မြန်မာနိုင်ငံတွင် သမိုင်းအလှည့်အပြောင်းတစ်ခုဖန်တီးနိုင်ဖို့အတွက် လာမည့်နိုဝင်ဘာ(၈)ရက်နေ့တွင် ကျင်းပမည့် ရွေးကောက်ပွဲသည် အခွင့်အလမ်းဖြစ်ကြောင်းနှင့်ယင်းရွေးကောက်ပွဲတွင်အမျိုးသား ဒိမိုကရေစီအဖွဲ့ချုပ်ပြတ်ပြတ်သားသားအောင်ပွဲခံမည်ဆိုလျင်အစိုးရဖွဲ့ခွင့်ရမည်ဖြစ်ကြောင်း လွှတ်တော် ကိုယ်စားလှယ်လောင်း ဦးရည်မွန်(ခ)မောင်တင်သစ်ကမဲဆွယ် စည်းရုံးဟောပြောမှုတွင်ပြောကြားခဲ့သည်။
ကျွန်တော်တို့ဒီမိုကရေစီကိုတစ်ကယ်သွားချင်တယ်ဆိုရင်ဒီမိုကရေစီအင်အားစုတွေရဲ့လက်ထဲကိုနိုင်ငံရေးအာဏာရောက်လာဖို့လိုတယ်။ကျွန်တော်တို့က်ထဲကို နိုင်ငံရေးအာဏာမရောက်သရွေ့ တစ်ကယ်စစ်မှန်တဲ့ ဒီမိုကရေစီကိုသွားဖို့ကျွန်တော်တို့မဖြစ်နိုင်ဘူး။အဲ့တော့အခုရွေးကောက်ပွဲကတော့ကျွန်တော်တို့ရဲ့ အခွင့်အလမ်း အမျိုးသားဒီမိုကရေစီအဖွဲ့ချုပ်က လုံလောက်တဲ့လွှတ်တော်ကိုယ်စားလှယ် အရေအတွက် ရခဲ့မယ်ဆိုရင်အစိုးရဖွဲ့ခွင့်ရရှိလာမယ်”ဟု စက်တင်ဘာလ ၁၅ ရက်က ပုဗ္ဗသီရိမြို့နယ် မင်္ဂလာဒီပ ရပ်ကွက်တွင် ပြုလုပ်သည့်မဲဆွယ်စည်းရုံးမှုတွင်ဒေသခံမဲဆန္ဒရှင်များအားပြောကြားခဲ့သည်။
အစိုးရဖွဲ့ခွင့်ရခြင်းသည် နိုင်ငံရေးအာဏာကို ကိုယ်ရဲ့အင်အားစုလက်ထဲသို့ ရောက်လာတာဖြစ်ကြောင်း နှင့် ထိုသို့ ရောက်ဖို့အခွင့်အရေးဖို့အတွက်လိုအပ်သည်မှာ လွှတ်တော်ထဲတွင် အမျိုးသား ဒီမိုကရေစီ အဖွဲ့ချုပ်မှ ကိုယ်စားလှယ် အများစု အနိုင်ရဖို့အရေးကြီးကြောင်း မဲဆန္ဒရှင်များပြောကြားခဲ့သည်။
“အဆုံးအဖြတ်ပေးမယ့်သူက ဒီလွှတ်တော်ကိုယ်စားလှယ်တွေ အဲ့တောဒီလွှတ်တော်နှစ်ရပ်မှာ အဖွဲ့ချုပ် ကိုယ်စားလှယ်တွေသာအများစု ပြည်သူလူထုက ပို့ဆောင်ပေးလိုက်မယ်ဆိုရင် NLD အစိုးရဖြစ်ခွင့် ဆုံးဖြတ်ချက်ချနိုင်မယ်။ အဲ့ဒီအတွက် အခုရွေးကောက်ပွဲအရေးကြီးတယ်။ NLD ပြတ်ပြတ်သားသား အောင်ပွဲခံဖို့ လည်း အရေးကြီးတယ်ဆိုတာ ကျွန်တော်တို့ ပြောနေတာ”ဟု မင်္ဂလာဒီပရပ်ကွက် ဒေသခံ မဲဆန္ဒရှင်များကို ပြောကြားခဲ့သည်။
ပြည်သူ့လွှတ်တော်၊အမျိုးသားလွှတ်တော်နှစ်ရပ်ပေါင်းလွှတ်တော်ကိုယ်စားလှယ် (၆၆၄)ဦးရှိ ကြောင်း နှင့် ယင်းလွှတ်တော်နှစ်ရပ်တွင် အမျိုးသားဒီမိုကရေစီအဖွဲ့ချုပ်မှကိုယ်စားလှယ်များက (၃၃၃)ဦး အနိုင် ရမည် ဆိုလျင် အမျိုးသားဒီမိုကရေစီအဖွဲ့ချုပ်အစိုးရဖွဲ့ခွင့်ရပြီဟုပြောလို့ကြောင်း လွှတ်တော်ကိုယ်စားလှယ် လောင်း ဦးရည်မွန်ကပြောကြားခဲ့သည်။
အဲ့ဒီအတွက်မဲဆန္ဒပေးသည့်အခါတွင်မဲဆန္ဒရှင်များက ပြည်သူ့လွှတ်တော်ရော အမျိုးသားလွှတ်တော်ရော ကိုယ့်ကိုယ်စားလှယ်တွေ လွှတ်တော်ထဲရောက်အောင်ပို့ပေးဖို့ လိုတယ်” ဟု ဦးရည်မွန်(ခ)မောင် တင်သစ်ကပြောကြားခဲ့သည်။
No comments:
Post a Comment