှင်းခြင်း (သို့မဟုတ်) အသက်မသေသည့်တိုင် နိုင်ငံရေးလောကမှ ထွက်ခွာသွားအောင် ခြိမ်းခြောက်နှောင့်ယှက်သည့် ဓလေ့က မြန်မာနိုင်ငံ၏ ရွေးကောက်ပွဲသမိုင်းတွင် အမည်ဆိုးဖြင့် ကျော်ကြားခဲ့သည်။လွန်ခဲ့သော နှစ်ပေါင်း ၆၀ ခန့်က ကျင်းပသည့် ၁၉၅၆ ရွေး ကောက်ပွဲနှင့် ပတ်သက်၍ ဖြစ်ပွားခဲ့သည့် မင်းလှလေးလောင်း ပြိုင်လူသတ်မှု၊ ရှမ်းပြည်နယ်မှ လွှတ်တော်အမတ် ဦးအောင်သာ သတ်ဖြတ်ခံရမှုတို့သည် လက်သည် တရားခံမပေါ်ဘဲ ပြီးပြတ်ခဲ့ရသည်။

နောက်လေးနှစ်အကြာ ကျင်းပသော ၁၉၆၀ ရွေးကောက်ပွဲတွင်လည်း အမည်မဖော်နိုင်သည့် လက်သည်တရားခံအချို့ ထပ်မံထွက်ပေါ်လာပြီး ငါန်းဇွန်မြို့နယ်၌ သတ်ဖြတ်မှုများ ထပ်မံကျူးလွန်ခဲ့ ပြန်သည်။

ထို့ကြောင့် လာမည့်လပိုင်းတွင် ကျင်းပမည့် လွှတ်တော်ကိုယ်စားလှယ်များသည်လည်း လွှတ်တော်သို့ သွားရာလမ်း၌ လုံခြုံရေးကို သတိပေါ့လျော့ရန် မသင့်ပေ။

လက်ရှိအချိန်တွင် လွှတ်တော်အမတ်များအတွက် အသက်အန္တရာယ်ထိခိုက်နိုင်သည့် ခြိမ်းခြောက်မှုမျိုး မမြင်တွေ့ရသေးသော်လည်း သတိထားရမည့် အန္တရာယ်ပြုမူမှုများတော့ ရှိနေသည်။

အမတ်လောင်းများသည် အတိတ်ကဖြစ်ရပ်များကဲ့သို့ အစဖျောက်သတ်ဖြတ်မှုများ မခံရတော့သော်လည်း သူတို့၏ ရုပ်ပုံများနှင့် ကြော်ငြာဆိုင်းဘုတ်များကတော့ လုပ်ကြံသတ်ဖြတ်ခံနေရပြီ ဖြစ်သည်။

ရန်ကုန်တိုင်း ကမာရွတ်မြို့နယ် အမှတ် (၁) မဲဆန္ဒနယ် ရန်ကုန်တိုင်းဒေသကြီး လွှတ်တော်ကိုယ် စားလှယ်လောင်းအဖြစ် ၀င်ရောက်ယှဉ်ပြိုင်မည့် NDF ပါတီမှ ကိုယ်စားလှယ်လောင်း၏ ဓာတ်ပုံကို မည်သူလာရောက် ဖြုတ်ယူသွားသည်ကို မသိရသေးကြောင်း ၀င်ရောက်ယှဉ်ပြိုင်သူ ဦးမောင်မောင်ကြီးက ပြောသည်။

‘‘အမှတ် (၈)ရပ်ကွက်မှာရှိတဲ့ ကွမ်းယာဆိုင်နဲ့ ဆီဆိုင်ကြားမှာ ကျွန်တော့်ပုံနဲ့ နောက်ဝင်ရောက်ယှဉ်ပြိုင်တဲ့ လွှတ်တော်ကိုယ်စားလှယ်လောင်းပုံတွေ ချိတ်ထားတာအခုချိန်ထိ ဘယ်သူဖြုတ်သွားမှန်း မသိသေးဘူး။ ရဲစခန်းတော့သွားပြီး မတိုင်တော့ပါဘူး။ နောက်ဆို သေသေချာချာ သတိထားလုပ်ဖို့အတွက်ကိုပဲ စီစဉ်နေပါတယ်’’ဟု ဦးမောင်မောင်ကြီးက ပြောသည်။

ခြိမ်းခြောက်လုပ်ကြံခံရမှုများသည် လွှတ်တော်အမတ်လောင်းများပင် မဟုတ်၊ ၎င်းတို့၏ မိခင်ပါတီများ သည်လည်း ပစ်မှတ် ဖြစ်လာခဲ့ကြရသည်။

