အသစ်ဖွဲ့စည်းမည့် သတင်းမီဒီယာကောင်စီဝင်များ ရွေးချယ်တင်မြောက်မည့် လုပ်ငန်းစဉ်နှင့်ပတ်သက်၍ မီဒီယာရှင်းလင်းပွဲကို စက်တင်ဘာ ၃ ရက်နေ့က ရန်ကုန်မြို့၌ ပြုလုပ်သည်။
'သတင်းမီဒီယာကောင်စီဝင်များကို သတင်းမီဒီယာကောင်စီ ရွေးချယ်တင်မြောက်ရေးအဖွဲ့က ရွေးချယ်မည် ဟု ရှင်းလင်းပြောဆိုကြသည်။
'သတင်းမီဒီယာကောင်စီ ရွေးချယ်တင်မြောက်ရေးအဖွဲ့' ကို သတင်းမီဒီယာ နည်းဥပဒေ အခန်း ၃၊ ပုဒ်မ ၅ က အရ ရွေးချယ်ထားသည်ဟု သိရသည်။
ရွေးချယ်မှုသည် ပထမဆုံးအကြိမ်ဖြစ်ပြီး တရားမျှတမှုနှင့် စနစ်ကျစေရန် ပြန်ကြားရေးဝန်ကြီးဌာနက မြန်မာစာနယ်ဇင်းကောင်းစီ (ယာယီ) နှင့် ညှိနှိုင်း၍ ဖွဲ့စည်းနိုင်ကြောင်း ယင်းဥပဒေတွင် ဖော်ပြထားသည်။
လက်ရှိရွေးချယ်ရေးအဖွဲ့တွင် အဖွဲ့ဝင် ၉ ဦးပါရှိပြီး၊ ဥက္ကဌမှာ စီးပွားရေးလောကမှ ဦးမော်သန်း၊ ဒုဥက္ကဌမှာ မြန်မာစာနယ်ဇင်းကောင်စီ (ယာယီ) မှ ဒေါက်တာခင်အေး (မောင်ခင်မင်-ဓနုဖြူ)၊ အတွင်းရေးမှူးမှာ ပြန်ကြားရေးဝန်ကြီးဌာနမှ ဒုတိယညွှန်ချုပ် ဒေါက်တာသီတာတင်တို့ဖြစ်ကြသည်။
အဖွဲ့ဝင်များမှာ ၀ိဇ္ဇာ/သိပ္ပံအဖွဲ့မှ ၂ ဦး၊ မြန်မာစာနယ်ဇင်းကောင်စီ (ယာယီ) မှ ဆရာမဒေါ်ချိုချိုတင် (စာရေး ဆရာမ မစန္ဒာ)၊ (စာပေထုတ်/ဖြန့် ဒုဥက္ကဌ) ဦးကျော်ဦး၊ ဥပဒေပညာရှင် တစ်ဦး၊ တွဲဘက်အတွင်းရေးမှူး အဖြစ် ဆရာမတစ်ဦးတို့ဖြစ်သည်။
နည်းဥပဒေ၌ ကောင်စီရွေးချယ်ရေးအဖွဲ့ကို ကောင်စီဝင်အဖြစ်အရွေးမခံမည့် မြန်မာစာနယ်ဇင်းကောင်စီ (ယာယီ) အဖွဲ့ဝင် ၃ ဦး၊ အရွေးမခံမည့်ဥပဒေပညာရှင် ၂ ဦး၊ အရွေးမခံမည့်သတင်းမီဒီယာနှင့် သက်ဆိုင် သည့် တတ်သိ ၃ ဦး၊ ပြန်ကြားရေးဝန်ကြီးဌာနမှ ဒု-ညွှန်ချုပ်အဆင့်ထက်မနိမ့်သည့် အရာထမ်းတစ်ဦးတို့ဖြင့် ဖွဲ့စည်းရန် ဖော်ပြထားသည်။
ကောင်စီဝင်အရေအတွက်ကို စုစုပေါင်း ၂၉ ဦး သတ်မှတ်ထားပြီး နိုင်ငံတော်သမ္မတ၊ ပြည်သူ့လွှတ်တော် ဥက္ကဌ၊ အမျိုးသားလွှတ်တော်ဥက္ကဌတို့က အဆိုပြုသူတစ်ဦးစီ ပါဝင်သည်။ အရည်အချင်းနှင့် ရရှိမည့် ကိုယ်စားလှယ်လောင်းအရေအတွက် အချိုးအစားသတ်မှတ်ချက် အသေးစိတ်ကို မြန်မာစာနယ်ဇင်း ကောင်စီ (ယာယီ) မှတစ်ဆင့် မေးမြန်းနိုင်ကြသည်။
ကောင်စီဝင်လောင်းအမည်တင်သွင်းလိုသည့် အဖွဲ့အစည်း၊ တသီးပုဂ္ဂလများအနေဖြင့် စက်တင်ဘာ ၃ ရက်မှစ၍ ရက်ပေါင်း ၃၀ အချိန်ရသည်။ ရွေးချယ်ရေးအဖွဲ့က ကိုယ်စားလှယ်လောင်းအမည်စာရင်းကို ရွေးချယ်ပွဲမတိုင်မီ ၁၅ ရက်ထက်မနည်း ကြိုတင်ကြေညာရမည်။ ရွေးချယ်တင်မြှောက်ပွဲကျင်းပမည့် နေ့ရက်၊ အချိန်၊ နေရာတို့ကိုလည်း ရက်ပေါင်း ၃၀ ထက်မနည်း ကြိုတင်ကြေညာရမည်။
နည်းဥပဒေ ပုဒ်မ ၇ အရ နိုင်ငံဝန်ထမ်းများ ကောင်စီဝင်လောင်းအဖြစ် အမည်တင်သွင်းခွင့်မရှိပါ။ ထို့ပြင် မကျန်းမာမှုကြောင့် ကောင်စီ၏လုပ်ငန်းများကို ထမ်းဆောင်နိုင်စွမ်းမရှိသူ၊ အကျင့်စာရိတ္တပျက်ပြား မှုနှင့်စပ်လျဉ်း၍ ပြစ်မှုထင်ရှား စီရင်ခံရဖူးသူ၊ နိုင်ငံရေးပါတီတစ်ခုခုတွင် အမှုဆောင်ရာထူးတာဝန် ထမ်းဆောင်နေသူများလည်း အမည်တင်သွင်းခွင့်မရှိပါ။
http://mizzimaburmese.com/
No comments:
Post a Comment