လှေစီးဒုက္ခသည်များနှင့်ပတ်သက်၍ မလေးရှားနိုင်ငံ၏ လက်ရှိအခြေအနေများကြောင့် မလေးရှားနိုင်ငံ ရောက် မြန်မာနိုင်ငံသားများ သတိထားသွားလာ နေထိုင်ကြရန် မလေးရှားနိုင်ငံဆိုင်ရာ မြန်မာသံရုံးက ယနေ့ မေလ ၂၆ ရက် ညနေပိုင်း၌ သတိပေးချက်ထုတ်ပြန်လိုက်သည်။
ယခုကာအတွင်း ဖြစ်ပေါ်နေသော မလေးရှားနိုင်ငံ၏ အခြေအနေနှင့် နိုင်ငံတကာ၌ လှုံ့ဆော်ချဲ့ကား ပြောကြားချက်များကြောင့် မလိုလားအပ်သော ကိစ္စများမဖြစ်ပေါ်ရန်အတွက် နေထိုင်သွားလာမှု ဆင်ခြင်ကြရန်နှင့် တစ်ဦးထဲမသွားလာဘဲ အုပ်စုဖွဲ့နေထိုင်သွားလာကြရန် တိုက်တွန်းထားသည်ဟု ဖော်ပြထား သည်။
‘‘ဟိုနေ့ကလဲ မလေးရှားအစ္စလာမ်မစ်ပါတီခေါင်းဆောင်က မြန်မာသံရုံးရှေ့ကို ဆန္ဒပြပြီး မြန်မာတွေ ထွက်သွားဖို့ ပြောဆိုခဲ့တယ်။ နောက်ပြီး လှေစီးဒုက္ခသည်တွေကိုလည်း မြန်မာနိုင်ငံကလက်ခံဖို့အတွက် ပြောဆိုဆန္ဒပြခဲ့တာ။ အခုရက်ပိုင်းမှာ အွန်လိုင်းတွေပေါ်မှာလည်း သွေးထိုးလှုံ့ဆော် နေတာတွေရှိနေတယ်။ အဲဒါကြောင့်မြန်မာသံရုံးက သတိပေးချက် ထုတ်ပြန်တာနေမှာ"ဟု မလေးရှားနိုင်ငံရောက် မြန်မာလုပ်သားတစ်ဦးဖြစ်သူ ကိုမြင့်သိန်းက ပြောသည်။
No comments:
Post a Comment