မြန်မာနိုင်ငံသည် တိုင်းတစ်ပါးလက်အောက်တွင် နှစ်ပေါင်း 100 ကျော်မှ ဖိနှိပ်ချုပ်ခြယ်ခံခဲ့ရပြီး တိုင်းရင်းသားညီအစ်ကိုမောင်နှမများ အသက်ပေါင်းများစွာစတေးပြီး လွတ်လပ်ရေးရရှိအောင် ကြိုးပမ်းခဲ့ရ ပါသည်။
လွတ်လပ်ရေးရရှိခဲ့သော်လည်း နယ်ချဲ့မိစ္ဆာတို့၏သပ်လျှိုသွေးခွဲခဲ့မှုများကြောင့် ညီနောင်အ ချင်းချင်းစိတ်ဝမ်းကွဲပြားကာ ပြည်တွင်းလက်နက်ကိုင်ပဋိပက္ခများနှင့်ကြုံခဲ့ရပြီး မြန်မာပြည်သည်ဖွံ့ဖြိုးတိုးတက်မှု နောက်ကျခဲ့ရပါသည်။ ထို့ထက်ပိုသည်က ညီနောင်တိုင်းရင်းသားအချင်းချင်း အမုန်းပွားနေခြင်းပင်ဖြစ်ပါသည်။ တို့တာဝန်အရေးသုံးပါးတွင် တိုင်းရင်းသားစည်းလုံးညီညွတ်မှုပြိုကွဲလျှင် ကျန်နှစ်ပါးကလည်း ကျွဲကူးရေပါဆိုသလိုဖြစ် သွားနိုင်သည်။
မြန်မာနိုင်ငံဟာ သယံဇာတပေါကြွယ်ဝသည်။ နိုင်ငံကသေးသော်လည်း လူမျိုးစုများသည့်အတွက် တစ်ယောက်လုပ်တာ တစ်ယောက်က အကောင်း မထင်။ သူတစ်လူငါတစ်မင်းနဲ့ ညီညွတ်မှုမရှိခဲ့ကြလို့ ဒီမိုကရေစီစနစ်ကို မဖော်ဆောင်နိုင်ခဲ့တဲ့အတိတ် သမိုင်းရဲ့ဆိုးမွေများကို သင်ခန်းစာယူကာ ယနေ့ကာလတွင် နိုင်ငံရေးပြုပြင်ပြောင်းလဲမှုများဖြင့် ပါတီစုံဒီမို ကရေစီစနစ်ကို ဖော်ဆောင်ကာ ဒီမိုကရေစီနိုင်ငံတော်သစ်ကို တည်ဆောက်နေသည့် အချိန်အခါသမယ ဖြစ်ပါသည်။
အနာဂတ်ကိုပိုင်စိုးမှာ လူငယ်များပင်ဖြစ်ပါသည်။ လူငယ်တို့ရဲ့လက်ထဲတွင် မြန်မာနိုင်ငံ၏ အနာဂတ် ရှိပါသည်။ ပဋိစ္စသမုပါဒ်လမ်းစဉ်နှင့်အညီ အကြောင်းတရားမရှိဘဲ အကျိုးမဖြစ်ပေါ်နိုင်သကဲ့သို့ ညီနောင်အချင်းချင်း ချစ်ကြည်ရင်းနှီးကာ လက်ဆွဲနှုတ်ဆက်နေသည့် မြင်ကွင်းကို မြင်လိုက်ရသည်နှင့် တစ်ပြိုင်နက် မြန်မာနိုင်ငံရဲ့အနာဂတ်ဟာ အေးချမ်းမည့် နိမိတ်၊ ဖွံ့ဖြိုးတိုးတက်မည့် လက္ခဏာများ ပင်ဖြစ်ပြီး ညီနောင်အချင်းချင်း ချစ်ကြည်နေသမျှ ကမ္ဘာအလယ်မှာ မြန်မာနိုင်ငံပုံရိပ်သည် ပိုမိုထွန်းလင်း တောက်ပလာမည်ဟု ယုံကြည်မိပါသည်။
ပြည်သူ့ပုံရိပ်
No comments:
Post a Comment