မွေးဖွားချိန် ကိုယ်အလေးချိန် နည်းပါးခြင်းက ကလေးငယ်များမကြာခဏ ကြုံတွေ့တတ်သည့် စောစောပိုင်း ကျန်းမာရေးအခြေအနေများကြောင့် ဖြစ်ဖွယ်ရှိသည့် စာသင်ကျောင်း၌ ကလေး၏စွမ်းဆောင်ရည်အပေါ် ထိခိုက်စေနိုင်ကြောင်း လေ့လာမှုတစ်ရပ်က ဖော်ပြသည်။ သုတေသီများက ကလေးငယ် ၁ ဒသမ ၆ သန်း၏ မွေးဖွားချိန်အခြေအနေများနှင့် ကျောင်းမှတ်တမ်းများကို နှိုင်းယှဉ်လေ့လာခဲ့ခြင်း ဖြစ်သည်။ မွေးဖွားချိန် ကိုယ်အလေးချိန်ပိုများသော ကလေးငယ်များမှာ ကျောင်းနေစဉ် စာဖတ်ခြင်းနှင့် သင်္ချာတွက်ရာတွင် ပိုတော်ကြောင်း ယခုလေ့လာမှုက ဖော်ပြသည်။
နောက်ကြောင်းအချက်အလက် တူညီသည့် မိသားစုများမှ ကလေးငယ်များကို လေ့လာရာ၌လည်း မွေးဖွားချိန်ကိုယ်အလေးချိန် မှာ ကျောင်းနေစဉ် ကလေးငယ်၏ အောင်မြင်မှုကို ကြိုတင်ဟောကိန်းထုတ်ရာတွင် အဓိကကျသော အချက်ဖြစ်သည်ဟု ဖလော်ရီဒါ တက္ကသိုလ်ဆေးကောလိပ်မှ ကလေးအထူးကုပါမောက္ခ ဂျက်ဖရီရို့တ်က ပြောသည်။
မွေးဖွားချိန် ၇ ပေါင်လေးသော ကလေးငယ်မှာ ၆ ပေါင်လေး သော ကလေးငယ်ထက် ပိုမိုကျန်းမာပြီး ကျောင်းနေစဉ် အရွယ်တွင်လည်း စာတော်ကြောင်း သိရသည်။ ထို့အတူ ၈ ပေါင်လေးသော ကလေးနှင့် ၉ ပေါင်လေးသော ကလေးများမှာလည်း ထိုနည်းအတိုင်းပင်ဖြစ်ကြောင်း သုတေသီများက ပြောသည်။ သို့သော် ပညာကောင်းစွာ သင်ကြားတတ်မြောက်ထားသော မိဘများမှ မွေးဖွားသည့် ကိုယ်အလေးချိန်ပိုနည်းသော ကလေးငယ်များမှာ အထက်တန်းအထိသာ ပညာသင်ဖူးသော မိဘများ၏ ကလေးများထက် ဘ၀တွင်များစွာ ပိုတော်အောင် လုပ်နိုင်သည်ဟု သုတေသီများကပြောသည်။
မူလတန်းအရွယ်တွင် စာတော်သော ကလေးငယ်များမှာ ကောလိပ်ကျောင်းမှ ဘွဲ့တစ်ခုခု ရနိုင်ခြေပိုများပြီး အရွယ်ရောက်လာစဉ် ၀င်ငွေပိုရကာ အသက်ပိုရှည်ကြောင်း အခြားသော လေ့လာမှုတစ်ခုက ဖော်ပြသည်။ ယခုလေ့လာမှုကို American Economicl Review ဂျာနယ်တွင် ဖော်ပြထားသည်။
7Day
No comments:
Post a Comment