IS တပ်ဖွဲ့၏ ထိန်းချုပ်ခြင်းကို ခံနေရသည့် နယ်မြေများတွင် နေထိုင်သည့် ဒေသခံ အချို့က ကမ္ဘာကျော် အစွန်းရောက် စစ်သွေးကြွများသည် လေကြောင်းမှ တိုက်ခိုက်မှုများတွင် ပစ်မှတ်ဖြစ်နိုင်ခြေကို လျှော့ချပေးမည့် နည်းလမ်းများကို ကျင့်သုံးနေကြောင်း ပြောကြားခဲ့သည်။
မျက်မြင်များက IS စစ်သွေးကြွများသည် ၎င်းတို့၏ စစ်ဆေးရေးဂိတ် အများအပြားကို ဖျက်သိမ်းလိုက်ခြင်းဖြင့် တိုက်လေယာဉ်များ၏ ပစ်မှတ်နေရာ သတ်မှတ်နိုင်ခြေကို လျော့ကျသွားစေကြောင်း ဆိုသည်။ ထို့အပြင် စစ်သွေးကြွ အများအပြားသည် မိုဘိုင်းဖုန်းများ အသုံးပြုပြီး ဆက်သွယ်မှုများကို အတတ်နိုင်ဆုံး ရှောင်ရှားနေကြောင်းလည်း သိရသည်။
စစ်သွေးကြွများသည် ၎င်းတို့ အသုံးပြုနေသည့် သံချပ်ကာယာဉ်များနှင့် အခြားသော မော်တော်ကားများကို အလွန်တောက်ပသည့် အရောင်များ ခြယ်သခြင်းမျိုးကိုလည်း စွန့်လွှတ်လိုက်သည်။ တောက်ပလွန်းသော အရောင်အမျိုးမျိုးနှင့် ယာဉ်တန်းတစ်ခုသည် ဝေဟင်ထက်မှ တိုက်လေယာဉ်မှူးများကို ဗုံးခလုတ် ဖြုတ်ချင်အောင် ဆွဲဆောင် ဖိတ်ခေါ်နေမှန်း IS အဖွဲ့သားများ ရိပ်မိလာခြင်း ဖြစ်သည်။
ထို့အပြင် IS တပ်ဖွဲ့များသည် ၎င်းတို့ ထိန်းချုပ်ရာ နယ်မြေများရှိ နေအိမ်အမြောက်အမြား၏ ခေါင်မိုးထက်တွင် အနက်ရောင် IS အလံများကို ခြယ်သရေးဆွဲထားသည်။ ထိုအခြေအနေက လေယာဉ်မှူးများ အနေဖြင့် ပစ်မှတ်ကို ရွေးချယ်ချိန်တွင် အာရုံထွေပြားစေမည် ဖြစ်သည်။ IS တပ်ဖွဲ့၏ ထိန်းချုပ်ခံ နယ်မြေများမှ ဒေသခံ အများအပြားက ယခုအခါ စစ်သွေးကြွများသည် ၎င်းတို့ အခြေစိုက်ရာ အဆောက်အအုံတစ်ခု ဗုံးကြဲ ဖျက်ဆီးမခံရမီ ကြိုတင် သတင်းရ လွတ်မြောက်အောင် စီမံ ခန့်ခွဲနေနိုင်ပြီဟု ပြောကြားခဲ့သည်။
IS က အသုံးပြုသည့် စစ်လက်နက်များသည် အပေါ့စားများ ဖြစ်သောကြောင့် အလွယ်တကူ ကိုယ်ယောင်ဖျောက်နိုင်သလို မြန်မြန်ဆန်ဆန် ပြန်လည် စုရုံးနိုင်သည်။ ယင်းသည် ကမ္ဘာပေါ်ရှိ စစ်တပ် အများအပြားထက် အားသာချက်တစ်ခု ဖြစ်နေကြောင်း ဗြိတိသျှ ကာကွယ်ရေးနှင့် လုံခြုံရေး သုတေသီ ပေါလ်ဂစ်ဘ်ဆန်က ဆိုသည်။
“သူတို့တွေ အနေနဲ့ အကြိမ်ကြိမ် အစမ်းသပ်ခံရတဲ့နောက် သင့်တော်တဲ့ ပုံသေနည်းတွေကို ရှာတွေ့သွားပုံပဲ။ တကယ်လို့ စစ်သွေးကြွတွေကို လေကြောင်းက တိုက်ခိုက်လာပြီ ဆိုတာနဲ့ IS က အရင်ဆုံး လုပ်တာက ပူးပေါင်း လေတပ်ရဲ့ ပစ်မှတ် သတ်မှတ်ချက်ကို လျှော့ချလိုက်ဖို့ပဲ။ ပြီးတော့ ဆက်သွယ်ရေး ကဏ္ဍမှာ မိုဘိုင်းဖုန်းနဲ့ ရေဒီယိုတွေ အသုံးပြုတာ နည်းသွားတယ်။ ဒီအတွက် သူတို့ဆီက ထွက်ပေါ်လာတဲ့ ရေဒီယိုလှိုင်းကို ဖမ်းယူရတာ ပိုပြီး ခက်သွားတယ်”ဟု ဂစ်ဘ်ဆန်က မှတ်ချက်ပြုခဲ့သည်။
ထို့အပြင် IS တပ်ဖွဲ့က စုစည်းထားသည့် နိုင်ငံတကာ တိုက်ခိုက်ရေးသမားများတွင် အာဖဂန်နစ္စတန်၊ ချေချင်းညာ၊ လစ်ဗျားတို့မှ တိုက်ပွဲအတွေ့အကြုံ ရှိသူများ ပါဝင်နေသောကြောင့် လေကြောင်းထိုးစစ်ကို မည်သို့တုံ့ပြန်ရမည်ကို ပိုမို နားလည်တတ်သိ လွယ်လာကြောင်းလည်း ဂစ်ဘ်ဆန်က ဆိုသည်။ “လေကြောင်း တိုက်ခိုက်မှု တစ်ရပ် ကြုံလာပြီဆိုရင် ဘယ်လို နေထိုင် ပြုမူမှုမျိုးက အံအဝင်ဆုံး ဖြစ်မလဲ ဆိုတာကို သူတို့တွေ လျင်လျင်မြန်မြန် သင်ယူနိုင်ခဲ့ပုံပဲ။ အခြေခံ အချက်တွေအရ ကိုယ့်ဆီမှာ မိုဘိုင်းဖုန်းတစ်လုံး ရှိနေရင် ဗုံးတစ်လုံး ချက်ချင်းရောက်လာနိုင်တာကို သိထားရမယ်လေ”ဟု ၎င်းက ပြောကြားသွားသည်။
_Ref: BBC
No comments:
Post a Comment