ရွေးကောက်ပွဲမဲပေးရာတွင် မှတ်ပုံတင်ရှိရန် မလိုတော့

နိုဝင်ဘာ ၈ရက်တွင် ကျင်းပမည့်အထွေထွေရွေးကောက်ပွဲ၌ မဲပေးမည့်မဲဆန္ဒရှင်ပြည်သူများမှာ မှတ်ပုံတင်ရှိရန် မလိုတောဘဲ မဲစာရင်းတွင် အမည်ပါရုံဖြင့်ပင် မဲပေးခွင့်ရမည်ဟု ပြည်ထောင်စု ရွေးကောက်ပွဲ ကော်မရှင်ဥက္ကဋ္ဌ ဦးတင်အေးက ပြောသည်။

ရွေးကောက်ပွဲတွင် မဲပေးနိုင်ရန် မဲစာရင်းတွင်ပါဝင်သူအားလုံးကို မဲဆန္ဒရှင်သက်သေခံလက် မှတ်များထုတ်ပေးမည်ဖြစ်ပြီး မှတ်ပုံတင်နှင့် အခြားသက်သေခံ ကတ်ပြားများမလိုအပ်ဘဲ မဲဆန္ဒရှင် သက်သေခံလက်မှတ်ရှိရုံဖြင့် မဲပေးနိုင်မည်ဖြစ်သည်။ 

ဇူလိုင်လကုန်ပိုင်းက မြန်မာနိုင်ငံတစ်ဝန်း မိုးသည်းထန်စွာ ရွာသွန်းခြင်းနှင့် ရေကြီးနစ်မြုပ်မှု များဖြစ်ပွားပြီးနောက် ရေဘေးသင့်ဒေသများမှ မဲဆန္ဒရှင်များမှာ မှတ်ပုံတင်များ၊အခြား သက်သေခံကတ်များ၊ အိမ်ထောင်စုစာရင်းများ ပျက်စီးပျောက်ဆုံးခဲ့သည်။ထို့ကြောင့် ယင်းရေဘေးသင့် မဲဆန္ဒရှင်များ အလွယ်တကူမဲပေးနိုင်ရေးမဲဆန္ဒရှင် သက်သေခံလက်မှတ်များထုတ်ပေးရန် ဆောင်ရွက် နေကာ ရေဘေးသင့်ဒေသများသာမက တစ်နိုင်ငံလုံးအတိုင်းအတာဖြင့် ဆောင်ရွက်မည်ဖြစ်ပြီး မဲဆန္ဒရှင် သက်သေခံလက်မှတ်ကို မဲဆန္ဒရှင်စာရင်းနှင့် တိုက်ဆိုင်စိစစ်ပြီး ထုတ်ပေးမည်ဖြစ်ကြောင်း ဦးတင်အေးကပြောသည်။ 

မဲဆန္ဒရှင်သက်သေခံ လက်မှတ်များကို သက်သေခံလက်မှတ်တွင် မဲစာရင်းအမှတ်ပါရှိသည့်အတွက် မဲစာရင်း၌ အမည်ရှာဖွေသည့်အခါ လျင်မြန်လွယ်ကူပြီး အချိန်ကုန်သက်သာစေရန်၊ မှတ်ပုံတင်ရန်နှင့် အခြားသက်သေခံကတ်ပြားများ ပျောက်ဆုံးသည့် မဲဆန္ဒရှင်များအနေဖြင့် မဲပေးနိုင်ရန်နှင့် သက်သေခံ လက်မှတ်တွင် အမည်၊ မှတ်ပုံတင်၊မွေးသက္ကရာဇ်နှင့် နေရပ်လိပ်စာများပါရှိသဖြင့် ၎င်းအချက်များ မှားနေလျှင် မဲဆန္ဒရှင်က ပြင်ဆင်ပေးခြင်းအားဖြင့် နောင်ရွေးကောက်ပွဲများအတွက် မှန်ကန်သည့်မဲစာရင်း ဆောင်ရွက် နိုင်ရန် ရည်ရွယ်ထုတ်ပေး ခြင်းဖြစ်သည်ဟု ဆိုသည်။ 

မဲပေးမည့်နေ့မဲလက်မှတ် ထုတ်ယူသည့်အခါ မဲစာရင်းနှင့် တိုက်ဆိုင်စစ်ဆေးမည်ဖြစ်ပြီး မသမာမှုဖြစ်နိုင်သည်ဟု သံသယရှိပါက မဲရုံမှူးနှင့် အဖွဲ့ဝင်များ၊ရပ် ကွက်/ ကျေးရွာအုပ်စုကော်မရှင် အဖွဲ့ဝင်များ၊ အုပ်ချုပ်ရေးအဖွဲ့များ၊ မဲရုံကိုယ်စားလှယ်များ၊ အကူကိုယ်စားလှယ်များဖြင့် ထပ်မံ စိစစ် မည်ဖြစ်ကာ မသမာမှုပြုလုပ်ခြင်းမှန်ကန်လျှင် လုံခြုံရေးအဖွဲ့က အရေးယူဆောင်ရွက်မည်ဖြစ်ကြောင်း ပြည်ထောင်စုရွေးကောက်ပွဲကော်မရှင်၏ တရားဝင် သတင်းဝက်ဘ်ဆိုက်တွင် ဖော်ပြထားသည်။ 