၂၀၁၀ အာဏာရပါတီဖြစ်သည့် ပြည်ခိုင်ဖြိုး၏ ဆိုင်းဘုတ်များသည်လည်း ဖျက်ဆီးခြင်းခံခဲ့ရသည်။ မန္တလေးပြည်ကြီး တံခွန်မြို့နယ် ထိန်ကုန်းရပ်ကွက်တွင် ဆိုင်းဘုတ်တင်ထားသော ပြည်ခိုင်ဖြိုးပါတီ၏ အလျား ၁၀ ပေ၊ အနံ ၄ပေရှိ ပါတီ ဗီနိုင်းဆိုင်းဘုတ်ကို စက်တင်ဘာ ၂၀ ရက်က ခဲဖြင့် ပစ်ပေါက်ခြင်း၊ ဘလိတ်ဓားနှင့်လှီးဖြတ်ဖျက်ဆီးခြင်းခံခဲ့ရကြောင်း မန္တလေးတိုင်းဒေသကြီး ရဲတပ်ဖွဲ့ မှူးရုံးမှ စုံစမ်းသိရ သည်။

ထို့အပြင် ကောလင်းမြို့နယ်တွင် ဒီချုပ်နှင့် ပြည်ခိုင်ဖြိုးပါတီ ဆိုင်းဘုတ်အချို့ ဖျက်ဆီးခံရပြီး သာပေါင်းမြို့နယ်၊ ကန့်ဘလူမြို့ နယ်တို့တွင်လည်း အလားတူဖြစ်စဉ်များ ကြုံခဲ့သည်။

လက်ရှိအချိန်အထိ နိုင်ငံရေးပါတီများနှင့် အမတ်လောင်းများ၏ ရွေးကောက်ပွဲ ကြော်ငြာဆိုင်းဘုတ် ၃၀ခန့် ဖျက်ဆီးခံခဲ့ရပြီ ဖြစ်သည်။

အဆိုပါအမှုများနှင့် ပတ်သတ်၍ သံသယရှိသူအချို့အား ခေါ်ယူစစ်ဆေးမှုများရှိခဲ့သော်လည်း တစ်စုံတစ်ယောက်ကိုမျှ အရေးယူနိုင်ခြင်း မရှိခဲ့ပေ။

အမျိုးသားဒီမိုကရေစီအဖွဲ့ချုပ်သည်လည်း ပြည်ခိုင်ဖြိုးနှင့် နိုင်ငံရေးရပ်တည်ချက်ချင်းမတူသော်လည်း ပြည်ခိုင်ဖြိုး ကဲ့သို့ပင် ခြိမ်းခြောက်ခံခဲ့ရမှုများလည်း ရှိခဲ့သည်။

မလှိုင်မြို့နယ်ရှိ အမျိုးသား ဒီမိုကရေစီအဖွဲ့ချုပ်ပါတီရုံးခွဲတွင် စက်တင်ဘာ ၁၇ ရက် ည ၈ နာရီ ခန့်က ‘‘ပြောင်းလဲချိန်တန်ပြီ’’ ဇာတ်ကားဖြင့် မဲဆွယ်စည်းရုံး ဟောပြောရေးလုပ်ငန်းများ ဆောင်ရွက်နေစဉ် ခေါင်းမိုးကို လောက်လေးခွဖြင့် ရှစ်ချက်ခန့် ပစ်ခတ်ခံခဲ့ ရသည်။

ခြိမ်းခြောက်နှောင့်ယှက်မှုများက ပါတီမရွေး။ ၂၀၁၀ ရွေးကောက်ပွဲဝင်ပါတီ ဖြစ်သည့် အမျိုးသား ဒီမိုကရေစီ အင်အားစု (NDF) သည်လည်း အဆိုပါအဖြစ်အပျက်မျိုး ကြုံတွေ့ခဲ့ရသည်။

မန္တလေးတိုင်း ပုသိမ်ကြီးမြို့နယ် လိန်ပင်ကျေးရွာတွင် စက်တင်ဘာ ၁၈ ရက်က NDF ပါတီဝင်တစ်ဦး၏ နေအိမ်ရှေ့ ခြံစည်းရိုး ၌် စိုက်ထူထားသည့် NDF ပါတီဆိုင်းဘုတ်ကို ယင်းကျေးရွာမှ အမျိုးသားတစ်ဦးက အော်ဟစ်ကာ သစ်သားတုတ်ဖြင့် ဆိုင်ဘုတ်ကို ဆုတ်ဖြဲ၍ အနီးရှိ ဆည်တော်ကြီးမြောင်းအတွင်းသို့ လွှင့်ပစ်ခဲ့သည်။

