လူသေဆုံးမှုများများပြားသည့် ရေဘေးရင်ဆိုင်ကြုံတွေ့နေရမှုအပေါ် မြန်မာအစိုးရ၏ တုံ့ပြန်လုပ်ဆောင်မှု များနှင့် ပတ်သက်၍ ကုလသမဂ္ဂအဖွဲ့ကြီးက ချီးကျုးခဲ့သည်။ လူဒါဇင်များစွာသေဆုံးကာ နိုင်ငံ၏နေရာတော်တော်များများတွင် ပြည်သူနှစ်သိန်းကျော်ထက်မနည်း ရေကြီးမှု ဘေးကိုရင်ဆိုင်တွေ့ကြုံ နေရခြင်းအား အစိုးရနှင့်အဖွဲ့အစည်းများ၏ တုံ့ပြန်ဆောင်ရွက်ပေးမှု များနှင့်ပတ်သက်ကာ ကုလသမဂ္ဂက ချီးကျုးပြောဆိုခဲ့ခြင်းဖြစ်ကြောင်း ပြောရေးဆိုခွင့်ရှိသူ စတီဖနီဒူဂျာရစ် က သြဂုတ် ၃ ရက်က ပြောကြား ခဲ့သည်။
"မြန်မာနိုင်ငံရောက် ကုလသမဂ္ဂမှ မြန်မာနိုင်ငံဆိုင်ရာလူသားချင်းစာနာထောက်ထားရေး ညှိနှိုင်းရေးမှူး ဖြစ်တဲ့ အီမွန်မာဖီက လက်ရှိရေဘေးဒုက္ခအပေါ် ကူညီကယ်ဆယ်ရေးတွေ လုပ်ဆောင်နေကြတဲ့ အစိုးရ အာဏာပိုင်အဖွဲ့အစည်းတွေနဲ့ စစ်တပ်တို့ရဲ့ အားထုတ်လုပ်ဆောင်မှုတွေ၊ လူမှုရေးအဖွဲ့တွေ၊ ဒေသတွင်း အဖွဲ့အစည်းတွေနဲ့ ကြက်ခြေနီအဖွဲ့တွေရဲ့ လုပ်ဆောင်မှုတွေက ချီးကျုးလက်ခံစရာကောင်းကြောင်း ပြောခဲ့ ပါတယ်။"ဟု ဒူဂျာရစ်က ပြောသည်။
ရေကြီးမှုအတွင်း သေဆုံးသူဦးရေကို မြန်မာအစိုးရထံမှ သတင်းအချက်အလက်များနှင့်ညှိကာ ကုလသမဂ္ဂ လူသားချင်းစာနာထောက်ထားရေးညှိနှိုင်းဆောင်ရွက်ရေး OCHA က စာရင်းပြုစုခဲ့ကြောင်း ဒူဂျာရစ်က ပြောပြီး မုတ်သုံအဝင်ကြမ်းခြင်းနှင့် မိုးများသည်းထန်စွာရွာသွန်းခြင်းကြောင့် ရေကြီးမှုများဖြစ်ပေါ်ရသည်ဟု ထပ်လောင်းပြောဆိုသည်။
ရေဘေးဒုက္ခအဆိုးဆုံးကြုံတွေ့နေသည့်နေရာများမှ ရေဘေးသင့်ပြည်သူ တစ်သိန်းခွဲကျော်အတွက် ကမ္ဘာ့စားနပ်ရိက္ခာအဖွဲ့ကြီး WFP က တစ်လစာ ဆန်၊ ပဲ၊ ဆီ၊ ဆားနှင့် အခြားထောက်ပံ့မှုများကို ပေးပို့ကူညီလျက်ရှိနေကြောင်း ၎င်းကပြောသည်။
"မြန်မာနိုင်ငံက ကလေးသူငယ်တွေအတွက်က ဆင်းရဲချို့တဲ့စွာနေထိုင်ရသည့် အကျပ်အတည်းအပေါ် ရေကြီးမှုဘေးနဲ့ တစ်ခါထပ်ပြီးကြုံရလို့ နှစ်ဆဒုက္ခရောက်တာပါပဲ။ အကြမ်းဖက်မှုတွေနဲ့ ပဋိပက္ခတွေကြားမှာ နေထိုင်နေရတဲ့ ကလေးငယ်တွေအတွက် နှစ်ဆင့်ဒုက္ခကြုံတွေ့ရတာဖြစ်ကြောင်း ကုလသမဂ္ဂကလေးငယ် များရန်ပုံငွေအဖွဲ့ UNICEF က သတိပေးခဲ့တယ်။"ဟု ပြောရေးဆိုခွင့်ရှိသူ ဒူဂျာရစ်က ပြောခဲ့သည်။
ဇူလိုင်လနှောင်းပိုင်းတွင် မိုးများသည်းထန်စွာရွာသွန်းကာ ရေကြီးမှုများဖြစ်ပွားခြင်းဖြစ်ပြီး ပြည်နယ်နှင့် တိုင်းဒေသကြီး ၁၂ ခုရှိ မြို့နယ်ပေါင်း ၄၂ မြို့နယ်တွင် ရေဘေးဒုက္ခများ ကြုံတွေ့နေရခြင်းဖြစ်သည်။ အိမ်များပျက်စီးခြင်း၊ လယ်ကွင်းများ၊ ရထားလမ်းများ၊ လမ်းတံတားများလည်း ပျက်စီးမှုများဖြစ်ပေါ်ခဲ့သည်။
မဇ္ဈိမ
No comments:
Post a Comment