မှတ်ပုံတင်မလိုတော့ဘဲ မဲဆန္ဒရှင်သက်သေခံလက်မှတ် ဖြင့် မဲပေးရမည်ဖြစ်၍ လက်ရှိ နိုင်ငံပိုင် မီဒီယာများတွင် ဖော်ပြ နေသည့် မှတ်ပုံတင်အသုံးပြုထား သည့် မဲဆန္ဒရှင်ပညာပေး ရုပ်သံ ဇာတ်လမ်းများကိုပါ ပြင်ဆင်ရိုက် ကူးထုတ်လွှင့်မည်ဟု ဦးတင်အေး က ပြောကြားကြောင်း သြဂုတ်၃၁ ရက်က ရွေးကောက်ပွဲကော်မရှင် နှင့် အရပ်ဘက်လူမှုအဖွဲ့အစည်း များတွေ့ဆုံပွဲသို့ တက်ရောက်ခဲ့ သည့် အရပ်ဘက်အဖွဲ့အစည်း ခေါင်းဆောင်များက ပြောသည်။ 

‘‘မဲဆန္ဒရှင်အားလုံးကို အဖြူရောင်ကတ်ပြားလေးပေါ့။ အဲဒီသက်သေခံ လက်မှတ်ထုတ်ပေးမယ်။ ရွေးကောက်ပွဲမတိုင်မီ တစ်ပတ်အလိုမှာထုတ်ပေးမယ်။ ရေကြီးပြီးတော့မှ ဒီအစီအစဉ်အ တည်ဖြစ် လာတဲ့အတွက် သူတို့ထုတ်ပြန်တာ နောက်ကျတယ်လို့ ပြောပါတယ်။ အဲဒါကြောင့် ရွေးကောက်ပွဲမဲပေးဖို့ မှတ်ပုံတင်ရှိခြင်း၊ မရှိခြင်းက အရေးမကြီးတော့ပါဘူး။ မဲစာရင်းမှာ အမည်ပါ၊ မပါက အဓိကဖြစ်သွားပါ တယ်’’ ဟု ရွေးကောက်ပွဲလေ့လာ စောင့်ကြည့်သူများကွန်ရက် (မန္တလေး)မှ ဦးညီညီကျော်က ပြောသည်။ 

အသက်(၁၈)နှစ် ပြည့်ပြီး ဥပဒေအရမဲပေးခွင့်ရှိသူတိုင်း ရွေးကောက်ပွဲတွင် မဲပေးခွင့်ရရေးအတွက် မဲစာရင်းတွင်အမည်ပါ ၀င်ရေးသည် အဓိကအရေးကြီးသည်။ ထို့ကြောင့် စက်တင်ဘာ ၁၄ရက်တွင် နောက်ဆုံးအကြိမ် ထုတ်ပြန်ကြေညာပေးမည့် မဲစာရင်း၌ မိမိအမည်ပါ၊ မပါသွားရောက်ကြည့်ရှုပေးရန် လိုအပ်ကြောင်း ရွေးကောက်ပွဲကော်မရှင် တာဝန်ရှိသူများနှင့် ရွေးကောက်ပွဲ လေ့လာစောင့်ကြည့်သူများက တိုက်တွန်းပြေ ကြားသည်။ 

‘‘စက်တင်ဘာထဲမှာ ထုတ်ပြန်မယ့် မဲစာရင်းကို မဲဆန္ဒရှင်တွေ သွားကြည့်ကြဖို့။ မဲစာရင်းမှာ ကိုယ့်အမည်ပါ၊ မပါသွားကြည့် ဖို့နဲ့မပါရင် လျှောက်ထားကြဖို့ ဆိုတာကို ကော်မရှင်အဖွဲ့ခွဲတွေရော၊ အရပ်ဘက် အဖွဲ့အစည်းတွေကရော အားသွန်ခွန်စိုက် ကြိုးစားပေးကြဖို့ UEC ဥက္ကဋ္ဌက တိုက်တွန်းသွားတယ်။ အဲဒီမှာ မကြည့်လိုက်ရလို့ မဲစာရင်းမှာပါ မလာဘူးဆိုရင်တော့ သူလည်းမတတ်နိုင်တော့ဘူး။ ရွေးကောက်ပွဲ နေ့မှာမှ မဲစာရင်းမပါလို့ ပြဿနာ လာမရှာနဲ့။ ပထမရှင်းပြမယ်။ ရှင်း ပြလို့မရရင် ရဲလက်အပ်မယ် လို့ UEC ဥက္ကဋ္ဌက ပြောသွား တယ်’’ဟု ဦးညီညီကျော်က ပြော သည်။

7  day Daily