အမျိုးသားဒီမိုကရေစီအဖွဲ့ချုပ်ဗဟိုရွေးကောက်ပွဲ အောင်နိုင်ရေးအဖွဲ့ကအင်န်အယ်လ်ဒီ အမတ်လောင်း များသည် အစိုးရကသတ်မှတ်ထားသည့် မတရားအသင်းများနှင့်ဆက်စပ်ဆောင်ရွက်ခြင်းကိုလုံးဝ မပြုလုပ် ကြရန် ကြေညာချက်ထုတ်ပြန်ခဲ့သည်။
ပြည်ထောင်စုရွေးကောက်ပွဲကော်မရှင်၏ "ရွေးကောက်ပွဲဆိုင်ရာစုဝေးဟောပြောခြင်းနှင့် မဲဆွယ်စည်းရုံး ခွင့်"ညွှန်ကြားချက်နှင့် လွှတ်တော်ရွေးကောက်ပွဲ ဥပဒေများအရ ယခုကဲ့သို့တားမြစ်ရခြင်းဖြစ် သည်ဟု NLD ၏ စက်တင်ဘာ ၈ ရက် ထုတ်ပြန်ချက်ကဖော်ပြသည်။
တည်ဆဲဥပဒေအရ မတရားအသင်း ကြေညာခံရသည့်အဖွဲ့အစည်း၊ အကြမ်းဖက်လုပ်ရပ် ကျူးလွန်သည်ဟု သတ်မှတ်ထားသော အဖွဲ့အစည်းနှင့်လူပုဂ္ဂိုလ်၊ အစိုးရအားလက်နက်ကိုင် ဆန့်ကျင်သော သောင်းကျန်း သူအဖွဲ့များစသည်တို့နှင့် ဆက်သွယ်သည်ဟုခိုင်လုံသော အထောက်အထားရှိသည်ဟု "သက်ဆိုင်ရာ တရားရုံး" က ဆုံးဖြတ်ခံရလျှင် လွှတ်တော် ရွေးကောက်ပွဲဥပဒေအရ အမတ်အဖြစ် ရွေးခံရပြီးသော်လည်း ဆက်လက်ရပ်တည်ပိုင်ခွင့် မရှိဘဲ ဖြစ်မည်။
၂၀၁၄ ခု၊ ဇူလိုင် ၁ ရက်ကထုတ်ပြန်သည့် "ရွေးကောက်ပွဲဆိုင်ရာစုဝေးဟောပြောခြင်းနှင့် မဲဆွယ်စည်းရုံးခွင့် "ညွှန်ကြားချက် စာပိုဒ် ၁၆ အရလည်း တည်ဆဲဥပဒေ တစ်ရပ်ရပ်ဖြစ်စေ၊ ညွှန်ကြား ချက် တားမြစ်ချက်တစ်ရပ်ရပ်ဖြစ်စေ၊စည်းကမ်းတစ်ရပ်ရပ်ကိုဖြစ်စေဖောက်ဖျက်ကြောင်းတွေ့ပါက တည်ဆဲ ဥပဒေများအ အရေးယူခံရမည် ဖြစ်သည်။
အမတ်လောင်းများသည် ရွေးကောက်ပွဲအောင်နိုင်ရေးအတွက် မဲဆွယ်စည်းရုံးခြင်းသက်သက်သာ ပြုလုပ် ရမည်ဖြစ်ပြီး အထက်ဖော်ပြပါအသင်းအဖွဲ့များ၏ အစည်းအဝေးများ၌ပါဝင်ဆောင်ရွက်ခြင်း၊ ယင်းအသင်း အဖွဲ့များအတွက် ဝင်ကြေးထည့်ဝင်ခြင်း၊ ရယူခြင်း၊ တောင်းခံခြင်း၊ လုပ်ငန်းဆောင်ရွက်ရာတွင် ကူညီခြင်း၊ အစည်းအဝေးကို ဆော်သြကမကထပြုခြင်း၊ ဆော်သြကမကထပြုရာတွင် ကူညီခြင်းတို့ကိုလုံးဝ မပြု လုပ်ကြရန် NLD ကထုတ်ပြန် ဖော်ပြထားသည်။
No comments:
Post a Comment