ကားတင်သွင်းခွင့်ပါမစ် ကို လက်ရှိမူဝါဒဖြင့် ဒီဇင်ဘာ ၂၄ ရက်မှစ၍ ရပ်နားလိုက်ပြီဖြစ် သောကြောင့် ပြည်တွင်း ကားဈေးကွက်အတွင်း ဈေးတက်လာ ကြောင်း သတင်းရရှိသည်။
‘‘ဒီနေ့ မနက်ပိုင်းဈေးတက် လာတယ်။ တစ်စီးကို ပျမ်းမျှငါး သိန်းကျော်လောက် တက်သွားတယ်’’ဟု လှိုင်ယာဉ်ရောင်းဝယ်ရေးစခန်းမှ ကားဝယ်ရောင်း ဦးမင်းသူ က ပြောသည်။
ဈေးတက်သွားသည်ဟု ဆို သော်လည်း အများစုက ရောင်း မှား၊ ၀ယ်မှားဖြစ်မည် စိုးသော ကြောင့် အရောင်းအ၀ယ်မလုပ် ကြ’’ဟု ကားဝယ်ရောင်း အချို့က ဆိုသည်။
အထူးသဖြင့် တစ်နိုင်တစ် ပိုင် တင်သွင်းလာသည့် ကားများ ဖြစ်သည့် ၁၃၀၀ စီစီ အင်ဂျင်ပါဝါ နိမ့်ကားများမှာ ဈေးနှုန်းအားဖြင့် ကျပ်သုံးသိန်းမှ လေးသိန်းအထိ မြင့်တက်နိုင်ပြီး အများစုက ဈေးခေါ် ရောင်းချနေခြင်းဖြစ်၍ အရောင်းအ၀ယ်မဖြစ်ကြောင်း ကားဝယ်ရောင်းတစ်ဦးက ဆိုသည်။
စလစ်ကပ်တင်သွင်းရသည့် အင်ဂျင်ပါဝါနိမ့်ကားများမှာမူ ဈေးနှုန်းမြင့်တက်ခြင်း မရှိသော် လည်း စလစ်ဈေး ဆက်တိုက် မြင့်တက်လာကြောင်း အထက်ပါ ၀ယ်ရောင်းက ဆိုသည်။
‘‘စလစ်ဈေးက ထပ်တက်ဖို့ ပဲ ရှိတော့တယ်။ အခုတောင် တစ်စောင်ကို ၄၅ သိန်းနဲ့ ၄၈ သိန်း ဖြစ်နေပြီ’’ဟု ၎င်းကဆိုသည်။
ဇန်န၀ါရီ ၁ ရက်မှ စတင် မည့် ကားတင်သွင်းခွင့် မူဝါဒသစ် အတွက် အများစုက ရန်ကုန်တွင် ကားဝယ်ယူရန် ခက်ခဲသွားပြီး နယ်လိုင်စင်အမည်ပေါက်ကား များမှာမူ ဈေးသက်သာလာနိုင် ကြောင်း ကားတင်သွင်းသူအချို့ က ဆိုသည်။
ကားပါကင်ရှိမှ ကားတင် သွင်းခွင့်ရမည်ဆိုသည့် မူဝါဒသစ် ကြောင့်လည်း ကားအရောင်းစင်တာသမားများသာ အကျိုးဖြစ်ထွန်းနိုင်ကြောင်း ကားဝယ်ရောင်းများက ခန့်မှန်းပြောကြားသည်။ ကားပါကင်ရှိကြောင်း ထောက်ခံချက်ရရှိရန် ဌာနကြီး လေးခုကို ဖြတ်သန်းရမည်ဖြစ်ပြီး ဌာနတစ်ခုတွင် ထောက်ခံချက် တစ်ခုရရန် တစ်ရက်မှ နှစ်ရက်အ ထိ အချိန်ပေးနေရသဖြင့် များစွာခက်ခဲနေရကြောင်း ကားတင်သွင်းသူများက ဝေဖန်သည်။
ဇန်န၀ါရီ ၁ ရက်တွင် စတင် မည့် မူဝါဒသစ်ကြောင့် ကားတင် သွင်းရာတွင် ဌာနသုံးခုနှင့် များစွာ ရှုပ်ထွေးနိုင်ပြီး ကားဈေးကွက်က လည်း ၀ယ်ယူမည့်သူများကို လှန့်၍ ဈေးတက်နိုင်ကြောင်း မော်တော်ယာဉ် သုံးသပ်ဆောင်းပါးများ ရေးသားနေသူ ဆောင်းပါးရှင် ကိုအရည်ကျိုက ခန့်မှန်းသည်။
7Day
No comments:
Post a Comment