ယင်းကိစ္စနှင့် ပတ်သက်၍ ပြုလုပ်သူ၏ နောက်ကွယ်တွင် မည်သည့်နိုင်ငံရေးပါတီများ သွေးထိုးလှုံ့ဆော် မှုများရှိ၊ မရှိစုံစမ်းစစ်ဆေး၍ ဥပဒေအရအရေးယူ ဆောင်ရွက်ခြင်များပြုလုပ်မည်ဖြစ်ကြောင်း NDF ပါတီ ဗဟို လုပ်ငန်းကော်မတီဝင် ဦးခင်မောင်သန်းက ပြောသည်။

ပြင်းထန်သည့် အားပြိုင်မှု များနှင့် ထောက်ခံသူရော၊ ကန့် ကွက်ခဲ့သူများပါရှိနေသည့် မဲဆန္ဒနယ်များသို့ သွားလာနေကြရသည့် အမတ်လောင်းများအတွက် လုံခြုံရေးယူပေးမည်ဟု မြန်မာနိုင်ငံရဲတပ်ဖွဲ့မှ အရာရှိများက ပြောသည်။

‘‘ကျွန်တော်တို့ကို လုံခြုံရေးအတွက်ဆိုပြီး ခေါင်းစဉ်တပ်ပြော တာမရှိပေမယ့် မဲဆွယ်စည်းရုံး ရေးဆင်းတဲ့အခါ ကိုယ်စားလှယ်လောင်းတွေ စုစုစည်းစည်းနဲ့သွားဖို့ ပါတီက မှာထားပါတယ်။ ဒါကိုကပဲ လုံခြုံရေးအတွက် မှာကြားတယ်လို့ ယူဆပါတယ်’’ဟု ရန်ကုန်တိုင်းဒေသကြီး သာကေတမဲ ဆန္ဒနယ်(၁)မှ ဒီချုပ်ကိုယ်စား လှယ်လောင်း ဦးနိုင်ငံလင်းက ပြောသည်။

ပါတီဆိုင်းဘုတ်များ ဖျက်ဆီးခံရသည့်ကိစ္စများနှင့် ပတ်သက်၍ သူ့အခွင့်အရေးကိုယ့် အခွင့်အရေး၊ သူ့ပါတီဆိုင်းဘုတ် ကိုယ့်ပါတီဆိုင်းဘုတ်ကို အပြန်အလှန် လေးစားပြီး သန့်ရှင်းစွာ ယှဉ်ပြိုင်သင့်ကြောင်း ၎င်းကအ ကြုံပြုသည်။

‘‘ဒီလိုမှမဟုတ်ရင် ဒီမိုကရေစီနိုင်ငံ ဘယ်လိုတည်ဆောက်မလဲ ဗျာ’’ ဦးနိုင်ငံလင်းကပြောသည်။

ရန်ကုန်တိုင်းဒေသကြီးအတွင်း မဲဆွယ်စည်းရုံးရေးဆင်းနေသည့် လွှတ်တော်ကိုယ်စားလှယ် လောင်းများအနေဖြင့် လုံခြုံရေးအတွက် လိုအပ်ပါက မည်သည့် ပါတီဝင်မဆို သက်ဆိုင်ရာ မြို့နယ်ကော်မရှင်ရုံး၊ ရဲစခန်းနှင့် ရန်ကုန်တိုင်းဒေသကြီး ရဲတပ်ဖွဲ့ထံ လာရောက်အကူအညီတောင်းခံနိုင် ကြောင်း ရန်ကုန်တိုင်းဒေသကြီး ရဲတပ်ဖွဲ့မှ ဒုရဲမှူးကြီး ၀င်းဗိုလ် က ပြောသည်။

‘‘ဘယ်ကိုယ်စားလှယ်လောင်းတွေမဆို မိမိတို့ မြို့နယ်မှာစည်းရုံးရေးဆင်းလို့ လုံခြုံရေး တောင်းလို့ရပါတယ်။ သက်ဆိုင်ရာ ရွေးကောက်ပွဲကော်မရှင်၊ မြို့ နယ်ရဲစခန်းတွေမှာလည်း အကူအညီတောင်းလို့ရတယ်။ ရန်ကုန် တိုင်းဒေသကြီး ရဲတပ်ဖွဲ့မှာလည်း အကူအညီတောင်းလို့ရပါတယ်။ ကျွန်တော်တို့ကတော့ မိုင်းရှင်း လင်းရေးနဲ့ လုံခြုံရေးအတွက် လုပ်ဆောင်ပေးမှာပါ’’ဟု ၎င်းက ပြောသည်။

မြို့ကြီးများတွင် ၀င်ရောက်ယှဉ်ပြိုင်မည့် အမတ်လောင်းများအတွက် ရဲတပ်ဖွဲ့ထံ လုံခြုံရေး တောင်းခံနိုင် သော်လည်း အစိုးရအာဏာစက်နှင့် အလှမ်းဝေးသည့်ဒေသများမှ အမတ်လောင်းများအတွက်တော့ စိန်ခေါ်မှုများရှိနေဆဲ ဖြစ်သည်။

