ရန်ကုန်၊ စက်တင်ဘာ ၈ ။ ။ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီက ထူးထူးခြားခြား မဲဆွယ်မည်မဟုတ်ကြောင်း ရန်ကုန်တိုင်း ပါတီအတွင်းရေးမှူး ဦးသာဝင်းက မဇ္ဈိမသို့ ပြောသည်။
မြို့နယ်အလိုက် အောင်နိုင်ရေးအဖွဲ့များမှတဆင့် သက်ဆိုင်ရာခွင့်ပြုမိန့်များ တောင်းခံ ရဦးမည် ဖြစ်သော ကြောင့် တစ်ပါတ်ခန့်ကြာမှ အဆင်ပြေပြေ မဲဆွယ်နိုင်မည်ဟု ၎င်းကဆိုသည်။
'မြို့နယ်တိုင်းမှာအောင်နိုင်ရေးအဖွဲ့တွေဖွဲ့ထားတယ်။ မြို့နယ်အလိုက်တော့ ဒီနေ့စတင်မဲဆွယ်မယ်။ ထူးထူြး ခြားခြားမဲဆွယ်မှာမဟုတ်ဘူး။ ခွင့်ပြုချက်တွေတောင်းရအုံးမယ်။'' ဟု ၎င်းကပြောကြားသည်။
သတ်မှတ်နေရာတွင်ဟောပြောခြင်း၊ လက်ကမ်းစာစောင်ဝေခြင်း၊ လှုံ့ဆော်သီချင်းဖွင့်ခြင်း၊ ကြော်ငြာ ဆိုင်းဘုတ်ထောင်ခြင်း တို့သာပြုလုပ်မည်ဟုဆိုသည်။
လူထုဟောပြောပွဲပြုလုပ်မည်ဆိုလျင် ပြည်ထောင်စုရွေးကောက်ပွဲကော်မရှင်သို့ ၁၅ ရက် ကြိုတင် စာတင်ရမည်။ ကြော်ငြာဆိုင်းဘုတ်ထောင်မည်ဆိုလျင် စည်ပင်သို့ ကြိုတင် စာတင်ရမည်ဟု သိရသည်။
၂၀၁၅ နိုဝင်ဘာ ၈ ရက် ရွေးကောက်ပွဲ ၀င်ပြိုင်မည့်သူများအနေဖြင့် မဲဆွယ်စည်းရုံးရေးလုပ်ငန်းများကို ယနေ့ စက်တင်ဘာ ၈ ရက်နေ့မှ စတင်နိုင်ပြီဖြစ်ပြီး နိုဝင်ဘာ ၆ ရက်ထိ စုစုပေါင်း ရက်ပေါင်း ၆၀ ရထားသည်။
No comments:
Post a Comment