ရှမ်းပြည်အခြေစိုက် လက်နက်ကိုင်တပ်ဖွဲ့တစ်ခုဖြစ်သည့် ရှမ်းပြည်ပြန်လည်ထူထောင်ရေးကောင်စီ၊ ရှမ်းပြည်တပ်မတော် (RCSS/SSA) က ၎င်းတို့ ထိန်းချုပ်နယ်မြေများတွင် လုံခြုံရေးကြောင့် မဲဆွယ် စည်းရုံးရေးလုပ်ငန်းများကို ခေတ္တရပ်ဆိုင်းထားကြရန် အမတ်လောင်းများအား သတိပေးထားသည်။

RCSS/SSA သည် ရှမ်းပြည်နယ် ကွန်ဟိန်း၊ မောက်မယ်၊ နမ့်ဆန်၊ ကျောက်မဲ၊ မိုင်းတုံ၊ မိုင်းပန်စသည့် ဒေသများတွင် အာဏာသက်ရောက်သည့် အဖွဲ့အစည်း တစ်ခုလည်း ဖြစ်သည်။

‘‘အစိုးရဘက်အခြမ်းဆိုလည်း သိပ်ပြဿနာမရှိဘူး။ တိုင်းရင်းသားလက်နက်ကိုင်အခြေစိုက်တယ်ဆိုလည်း သိပ်ပြဿနာမရှိဘူး။ နှစ်ဖက်စလုံးရှိတဲ့နေရာဆိုရင် သတိထားရတယ်။ နောက်တစ်ခုက ဒေသက လူမျိုးစုတစ်ခုအခြေစိုက်တဲ့ နယ်မြေဖြစ်ပေမယ့် အမတ်က အခြားလူမျိုးဆိုရင်လည်း သတိထားရ မယ်’’ဟု ရှမ်းပြည်တောင်ပိုင်းတွင် ၀င်ရောက်ယှဉ်ပြိုင်မည့် အမည်မဖော်လိုသူ လွှတ်တော်ကိုယ်စားလှယ်လောင်း တစ်ဦးက ပြောသည်။

လက်နက်ကိုင်များရောထွေးနေသည့် ဒေသမှ အမတ်လောင်းများအတွက် စိုးရိမ်စိတ်က ရွေးကောက်ပွဲနီးမှ မဟုတ်။ ရွေးကောက်ပွဲ မစတင်မီကာလများကတည်းက ဖြစ်သည်။

ရှမ်းပြည်နယ်တောင်ပိုင်း၊ နမ့်စန်မြို့နယ်ရှိ အမျိုးသားဒီမိုကရေစီအဖွဲ့ချုပ်၏ ရပ်ကျေးဆိုင်းဘုတ်များ ဖျက်ဆီးခဲ့သူ လေးဦးနှင့်ခိုင်းစေညွှန်ကြားခဲ့သူကို နှစ်လကျော်ကြာသည်အထိ ဖမ်းဆီးရမိ သေးခြင်းမရှိ ကြောင်း နမ့်စန်မြို့ နယ် အမျိုးသားဒီမိုကရေစီအဖွဲ့ ချုပ်က ဆိုသည်။

နိုင်ငံရေးလုပ်ကြံမှုများသည် ရွေးကောက်ပွဲနီးကပ်လာပါက ပိုမိုပြင်းထန်လာတတ်ပြီး အနိုင်ရလိုသော်လည်း ပြိုင်ဘက်အမတ်လောင်းအား အနိုင်ရနိုင်ခြေမရှိသော အာဏာမက်မောသူများ၏ နောက်ဆုံး နည်းလမ်းဖြစ်ကြောင်း ရှမ်းပြည်တောင်ပိုင်းတွင် ၀င်ရောက်ယှဉ်ပြိုင်မည့် အမည်မဖော်လိုသူ လွှတ်တော် ကိုယ်စားလှယ်လောင်းတစ်ဦးက ပြောသည်။

မြန်မာနိုင်ငံ၏ ဒီမိုကရေစီ ပြောင်းလဲမှုတွင် အရေးပါသည့် အဖြစ်အပျက်တစ်ခုအဖြစ် ရည်ညွှန်းကြသည့် ၂၀၁၅ ရွေးကောက်ပွဲကျင်းပရန် လပိုင်းမျှသာလိုတော့ သည်။ လွှတ်တော်သို့သွားရန် ကြိုးစားနေသည့် အမတ်လောင်းများအတွက် ခြိမ်းခြောက်မှုများက တိုက်ရိုက်မဟုတ်သော်လည်း သွယ်ဝိုက်သော ခြိမ်းခြောက်မှုများ က ကြုံတွေ့နေရပြီ ဖြစ်သည်။